నిమజ్జనం తప్ప…ప్లాస్టర్ ఆఫ్ పారిస్ కు ఓకే

హైదరాబాద్  ముచ్చట్లు:

తెలంగాణ రాష్ట్రంలో గణేశ్ ప్లాస్టర్ ఆఫ్ పారిస్ (పీఓపీ) విగ్రహాల తయారీ, అమ్మకాలపై హైకోర్టు క్లారిటీ ఇచ్చింది. గణేశ్ నవరాత్రుల సందర్భంగా పీఓపీ విగ్రహాలను తయారు చేసుకోవచ్చని.. వాటి అమ్మకాలపై ఎలాంటి నిషేధం లేదంటూ కీలక ఆదేశాలు జారీ చేసింది. అయితే, పీఓపీ విగ్రహాలను మాత్రం హుస్సేన్ సాగర్‌లో నిమజ్జనం చేయరాదంటూ ఆదేశాలు ఇచ్చింది. జీహెచ్ఎంసీ ఏర్పాటు చేసిన నీటి కుంటల్లోనే పీఓపీ విగ్రహాలను నిమజ్జనం చేయాలని సూచించింది.విగ్రహాలపై నిషేధం లేనప్పుడు ఎలాంటి ఉత్తర్వులు జారీ చేయాల్సిన అవసరం లేదని.. విగ్రహాల ఎత్తు తక్కువగా ఉండేలా ఉత్తర్వులు ఇవ్వాలన్న ప్రభుత్వ అభ్యర్థనను కూడా ప్రధాన న్యాయమూర్తి జస్టిస్ ఉజ్జల్ భూయన్, జస్టిస్ సూరేపల్లి నందతో కూడిన ధర్మాసనం తోసిపుచ్చింది. గతేడాది పీఓపీ విగ్రహాలపై నిషేధం విధిస్తూ కేంద్ర కాలుష్య నియంత్రణ మండలి (సీపీసీబీ) మార్గదర్శకాలు జారీ చేసింది. దాంతో ఆ మార్గదర్శకాలను సవాల్ చేస్తూ గణేశ్ మూర్తి కళాకార్ సంఘ్ పిటిషన్ దాఖలు చేసింది.పీఓపీపై నిషేధం లేనప్పుడు..

 

 

కేవలం విగ్రహాల తయారీలో దాన్ని వినియోగించకూడదు అని చెప్పడం సమంజసం కాదంటూ పిటిషినర్ల తరఫు న్యాయవాది దుర్గాప్రసాద్ వాదించారు. పీఓపీ విగ్రహాల తయారీ, విక్రయాలు నిలిపివేయాలనడం కళారులపైనే దాడి అంటూ ఆయన చెప్పుకొచ్చారు. జీహెచ్‌ఎంసీ నీటి కుంటలను సరిగా నిర్వహించలేకే ఇలాంటి ఆరోపణలు చేస్తుందన్నారు. కనీసం కోవిడ్‌కు ముందు తయారు చేసిన విగ్రహాలనైనా విక్రయించేందుకు అనుమతి ఇవ్వాలని న్యాయవాది కోరారు.ఇరు పక్షాల వాదనలు విన్న ధర్మాసనం పీఓపీ విగ్రహాలను నిషేధిస్తూ రాష్ట్ర ప్రభుత్వం జీఓ ఇవ్వలేదని.. ప్రస్తుతం నిషేధం లేదనందున, ఉపాధి దెబ్బతీసేలా ఉత్తర్వలు ఇవ్వమంటూ హైకోర్టు స్పష్టం చేసింది. అయితే, పీఓపీ విగ్రహాలను హుస్సేన్ సాగర్‌లో మాత్రం నిమజ్జనం చేయకూడదని ధర్మాసనం స్పష్టం చేసింది. జీహెచ్‌‌ఎంసీ ఏర్పాటు చేసే బేబీ పాండ్లలో నిమజ్జనం చేసి వెంటనే తొలగించేలా ఏర్పాట్లు చేయాలని హైకోర్టు ఆదేశించింది.

 

Tags: Except for immersion… Plaster of Paris is ok

Leave A Reply

Your email address will not be published.