కుప్పకూలిన మార్కెట్లు

Date:04/09/2020

ముంబై ముచ్చట్లు:

స్టాక్ మార్కెట్ పేకమేడలా కూప్పకూలింది. బెంచ్‌మార్క్ సూచీలు భారీగా పతనమయ్యాయి. ఇండెక్స్‌లు దాదాపు 2 శాతం మేర నష్టపోయాయి. బార్డర్ టెన్షన్‌తో పాటు కరోనా వైరస్ నుంచి వేగంగా కోలుకోవచ్చనే అంచనాలు రోజురోజుకు సన్నగిల్లుతుండటతో ఇన్వెస్టర్ల సెంటిమెంట్ దెబ్బతింది. దీంతో మార్కెట్ ఈ వారాన్ని నష్టాలతో ముగింపు పలికింది.ఇంట్రాడేలో బీఎస్ఈ సెన్సెక్స్ 741 పాయింట్ల వరకు పడిపోయింది. 38,249 పాయింట్ల కనిష్టానికి క్షీణించింది. నిఫ్టీ కూడా దాదాపు 2 శాతం నష్టపోయింది. 11,303 పాయింట్ల కనిష్టానికి క్షీణించింది. చివరకు సెన్సెక్స్ 634 పాయింట్ల నష్టంతో 38,357 పాయింట్ల వద్ద, ఎన్ఎస్ఈ నిఫ్టీ 194 పాయింట్ల నష్టంతో 11,334 పాయింట్ల వద్ద క్లోజయ్యాయి.
✺ నిఫ్టీ 50లో ఒక్క మారుతీ సుజుకీ ఇండియా షేరు మినహా మిగతావన్నీ నష్టపోయాయి. మారుతీ సుజుకీ షేరు ధర దాదాపు 2 శాతం పెరిగింది.

 

 

✺ అదేసమయంలో టాటా స్టీల్, యాక్సిస్ బ్యాంక్, అదానీ పోర్ట్స్, జేఎస్‌డబ్ల్యూ స్టీల్, ఎన్‌టీపీసీ షేర్లు ఎక్కువగా నష్టపోయాయి. టాటా స్టీల్ 4 శాతం పడిపోయింది.✺ నిఫ్టీ‌ సెక్టోరల్ ఇండెక్స్‌లన్నీ నష్టాల్లోనే క్లోజయ్యాయి. నిఫ్టీ బ్యాంక్ 2 శాతం, నిఫ్టీ ఆటో 0.6 శాతం, నిఫ్టీ ఫైనాన్షియల్ సర్వీసెస్ 1.8 శాతం, నిఫ్టీ ఎఫ్ఎంసీజీ 1.5 శాతం, నిఫ్టీ ఐటీ 1.5 శాతం, నిఫ్టీ మెటల్ 3 శాతం, నిఫ్టీ ఫార్మా 2 శాతం, నిఫ్టీ పీఎస్‌యూ బ్యాంక్ 2.6 శాతం, నిఫ్టీ ప్రైవేట్ బ్యాంక్ 2 శాతం చొప్పున పడిపోయాయి.✺ అమెరికా డాలర్‌తో పోలిస్తే ఇండియన్ రూపాయి స్వల్పంగా లాభపడింది. 73.46 వద్ద క్లోజయ్యింది.✺ అంతర్జాతీయ మార్కెట్‌లో క్రూడాయిల్ (ముడి చమురు) ధరలు పెరిగాయి. బ్రెంట్ క్రూడ్ ధర బ్యారెల్‌కు 0.7 శాతం పెరుగుదలతో 44.38 డాలర్లకు చేరింది. డబ్ల్యూటీఐ క్రూడ్ ధర బ్యారెల్‌కు 0.92 శాతం పెరుగుదలతో 41.75 డాలర్లకు ఎగసింది.

యూనిఫాం..దిగజార్చొద్దు : మోడీ

Tags: Collapsed markets

Leave a Reply

Your email address will not be published. Required fields are marked *