జనసేనలోకి చిరంజీవి…    ?

Date:27/01/2021

విజయవాడ ముచ్చట్లు:

జనసేన పార్టీలోకి మెగాస్టార్ చిరంజీవి అడుగు పెట్టబోతున్నారని సంచలన ప్రకటన వెలువడింది. ఈ విషయాన్ని జనసేన పార్టీ రాజకీయ వ్యవహారాల కమిటీ చైర్మన్ నాదెండ్ల మనోహర్ వెల్లడించారు. మంగళవారం జనసేన పార్టీ క్రియాశీలక కార్యకర్తల సమావేశంలో నాదెండ్ల మనోహర్ మాట్లాడుతూ.. పవన్ కళ్యాణ్ వెంట త్వరలోనే చిరంజీవి నడవబోతున్నారని చెప్పారు. ఈ మేరకు తమ్ముడికి అండగా ఉంటానని చిరంజీవి స్పష్టమైన హామీ ఇచ్చారని తెలిపారు మనోహర్. చిరంజీవి, పవన్ కళ్యాణ్, తాను ముగ్గురం మాట్లాడుతున్న సందర్భంలో.. ఇంకో సినిమాలు వదులుకోవద్దని పవన్‌కు చిరు చెప్పారని నాదెండ్ల మనోహర్ చెప్పారు.‘‘ఎందుకు ఖాళీ ఉంటున్నావు.. రెండు, మూడు సంవత్సరాలు సినిమాలు చేసుకో. ఆ తర్వాత ఎప్పుడైనా నీ వెనుక అన్ని విధాలా అండగా ఉంటాను’’ అని పవన్‌కు చిరంజీవి చెప్పారని నాదెండ్ల మనోహర్ వెల్లడించారు. సభలో మెగాస్టార్ చిరంజీవి పేరు చెప్పగానే జనసేన కార్యకర్తల అరుపులతో దద్దరిల్లింది. అయితే చిరంజీవి.. పవన్ కళ్యాణ్‌ను సినిమాల్లోకి ప్రోత్సహించేందుకు ఈ విధంగా చెప్పారా? లేక జనసేన ద్వారా రాజకీయాల్లోకి రీ ఎంట్రీ ఇవ్వబోతున్నారా అన్నది ఆయనే క్లారిటీ ఇవ్వాల్సి ఉంది.అయితే చిరంజీవి పొలికల్ రీఎంట్రీపై విలేకరులు నాదెండ్ల మనోహర్‌ను ప్రశ్నించగా, ఈ విషయాలు పార్టీలో అంతర్గతంగా చర్చించామని.. త్వరలో అన్ని విషయాలు తెలుస్తాయని ఆయన నవ్వుతూ వెళ్లిపోయారు. అయితే రాష్ట్రంలో పంచాయతీ ఎన్నికల సందడి మొదలైన నేపథ్యంలో జనసైనికుల్లో జోష్ తీసుకొచ్చేందుకు నాదెండ్ల మనోహర్ వ్యూహాత్మకంగానే చిరంజీవి ప్రస్తావన తీసుకొచ్చారా అనే ఊహాగానాలు మొదలయ్యాయి. ఏదేమైనా రాజకీయాల్లో తన రీఎంట్రీపై మెగాస్టార్ చిరంజీవే రియాక్ట్ కావాల్సి ఉంది.

ఎస్వీ వేద పరిరక్షణ ట్రస్టుకు రూ. 10 ల‌క్ష‌లు విరాళం

Tags: Chiranjeevi into Janasena …?

Leave a Reply

Your email address will not be published. Required fields are marked *