From the AP to the Telangana drugs

ఏపీ నుంచి తెలంగాణకు వచ్చేస్తున్న మందుబాబులు

Date:08/05/2020

నల్గొండ ముచ్చట్లు:

తెలంగాణలోని ఉమ్మడి ఖమ్మం, నల్గొండ, మహబూబ్ నగర్ జిల్లాలు ఏపీ సరిహద్దుల్లో ఉన్నాయి. దీంతో ఏపీలోని మందుబాబులు మద్యం కోసం సరిహద్దులు దాటి తెలంగాణ ప్రాంతాలకు వచ్చేస్తున్నారు.కేంద్రం మార్గదర్శకాలతో లాక్‌‌డౌన్ సడలింపులు ఇచ్చిన రాష్టాలు గ్రీన్, ఆరెంజ్ జోన్లలో మద్యం విక్రయిస్తోన్న సంగతి తెలిసిందే. దీంతో ఏపీ, తెలంగాణల్లో మద్యం దుకాణాలు తెరుచుకున్నాయి. మే 4న ఏపీలో మద్యం దుకాణాలు తెరుచుకోగా.. జగన్ సర్కారు తొలి రోజు మద్యం ధరలను 25 శాతం పెంచింది. రెండో రోజు 50 శాతం ధరలను పెంచింది. దీంతో మొత్తం ఏపీలో మద్యం ధరలు 75 శాతం పెరిగాయి. కానీ మే 6 వరకు తెలంగాణలో మద్యం దుకాణాలు తెరుచుకోలేదు.దీంతో ఏపీ సరిహద్దుకు దగ్గర్లో ఉన్న ప్రాంతాలకు చెందిన తెలంగాణ ప్రజలు మద్యం కొనుగోలు కోసం ఆంధ్రా వెళ్లి క్యూలో నిలబడ్డారు.

 

 

 

 

ఉమ్మడి ఖమ్మం జిల్లాలోని భద్రాచలం, సత్తుపల్లి, అశ్వారావుపేట, మధిర తదితర ప్రాంతాలకు చెందిన వారు మద్యం కొనుగోలు కోసం పొరుగున ఉన్న ఏపీకి వెళ్లారు.కాగా తెలంగాణలో మద్యం దుకాణాలు తెరుచుకోవడం, ఇక్కడ 11 శాతం, 16 శాతం చొప్పున మాత్రమే ధరలను పెంచడంతో రెండు రోజుల్లోనే సీన్ రివర్స్ అయ్యింది. సరిహద్దుల్లోని ఏపీ ప్రజలు మద్యం కోసం తెలంగాణకు వచ్చేశారు. క్యూ లైన్లలో నిలబడి మద్యం కొనుగోలు చేస్తున్నారు. ఏపీతో పోలిస్తే తెలంగాణలో తక్కువ ధరకే మద్యం లభిస్తుండటంతోపాటు రకరకాల బ్రాండ్లు లభ్యం అవుతుండటంతో.. మందుబాబులు తెలంగాణ వైపు చూస్తున్నారు.

స్థానికులకు మాత్రమే కేదార్ నాధ్ దర్శనానికి అనుమతి

Tags: From the AP to the Telangana drugs

Leave a Reply

Your email address will not be published. Required fields are marked *