Everything is ready for the Greater Elections

 గ్రేటర్ ఎన్నికలకు అంతా సిద్ధం

Date:30/11/2020

హైదరాబాద్ ముచ్చట్లు

భాగ్యనగరం పోలింగ్‌కు సిద్ధమైంది. 15 రోజులుగా సందడిగా సాగిన ప్రచారానికి తెరపడి కీలక అంకానికి తెరలేచింది. మరి కొన్ని గంటల్లో ఓటర్లు తమ ఓటు హక్కు వినియోగించుకోనున్నారు. అయితే.. జీహెచ్‌ఎంసీ ఎన్నికల్లో ఇప్పటివరకు ఓ చెత్త రికార్డు ఉంది. ఎన్నికల్లో చాలా తక్కువగా పోలింగ్ నమోదవుతోంది. ఈసారైనా కాస్త పెరుగుతుందని అటు రాజకీయ పార్టీలు, ఇటు ఎన్నికల అధికారులు భావిస్తున్నారు.చాలా మందికి తమ ఓటు హక్కును ఎలా వినియోగించుకోవాలో తెలియకపోవడం మరొక ఆందోళన కలిగించే అంశం. ఈ నేపథ్యంలో ఓటర్లకు అవగాహన కల్పించడానికి జీహెచ్‌ఎంసీ, రాష్ట్ర ఎన్నికల సంఘం పలు కార్యక్రమాలు చేపట్టాయి. ఈసారి ఎన్నికలను బ్యాలెట్ ద్వారా నిర్వహిస్తు్ండటం ఓటర్లు గమనించాల్సిన మరో ముఖ్యమైన అంశం.ఇక ఎన్ని‌కల్లో ఓటు వేసేందుకు వచ్చేవారు.. ఓటరు స్లిప్పుతో ‌పాటు తప్పని‌స‌రిగా ఏదైనా ఒక గుర్తింపు కార్డుతో పోలింగ్ కేంద్రానికి రావాల్సి ఉంటుంది. అయితే.. ఓటరు గుర్తింపు కార్డు లేనివారు కూడా తమ ఓటు హక్కును వినియోగించుకోవచ్చు. ఇతర గుర్తింపు పత్రాలు చూపించి తమ ఓటు వేయవచ్చు.ఎన్నికల సంఘం 18 రకాల కార్డులను గుర్తించింది. వీటిలో ఏదో ఒక కార్డు చూపించి మీ ఓటు హక్కు వినియోగించుకోవచ్చు.. అవి:
✦ ఆధా‌ర్‌ ‌కార్డు
✦ పాన్ కార్డు
✦ డ్రైవింగ్‌ లైసెన్స్‌
✦ పాస్‌‌పోర్టు
✦ ఫొటోలు కలి‌గిన రేష‌న్‌ ‌కా‌ర్డులు
✦ ఉపాధి హామీ జాబ్‌ కార్డు
✦ హెల్త్‌ ఇన్సూ‌రెన్స్‌ స్మార్ట్‌ కార్డు
✦ ఫొటో కలిగి ఉన్న బ్యాంకు పాస్‌ ‌పుస్తకాలు
✦ కేంద్ర, కేంద్ర ప్రభు‌త్వాలు/ప్రభుత్వ రంగ సంస్థలు జారీ‌చే‌సిన సర్వీస్‌ ఐడెంటిటీ కార్డు
✦ పెన్షన్‌ డాక్యు‌మెంట్‌ విత్‌ ఫొటో
✦ నేష‌నల్‌ పాపు‌లే‌షన్‌ రిజి‌స్ర్టార్‌ స్కీమ్‌లో భాగంగా జారీ‌ చే‌సిన స్మార్డ్‌ కార్డు
✦ ఫొటోలు కలి‌గిన ఎస్సీ, ఎస్టీ, బీసీ ధ్రువ‌ప‌త్రాలు
✦ దివ్యాంగుల (విక‌లాంగులు) ధ్రువీ‌క‌రణ పత్రాలు
ఇక ఎమ్మె‌ల్యేలు, ఎమ్మె‌ల్సీలు అయితే వారి ఫొటో గుర్తింపు కార్డులను చూపించి ఓటు హక్కు వినియోగించుకోవచ్చు. అలాగే ఎంపీలు తమ ఐడీ కార్డులు చూపించి ఓటు వేయవచ్చు. స్వాతంత్ర్య సమరయోధులు (ఫ్రీడమ్‌ ఫైటర్‌), ఎక్స్-సర్వీస్‌మెన్ తదితరులు తమ ఐడెంటి‌టీ‌కా‌ర్డులను చూపించి ఓటేయవచ్చు. ఆయు‌ధ లైసెన్స్ ఉన్న వారు దాన్ని చూపించి ఓటు హక్కు వినియోగించుకోవచ్చు.

 

 మాలలోనూ అనిల్ ఆగ్రహం

Tags:Everything is ready for the Greater Elections

Leave a Reply

Your email address will not be published. Required fields are marked *