గ్రూప్ 2 అభ్యర్థులకు ఊరట

Group 2 is comfort to the candidates

Group 2 is comfort to the candidates

Date:12/10/2018
హైద్రాబాద్ ముచ్చట్లు:
తెలంగాణ గ్రూప్‌-2 అభ్యర్థులకు హైకోర్టులో ఊరట లభించింది. గ్రూప్‌-2 ఇంటర్వ్యూలకు ఆమోదం తెలుపుతూ ఈమేరకు హైకోర్టు శుక్రవారం తీర్పు చెప్పింది. గ్రూప్‌-2 పరీక్షల్లో వైట్నర్‌, డబుల్‌ బబ్లింగ్‌ చేసిన వారిని ఇంటర్వ్యూల నుంచి తొలగించాలని దాఖలైన పిటిషన్‌పై విచారణ జరిపిన కోర్టు ఈ మేరకు తీర్పును వెల్లడించింది. వైట్నర్‌, డబుల్‌ బబ్లింగ్‌ చేసిన 267 మందిని తొలగిస్తూ నిర్ణయం తీసుకుంది. పరీక్షలో అర్హత సాధించిన మిగతా అభ్యర్థులకు 1 : 2 నిష్పత్తిలో ఇంటర్వ్యూలు నిర్వహించాలని స్పష్టం చేసింది. తెలంగాణలో 1032 గ్రూప్-2 పోస్టుల భర్తీకి టీఎస్‌పీఎస్సీ 2016, సెప్టెంబర్‌లో నోటిఫికేషన్ జారీచేసింది.
ఈ పోస్టుల భర్తీకి అదే ఏడాది నవంబర్ 11, 13 తేదీల్లో రాతపరీక్షలు నిర్వహించింది. పరీక్షలో 3,147మంది అభ్యర్థులు ఉత్తీర్ణులై.. ఇంటర్వ్యూకు ఎంపికయ్యారు. అయితే ఇంటర్వ్యూకు ఎంపికైన అభ్యర్థుల్లో కొందరు రాతపరీక్షల్లో సరిగా బబ్లింగ్ చేయలేదని, వైట్నర్ ఉపయోగించిన వారిని కూడా ఇంటర్వ్యూలకు అనుమతించారంటూ హైకోర్టులో పిటిషన్ దాఖలైంది. ఈ పిటిషన్పై విచారణ జరిపిన హైకోర్టు ఈ కేసులో శుక్రవారం తీర్పునిచ్చింది. ఇంటర్వ్యూలకు ఎంపికైన వారిలో డబుల్ బబ్లింగ్ చేసి, వైట్నర్ వాడిన వారిని తొలగించి.. మిగతా వారికి ఇంటర్వ్యూ నిర్వహించడానికి అనుమతించింది.
Tags:Group 2 is comfort to the candidates

Leave a Reply

Your email address will not be published. Required fields are marked *