హెలికాప్టర్ లో వెళ్లి..తమ్ముడి పెళ్లి పత్రికలు పంచి
హైదరాబాద్ ముచ్చట్లు:
తమ్ముడి పెళ్లి పత్రికలు పంచేందుకు ఓ అన్న వినూత్నంగా ఆలోచించాడు. ట్రెండ్ సెట్ చేస్తూ లగ్న పత్రికల పంపిణీకి ఏకంగా హెలికాప్టర్ బుక్ చేశాడు. హైదరాబాద్కు చెందిన ఓ వ్యాపారి హెలికాప్టర్లో వెళ్లి ముంబైలో ఉన్న బంధువులకు లగ్న పత్రికలు అందజేశాడు. హైదరాబాద్ ఖైరతాబాద్కు చెందిన వ్యాపారి మధు యాదవ్ దూద్వాలా పేరుతో డైరీ ఫాం నిర్వహిస్తున్నాడు. ఈ నెల 9న అతడి తమ్ముడు చందు యాదవ్ పెళ్లి నిశ్చయం కాగా.. బంధువులకు పెళ్లి పత్రికలు పంపిణీ చేయటం ప్రారంభించాడు. నగరంలోని బంధుమిత్రులందరికీ స్వయంగా వెళ్లి పత్రికలు అందజేశాడు. అయితే మధు యాదవ్కు ముంబైలోనూ బంధువులు ఉన్నారు. వారికి కూడా స్వయంగా వెళ్లి తమ్ముడు పెళ్లి పత్రికలు అందజేయాలనుకున్నాడు. అందుకు వినూత్నంగా ఆలోచించాడు.విమానంలోనో, ట్రైన్లోనో వెళ్లకుండా పెళ్లి పత్రికలు పంచేందుకు ఏకంగా ఓ హెలికాప్టర్నే బుక్ చేశాడు. హెలికాప్టర్లో ముంబైకి వెళ్లి బంధువులకు తమ్ముడి లగ్న పత్రికలు అందజేశాడు. హెలికాప్టర్ బుక్ చేసి తన తమ్ముడిపై ఉన్న ప్రేమను చాటుకున్నాడు మధు యాదవ్. ఇక పెళ్లి పత్రికలే హెలికాప్టర్లో పంపిణీ చేస్తే.. పెళ్లికి ఏ రేంజ్లో ఏర్పాట్లు చేస్తాడోనని అందరూ ఆసక్తిగా ఎదురు చూస్తున్నారు.
Tags; Go in a helicopter and distribute the magazines of your brother’s wedding
