పాన్ తో అనుసంధానం చేయాల్సిందే

 Date:18/03/2019
న్యూఢిల్లీ, ముచ్చట్లు:
భారత్ లో పాన్ కార్డుకు చాలా ప్రాధాన్యముంది. విలువైన డాక్యుమెంట్లలో ఇది కూడా ఒకటి. ఆదాయపు పన్ను శాఖ దీన్ని జారీ చేస్తుంది. దీన్ని తీసుకురావడం వెనకున్న ముఖ్య ఉద్దేశం పన్ను ఎగవేతను అరికట్టడం. ఐటీఆర్ దాఖలు చేయాలంటే ఆధార్, పాన్ అనుసంధానం తప్పనిసరి. దీనికి 2019 మార్చి 31 చివరి తేదీ. ఈలోపు పాన్ కార్డు కలిగిన వారు వారి పాన్ నెంబర్ను ఆధార్తో అనుసంధానం  చేసుకోవాలి. ఒకవేళ మీరు మీ ఆధార్, పాన్ కార్డును అనుసంధానం చేసుకోకపోతే.. అప్పుడు పాన్ కార్డు పనిచేయకపోవచ్చు. కేంద్ర ప్రభుత్వం గతేడాది దాదాపు 11.44 లక్షల కార్డులను ఇన్ యాక్టివ్  మోడ్లో ఉంచింది. మార్చి 31 తర్వాత పాన్ కార్డుతో ఆధార్ అనుసంధానం చేసుకోకపోతే మీ కార్డుకు కూడా ఇదే జరగొచ్చు. ఆదాయపు పన్ను చట్టంలోని సెక్షన్ 139ఏఏ ప్రకారం పాన్ కార్డును ఆధార్తో  అనుసంధానం చేసుకోకపోతే మీ పాన్ కార్డు పనిచేయదు. మరోవైపు ఆదాయపు పన్ను శాఖ 2019 మార్చి 1 నుంచి ఈ-రిఫండ్స్ను జారీ చేయనుంది. అంటే ట్యాక్స్ రిఫండ్ నేరుగా మీ బ్యాంక్ ఖాతాకు  వచ్చి చేరుతుంది. పాన్ కార్డుతో బ్యాంక్ అకౌంట్ అనుసంధానం చేసుకున్న వారికే ఈ సౌలభ్యం అందుబాటులో ఉంటుంది.
Tags:Connect with Pan

Leave a Reply

Your email address will not be published. Required fields are marked *