నిర్భయ నిందితులకు ఉరి…

Hanging out for fearless ...

Hanging out for fearless ...

Date: 09/12/2019

న్యూడిల్లీ ముచ్చట్లు:

నిర్బయ ఘటన జరిగిన ఏడేళ్లు పూర్తయినా ఇంత వరకూ దోషులకు శిక్ష విధించకపోవడంపై సర్వత్రా విమర్శలు వ్యక్తమవుతున్నాయి. దిశ హత్యాచారంతో మరోసారి నిర్భయ అంశం ప్రధానంగా చర్చకు వచ్చింది. దోషులకు సుప్రీంకోర్టు ఉరిశిక్ష ఖరారు చేసినా ఎందుకు అమలుచేయడం లేదని నిలదీస్తున్నారు. నిర్భయ తల్లి కూడా తమకు న్యాయం జరగలేదని ఆవేదన వ్యక్తం చేస్తోంది. కాగా, ప్రస్తుతం తీహార్ జైల్లో ఉన్న నిందితులను ఉరితీయడానికి తలారి లేడని ఇటీవల అధికార వర్గాలు వెల్లడించిన విషయం తెలిసిందే. మరోవైపు, రాష్ట్రపతికి పెట్టుకున్న క్షమాభిక్ష పిటిషన్‌ను నిందితుడు వినయ్ శర్మ వెనక్కు తీసుకుంటున్నట్టు ప్రకటించాడు.నిందితులకు ఉరిని సుప్రీం సమర్ధించినా అమలు చేయడంలేదని ఆగ్రహం వ్యక్తమవుతోంది. ఈ నేపథ్యం ఉరితీయడానికి జైలు అధికారులు సిద్ధమవుతున్నారని ప్రచారం సాగుతోంది. వీటికి బలం చేకూర్చేలా బిహార్‌లోని బక్సార్ సెంట్రల్ జైల్లో కొంత మంది ఖైదీలు ఉరితాళ్లను సిద్ధం చేస్తున్నారు. నిర్బయ దోషులను ఉరితీయడానికి అవిశ్రాంతిగా తాళ్లను తయారుచేసే పనిలో ఉన్నారు. కాగా, 2001లో పార్లమెంటుపై దాడి కేసులో ప్రధాని దోషి అఫ్జల్ గురును ఉరితీయడానికి కూడా బక్సార్ జైలు నుంచి ఉరితాళ్లను పంపారు. అఫ్జల్ గురును 2013 ఫిబ్రవరి 9న ఉరితీసిన విషయం తెలిసిందే.

 

 

 

 

 

 

 

 

 

ఉరితాళ్లకు బక్సార్ సెంట్రల్ జైలు ప్రసిద్ధి గాంచింది. వీటిని మనీలా రోప్స్‌గా పిలుస్తారుబక్సార్ జైలు సూపరింటిండెంట్ విజయ్ కుమార్ ఆరోరా మాట్లాడుతూ.. మొత్తం 10 ఉరితాళ్లను సిద్ధం చేయాలని ఉన్నతాధికారులు ఆదేశించారని, అయితే, వీటిని ఎక్కడకు పంపుతారో తనకు తెలియదు.. కానీ, తాము వాటిని సిద్ధం చేస్తున్నామని తెలిపారు. మూడు రోజుల కిందటే బక్సార్ జైలు అధికారులకు ఆదేశాలు అందాయి. కేంద్ర హోం శాఖ పంపిన నిర్భయ నిందితుల్లో ఒకడైన వినయ్ శర్మ క్షమాభిక్ష పిటిషన్‌ను రాష్ట్రపతి రామ్‌నాథ్ కోవింద్ తిరస్కరించిన తర్వాతే తమకు ఆదేశాలు వచ్చాయని ఓ అధికారి వెల్లడించారు.ఆఫ్జల్ గురును ఉరితీయడానికి తామే ఉరితాళ్లను సిద్ధం చేశామని, దీని తయారీలోనూ కొన్ని మెలకువలు ఉన్నాయని జైలు వర్గాలు తెలిపాయి. ఒక ఉరితాడు తయారీకి ఏడుగురు ఖైదీలకు మూడు నుంచి నాలుగు రోజులు పడుతుందని పేర్కొన్నాయి.

 

 

 

 

 

 

 

 

ఆఫ్జల్ గురును ఉరేసిన తాడుకు రూ.1,725 వసూలు చేశామని, కానీ ఇప్పుడు తయారీకి వినియోగించే వస్తువుల ధర పెరిగిందన్నారు. ఉరితాళ్లు నిందితుల ఎత్తు కంటే 1.6 రెట్లు పొడవు ఉంటాయని అన్నారు. సాధారణంగా ఉరితాళ్ల తయారీకి వాడే సామాగ్రీని గయలోని టెక్స్‌టైల్స్ వ్యాపారాలు సరఫరా చేస్తారని.. గతంలో వీటిని పంజాబ్‌లో భంటిడా నుంచి తీసుకొచ్చేవారు. దేశవ్యాప్తంగా అన్ని జైళ్లకు ఉరితాళ్లు బక్సార్ జైలు నుంచే సరఫరా అవుతాయని, గతంలో కొన్ని చోట్ల వీటిని తయారుచేసినట్టు సూపరింటిండెంట్ విజయ్ తెలిపారు.బక్సార్ జైల్లో తయారయ్యే ఉరితాళ్లకు 90 ఏళ్ల చరిత్ర ఉంది. ఈ తాళ్లతో దోషులను ఉరితీసేటప్పుడు విఫలమయ్యే ప్రసక్తే ఉండదు. భాగల్పూర్ సెంట్రల్ జైల్లో ఖైదీలను ఉరితీయడానికి 1992,1995లోనూ, 2004లో పశ్చిమ్ బెంగాల్ రేపిస్ట్‌ను ఉరితీయడానికి బక్సార్ నుంచే తాళ్లను పంపారు.

 

ఏపీలో మెగా డీఎస్సీ

 

Tags:Hanging out for fearless …

Leave a Reply

Your email address will not be published. Required fields are marked *