రైతుల ఆదాయం రెట్టింపు

Date:16/10/2020

న్యూఢిల్లీ ముచ్చట్లు:

రైతుల ఆదాయం రెట్టింపు చేయాలని కేంద్ర ప్రభుత్వం లక్ష్యాన్ని నిర్దేశించుకుంది. మోదీ సర్కార్ లక్ష్యాన్ని సాకారం చేసేందుకు, అన్నదాతల ఆదాయం పెంచడానికి ఒక రాష్ట్ర ప్రభుత్వం పశు కిసాన్ క్రెడిట్ కార్డు స్కీమ్ తీసుకువచ్చింది. దేశం మొత్తంలో కేవలం ఒక్క రాష్ట్రమే ఈ స్కీమ్‌ను అమలు చేస్తోంది. అదే హరియాణ ప్రభుత్వం.హరియాణ ప్రభుత్వం రైతుల కోసం పశు కిసాన్ క్రెడిట్ కార్డు అందిస్తోంది. ఈ స్కీమ్‌లో భాగంగా రైతులు సులభంగానే రుణం పొందొచ్చు. ఇప్పటి వరకు 60 వేల మందికి పథకం ప్రయోజనాలు అందుతున్నాయని ఆ రాష్ట్ర ప్రభుత్వం తెలిపింది. దాదాపు 8 లక్షల మందికి ఈ కార్డులు జారీ చేస్తామని పేర్కొంది.కిసాన్ క్రెడిట్ కార్డు స్కీమ్ నిబంధనలే పశు కిసాన్ క్రెడిట్ కార్డుకు కూడా వర్తిస్తాయి. పశు కిసాన్ క్రెడిట్ కార్డు స్కీమ్ కింద రైతులు ఎలాంటి గ్యారంటీ లేకుండా రూ.1.6 లక్షల వరకు రుణం పొందొచ్చు.

 

రైతులు వ్యవసాయం మాత్రమే కాకుండ ఆవులు, గేదెలు వంటి వాటి ద్వారా కూడా ఆదాయం పొందుతున్నారని, వారికి మరింత ప్రోత్సాహం అందించాలనే లక్ష్యంతో ఈ స్కీమ్ తీసుకువచ్చామని ప్రభుత్వం వివరించింది.బ్యాంకులు కూడా ఈ స్కీమ్‌ను ప్రజల్లోకి తీసుకెళ్లేందుకు క్యాంపులు నిర్వహిస్తున్నాయి. అర్హత కలిగిన వారికి కచ్చితంగా రుణాలు అందించాలని రాష్ట్ర ప్రభుత్వం బ్యాంకులను కోరింది. పశువుల కొనుగోలు, వాటి మెయింటెనెన్స్ వంటి వాటికి గరిష్టంగా రూ.3 లక్షల వరకు రుణం పొందొచ్చు. రూ.1.6 లక్షల వరకు మొత్తానికి ఎలాంటి గ్యారంటీ అవసరం లేదు.ఒక అవు కొనుగోలుకు రూ.40 వేల వరకు, గేదె కొనుగోలుకు రూ.60 వేల వరకు, గొర్రెల/మేకలు కొనుగోలుకు రూ.4 వేల వరకు రుణాన్ని అందిస్తారు. కోళ్లు కొనేందుకు కూడా లోన్ పొందొచ్చు. పశు క్రెడిట్ కార్డు కావాలని భావించే వారు దగ్గరిలోని బ్యాంకుకు వెళ్లి అప్లై చేసుకోవచ్చు. నెల రోజుల్లో కార్డు లబ్దిదారుల ఇంటికి వస్తుంది.

75 రూపాయిల కాయన్

Tags: Doubling the income of farmers

Leave a Reply

Your email address will not be published. Required fields are marked *