Flaming Call Money Merchants

ఐసీఎంఆర్‌లో కరోనా అలజడి

Date:01/06/2020

న్యూఢిల్లీ ముచ్చట్లు:

ఐసీఎంఆర్‌లో కరోనా అలజడి రేగింది. కొవిడ్-19 కోర్ టీమ్‌లో పనిచేస్తున్న ఓ శాస్త్రవేత్తకు కరోనా వైరస్ సోకింది. దీంతో ఢిల్లీలోని కేంద్ర కార్యాలయాన్ని మూసివేసి శానిటైజేషన్ చర్యలు చేపట్టారు.భారత వైద్య పరిశోధనా మండలి (ఐసీఎంఆర్)లో కరోనా మహమ్మారిపై పనిచేస్తున్న సైంటిస్టుకు వైరస్ సోకింది. దీంతో ఐసీఎంఆర్ శాస్త్రవేత్తల్లో కలకలం రేగింది. కొవిడ్-19 కోర్ టీమ్‌లో పనిచేస్తున్న ఓ శాస్త్రవేత్తకు సోమవారం  ఉదయం కరోనా పాజిటివ్‌గా నిర్ధారణ అయినట్లు ఐసీఎంఆర్ అఫీసియల్ వాట్సాప్ గ్రూపులో సందేశం వచ్చింది. ఢిల్లీలోని ఐసీఎంఆర్ భవనాన్ని రెండు రోజుల పాటు మూసివేస్తున్నామని.. శాస్త్రవేత్తలు ఇంటి నుంచే పనిచేయాలని సూచించారు.సదరు శాస్త్రవేత్త ముంబై నుంచి రెండు రోజుల కిందట ఢిల్లీకి వచ్చారు. ఆదివారం జ్వరం లక్షణాలతో బాధపడుతున్న ఆయన నుంచి నమూనాలు సేకరించి పరీక్షలకు పంపించారు. పరీక్షా ఫలితాల్లో పాజిటివ్‌గా తేలడంతో ఐసీఎంఆర్ సిబ్బంది అప్రమత్తమయ్యారు.

 

 

 

ఐసీఎంఆర్ కేంద్ర కార్యాలయాన్ని మూసివేసి రెండు రోజుల పాటు శానిటైజేషన్ చర్యలు చేపట్టనున్నట్లు తెలిపారు.ఐసీఎంఆర్‌కు చెందిన నేష‌న‌ల్ ఇనిస్టిట్యూట్ ఫ‌ర్ రీసెర్చ్ ఇన్ రీప్రొడక్టివ్ హెల్త్‌, ముంబై‌లో ఆ శాస్త్రవేత్త ప‌నిచేస్తున్నారు. ఢిల్లీలోని ప్రధాన కార్యాల‌యంలో ఐసీఎంఆర్ చీఫ్ డాక్టర్ బలరాం భార్గవతో గత వారం జ‌రిగిన స‌మావేశానికి ఆయ‌న హాజ‌ర‌య్యారు. ఆయ‌న ఎవ‌రెవ‌రినీ కాంటాక్ట్ అయ్యారనే వివరాలను ట్రేసింగ్ చేసి పరీక్షలు నిర్వహిస్తున్నట్లు అధికారులు తెలిపారు.దేశంలో కరోనా కేసులు 1.90 లక్షలు దాటాయి. ప్రపంచంలో కరోనా కేసులు అత్యధికంగా నమోదైన దేశాల జాబితాలో భారత్ ఏడో స్థానానికి ఎగబాకింది. మహారాష్ట్రలో కరోనా వైరస్ వ్యాప్తి ఆందోళనకరంగా ఉంది. దేశంలో నమోదైన కేసుల్లో 44 శాతం కేసులు ఒక్క మహారాష్ట్రలోనే ఉన్నాయి. మహారాష్ట్రలోనూ ముంబైలో కరోనా వ్యాప్తి తీవ్రంగా ఉంది. రాష్ట్రంలో 80 శాతం కేసులు ఇక్కడే నమోదవుతున్నాయి.

కిటకిటలాడిన విజయవాడ రైల్వే స్టేషన్

Tags: Corona flare in ICMR

Leave a Reply

Your email address will not be published. Required fields are marked *