వైఎస్సార్ భీమా పథకంలో మార్పు

విజయవాడ ముచ్చట్లు:

కుటుంబ పెద్ద అకాలంగా మరణిస్తే ఆ ఫ్యామిలీ నడిరోడ్డుపైకి వచ్చేస్తుంది. ఒకవేళ కుటుంబంలో సంపాదించే ఏకైక వ్యక్తి అతడే అయిప్పుడు ఫ్యామిలీ దిక్కులేనిది అవుతుంది. ఈ తరుణంలో కుటుంబంలో సంపాదించే వ్యక్తి మ‌ర‌ణిస్తే ఆ ఫ్యామిలీని స‌త్వర‌మే ఆదుకునేలావైఎస్సార్ బీమా పథకంలో రాష్ట్ర ప్రభుత్వం కీలక మార్పులు చేసింది. బాధిత కుటుంబానికి నెల రోజుల్లోపే ప్రభుత్వం డబ్బు చెల్లించనుంది. బీమాకు సంబంధించిన క్లయిమ్‌ల ప‌రిష్కారంలో చిక్కుముడుల‌కు ఇక స్వస్తి చెప్పాల‌ని జగన్ సర్కారు నిర్ణయించింది.వైఎస్సార్ బీమాపై స‌మీక్ష సంద‌ర్భంగా ముఖ్యమంత్రి వైఎస్ జ‌గ‌న్మోహన్ రెడ్డి సంచలన కీలక నిర్ణయం తీసుకున్నారు. సీఎం జగన్ ఆదేశాల ప్రకారం.. ఇకపై మ‌ర‌ణించిన వ్యక్తి కుటుంబానికి నేరుగా రాష్ట్ర ప్రభుత్వం నుంచి సాయం అంద‌నుంది. కుటుంబంలో సంపాదిస్తున్న 18 నుంచి 50 ఏళ్ల మ‌ధ్య వ‌య‌సు ఉన్న వ్యక్తి స‌హ‌జంగా మ‌ర‌ణిస్తే రూ. 1 ల‌క్ష ఆర్థిక సాయం అందించ‌నున్నారు. అదే.. సంపాదిస్తున్న వ్యక్తి వ‌య‌సు 18 నుంచి 70 ఏళ్ల మ‌ధ్య ఉండి.. ప్రమాద‌వ‌శాత్తు మ‌ర‌ణిస్తే రూ.5 ల‌క్షలు ఆర్థిక‌ సాయం చేయ‌నున్నారు.వైఎస్సార్ బీమా ప‌థ‌కంలో చేసిన ఈ మార్పులు జులై 1 నుంచి అమ‌ల్లోకి రానుంది. ఈ లోగా కుటుంబాల్లో సంపాదించే వ్యక్తుల (కుటుంబ పెద్ద) మ‌ర‌ణాల‌కు సంబంధించిన వారి క్లయిమ్‌ల‌ను ప‌రిష్కరించ‌డానికి వెంట‌నే చ‌ర్యలు తీసుకోవాల‌ని అధికారుల‌కు సీఎం జ‌గ‌న్ ఆదేశాలు జారీ చేశారు.రైతు ఆత్మహ‌త్యలు, ప్రమాద‌వ‌శాత్తు మ‌త్స్యకారుల మ‌రణించినా, పాడిప‌శువులు మృత్యువాత ప‌డినా త‌దిత‌రాల‌కు ఇచ్చే బీమా ప‌రిహారాల‌న్నీ ద‌ర‌ఖాస్తు అందిన నెల రోజుల్లోగా చెల్లించాల‌ని సీఎం ఆదేశించారు. ఈ ప్రక్రియ కోసం ప్రత్యేక అధికారిని నియ‌మించాల‌ని సీఎం జ‌గ‌న్ ఆదేశించారు.

 

వైఎస్‌ఆర్‌సీపీ ప్రభుత్వంలో అభివృద్ధి , సంక్షేమం రెండుకళ్ళులాంటివి -మంత్రి పెద్దిరెడ్డి

Tags:Change in YSSAR insurance plan

Leave a Reply

Your email address will not be published. Required fields are marked *