Gold deposits in Kurnool

బంగారం ధర పరుగులు

Date:22/10/2020

ముంబై ముచ్చట్లు:

బంగారం ధర తగ్గుదల ఒక్కరోజు ముచ్చటగానే మిగిలింది. నిన్న తగ్గిన బంగారం ధర ఈరోజు మాత్రం పరుగులు పెట్టింది. బంగారం ధర పెరిగితే వెండి ధర కూడా ఇదే దారిలో పయనించింది. భారీగా దూసుకెళ్లింది. గ్లోబల్ మార్కెట్‌లో బంగారం ధర తగ్గినా కూడా దేశీ మార్కెట్‌లో మాత్రం పసిడి ధర పైకి కదలడం గమనార్హం.హైదరాబాద్ మార్కెట్‌లో గురువారం బంగారం ధర దూసుకెళ్లింది. 10 గ్రాముల 24 క్యారెట్ల బంగారం ధర రూ.380 పెరుగుదలతో రూ.51,330కు చేరింది. అదేసమయంలో 22 క్యారెట్ల బంగారం ధర కూడా 10 గ్రాములకు రూ.350 పెరిగింది. దీంతో ధర రూ.47,050కు ఎగసింది.బంగారం ధర పెరిగితే వెండి ధర కూడా ఇదే దారిలో పయనించింది. కేజీ వెండి ధర ఏకంగా రూ.1,500 పరుగులు పెట్టింది. దీంతో వెండి ధర రూ.63,500కు ఎగసింది. పరిశ్రమ యూనిట్లు, నాణేపు తయారీదారుల నుంచి డిమాండ్ పుంజుకోవడం ఇందుకు ప్రధాన కారణంగా చెప్పుకోవచ్చు.మరోవైపు అంతర్జాతీయ మార్కెట్‌లో మాత్రం బంగారం ధర పడిపోయింది. బంగారం ధర ఔన్స్‌కు 0.52 శాతం తగ్గుదలతో 1919 డాలర్లకు క్షీణించింది. బంగారం ధర తగ్గితే వెండి ధర కూడా ఇదే దారిలో నడిచింది. వెండి ధర ఔన్స్‌కు 1.13 శాతం క్షీణతతో 24.94 డాలర్లకు దిగొచ్చింది.ఇకపోతే బంగారం ధరపై ప్రభావం చూపే అంశాలు చాలానే ఉన్నాయి. ద్రవ్యోల్బణం, గ్లోబల్ మార్కెట్ పసిడి ధరల్లో మార్పు, కేంద్ర బ్యాంకుల వద్ద ఉన్న బంగారం నిల్వలు, వడ్డీ రేట్లు, జువెలరీ మార్కెట్, భౌగోళిక ఉద్రిక్తతలు, వాణిజ్య యుద్ధాలు వంటి పలు అంశాలు పసిడి ధరపై ప్రభావం చూపుతాయి.

సీబీఐకి మహారాష్ట్ర ప్రభుత్వం షాక్

tags: Gold price runs

Leave a Reply

Your email address will not be published. Required fields are marked *