చంద్రబాబుకు భారీగా తగ్గన మెజార్టీ

Chandrababu is a heavy downgrade majority

Date:23/05/2019

తిరుపతి ముచ్చట్లు:

చిత్తూరు జిల్లా కుప్పం అసెంబ్లీ స్థానం నుంచి టీడీపీ అధ్యక్షుడు చంద్రబాబు నాయుడు వరసగా ఏడోసారి విజయం సాధించి రికార్డు సృష్టించారు. సమీప ప్రత్యర్థి, వైసీపీ అభ్యర్థి చంద్రమౌళిపై 29,993 మెజార్టీతో చంద్రబాబు విజయం సాధించారు. అయితే.. ఈసారి ఆయన మెజార్టీ మాత్రం బాగా తగ్గడం గమనార్హం. ప్రభుత్వ వ్యతిరేక పవనాల నేపథ్యంలో టీడీపీకి కంచుకోటగా ఉన్న కుప్పం నియోజకవర్గంలోనూ ఆ ప్రభావం కనిపించింది. వైసీసీ ప్రభావం బలంగా ఉండటంతో గతంలో కంటే ఈసారి చంద్రబాబు మెజార్టీ భారీగా తగ్గింది. ఎన్నికల ఫలితాల వేళ.. కుప్పం నియోజకవర్గంపై అందరి దృష్టి నెలకొంది. ఆయన ఈసారి తన మెజార్టీని మరింత పెంచుకుంటారని టీడీపీ శ్రేణులు ధీమా వ్యక్తం చేయగా.. ప్రభుత్వ వ్యతిరేక పవనాలు వీస్తున్న తరుణంలో ఆధిక్యం తగ్గుతుందని విశ్లేషకులు తెలిపారు. అందుకు తగ్గట్టే ఆయన మెజార్టీ తగ్గింది.

 

 

 

 

 

దీంతో పాటు చంద్రబాబు నేతృత్వం వహిస్తున్న టీడీపీకి ఈసారి గట్టి ఎదురుదెబ్బ తగిలింది. జాతీయ రాజకీయాల్లో ఈసారి మరింత కీలకంగా వ్యవహరిస్తున్న చంద్రబాబుకు ఇది ఇబ్బందికర పరిణామమే. కుప్పం నియోజకవర్గం నుంచి చంద్రబాబు నాయుడు 1989 నుంచి పోటీ చేస్తున్నారు. 1989, 1994, 1999, 2004, 2009, 2014లో గెలుపొంది డబుల్ హ్యాట్రిక్ విజయాలు నమోదు చేశారు. 2004లో 59,588 ఓట్ల ఆధిక్యం సాధించగా.. 2009లో మెజార్టీ స్వల్పంగా (46,066) తగ్గింది. తిరిగి 2014లో ఆధిక్యం స్వల్పంగా (47,121) పెంచుకున్నారు.

 

 

 

 

 

 

 

తాజా ఎన్నికల్లో 29 వేల మెజార్టీతో సరిపెట్టుకున్నారు. 1999, 2004, 2009లో చంద్రబాబు నాయుడిపై కాంగ్రెస్ పార్టీ తరఫున పోటీ చేసిన ఎం సుబ్రమణ్య రెడ్డి రెండో స్థానంలో నిలవగా.. 2014లో వైసీపీ తరఫున పోటీ చేసిన చంద్రమౌళి రెండో స్థానంలో నిలిచారు. ఈ ఎన్నికల్లోనూ కుప్పంలో చంద్రబాబు నాయుడిని ఈయనే ఎదుర్కొన్నారు. అటు కుప్పం నియోజకవర్గంలో సర్వశక్తులూ ఒడ్డిన వైఎస్సార్ సీపీ అధినేత స్వయంగా ప్రచారం నిర్వహించి కార్యకర్తల్లో ఉత్సాహం నింపడం గమనార్హం.

 

149 స్థానాల్లో వైసీపీ విజయభేరి

 

Tags: Chandrababu is a heavy downgrade majority

Leave a Reply

Your email address will not be published. Required fields are marked *