ఇక మండలాల నేతలతో హరీష్ సమావేశాలు

కరీంనగర్ ముచ్చట్లు :

 

టీఆర్ఎస్‎లో ఈటల కుంపటి రాజుకుంది. మాజీ మంత్రి ఈటల రాజేందర్.. ఇటీవల పదేపదే హరీశ్రావును ప్రస్తావించడం, కేసీఆర్ వైఖరితో తాను హరీశ్రావు చాలా ఇబ్బంది పడ్డామంటూ చేసిన ప్రకటనలతో చిచ్చు మొదలైంది. ఇప్పటి వరకు ఈటల రాజేందర్ వ్యాఖ్యలపై సైలెంట్‌గా ఉన్న మంత్రి హరీశ్రావు.. ఎట్టకేలకు విమర్శలకు దిగారు. అందులో కూడా సుతిమెత్తగా విమర్శించారు. ఘాటు వ్యాఖ్యల జోలికి వెళ్లకుండా ఈటలను హెచ్చిరిస్తున్నట్లే ప్రకటన చేశారు. ఈటలపై హరీశ్ అస్త్రాన్ని గులాబీ బాస్ప్రయోగిస్తున్న విషయం తెలిసిందే. కానీ హరీశ్రావు తనకు మంచి దోస్త్అంటూ ఈటల పదేపదే చెప్పడంపై అటు కేసీఆర్‌లో కూడా అసహనం తెప్పించిందనే ప్రచారం జరుగుతోంది. దీనిపై స్పందించాలంటూ హరీశ్రావును ఆదేశించినట్లు సమాచారం.ఈటల నియోజకవర్గం హుజురాబాద్‌లో మరోసారి హరీశ్రావు జోక్యం చేసుకున్నారు. హుజురాబాద్నేతలతో మళ్లీ సమావేశమయ్యారు. వచ్చే వారంలో మండలాల వారీగా నేతలను పిలిపించుకునేందుకు సిద్ధమవుతున్నారు. గతంలో పలుమార్లు ఈటల రాజేందర్ తనపై కామెంట్స్ చేసినా స్పందించకుండా ఉన్న హరీశ్రావు.. టీఆర్‌ఎస్‌కు ఈటల రాజేందర్ రాజీనామా చేసిన తర్వాతే ఆయన వ్యాఖ్యలను ఖండిస్తూ విమర్శలకు దిగారు. మంత్రివర్గం నుంచి బర్తరఫ్, పార్టీలో ఉన్నప్పుడైతే ఈటలను పల్లెత్తు మాట కూడా అనలేదు.ఈటల వ్యవహారంలో హరీశ్రావు వ్యూహాత్మకమైన ప్రకటన చేశారు. తన భుజంపై తుపాకీ పెడుతున్నారంటూ వ్యాఖ్యానించడం చర్చగా మారింది.

 

 

 

 

అంటే కేసీఆర్‌కు దూరం చేసేందుకే ఈటల మాట్లాడుతున్నారని, ఇది గుర్తించే కేసీఆర్.. హరీశ్రావును దగ్గరకు తీస్తున్నారనే ప్రచారం జరుగుతోంది. ఇలాంటి సమయంలో హరీశ్రావు కూడా తనను ఇందులోకి లాగవద్దంటూ సున్నితంగా ఆగ్రహం వ్యక్తం చేసినట్లు అయింది. తన భుజంపై తుపాకి పెట్టడం వికార ప్రయత్నం అంటూ ఈటలకు సూచించారు.తెలంగాణ ఉద్యమం నుంచి హరీశ్రావు, ఈటల రాజేందర్ మధ్య స్నేహబంధం కొనసాగుతూ ఉంది. రెండోసారి మంత్రివర్గ కూర్పులో కూడా వీరిద్దరికీ స్థానం దక్కడం ఆఖరి నిమిషం వరకూ ఉత్కంఠగానే మారింది. ఇలాంటి పలు సందర్భాల్లో ఒకరిని ఒకరు ఓదార్చుకున్నారనే ప్రచారం పార్టీలో ఎప్పటి నుంచే వినిపిస్తున్నదే. ఇటీవల ఈటల బర్తరఫ్ తర్వాత నుంచే హరీశ్రావును పదేపదే వివాదంలోకి లాగేందుకు ఈటల రాజేందర్ ప్రయత్నాలు చేస్తున్నట్లే కనిపిస్తోంది. హరీశ్రావు, తాను పలుమార్లు చాలా మథన పడ్డామని, కండ్లలో నీళ్లు తెచ్చుకున్నామంటూ పాత సంగతులను గుర్తుకు తీసుకువచ్చారు. హరీశ్రావు మాత్రం కొంత సైలెంట్‌గానే ఉంటూ వచ్చారు. ఇదే సమయంలో హుజురాబాద్నియోజకవర్గ నేతలతో ఒకసారి సమావేశమయ్యారు. ఈటల సొంత మండలమైన కమలాపూర్నేతలతో సమావేశం కావడం, ఆ తర్వాత తన దోస్త్‌గా ఉండే హరీశ్రావును తనపైనే ప్రయోగిస్తున్నారంటూ ఈటల వెల్లడించారు. తన దోస్తు తన నియోజకవర్గంలో ఎలా..

 

 

 

 

ఏం చేస్తాడో చూస్తానంటూ ఒక విధమైన ఇండికేషన్స్ పంపించారు. అయినప్పటికీ హరీశ్ స్పందించలేదు.రాజీనామా చేసిన తర్వాత ఈటల రాజేందర్ చేసిన వ్యాఖ్యలపై మంత్రి హరీశ్స్పందించారు. అంతేకానీ మొన్నటి వరకూ పార్టీలో ఉన్న ఈటల… తమ దోస్తానాపై ఎంత చెప్పినా హరీశ్రావు ఎక్కడా మాట్లాడలేదు. పార్టీలో ఉన్నాడనే కారణంతోనే ఆయనపై విమర్శలు చేయలేదని గులాబీ నేతలు చెప్పుతున్నారు. ఇప్పుడు హుజురాబాద్అంశంలో టీఆర్‌ఎస్కీలకంగా అడుగులు వేస్తుండటం, హరీశ్, ఈటల రాజేందర్ మంచి స్నేహితులు అనే ప్రచారం ఇంకా కొనసాగుతుండటంతో సీఎం కేసీఆర్ దీనిపై పలు సూచనలు చేసినట్లు తెలుస్తోంది.

 

 

 

 

ఈటల వ్యాఖ్యలను ఖండించాలంటూ హరీశ్కు ఆదేశాలిచ్చినట్లు పార్టీ నేతలు చెప్పుకుంటున్నారు. అందుకే శనివారం హరీశ్రావు ఈ ప్రకటన విడుదల చేయాల్సి వచ్చిందంటున్నారు. అంతేకాకుండా హుజురాబాద్‌కు చెందిన పలువురు నేతలతో హరీశ్రావు శనివారం మరోసారి మంతనాలు చేసినట్లు తెలుస్తోంది. కొంతమంది పిలిపించుకుని మాట్లాడారని, మరికొంతమంది నేతలతో ఫోన్లలో మాట్లాడినట్లు చెప్పుతున్నారు. అయితే ఈ వారం రోజుల వ్యవధిలోనే హుజురాబాద్ సెగ్మెంట్కు చెందిన కీలకమైన నేతలతో హరీశ్రావు సమావేశమవుతున్నట్లు పార్టీ నేతల్లో టాక్.

 

వైఎస్‌ఆర్‌సీపీ ప్రభుత్వంలో అభివృద్ధి , సంక్షేమం రెండుకళ్ళులాంటివి -మంత్రి పెద్దిరెడ్డి

Tags: Harish meetings with zonal leaders

Leave a Reply

Your email address will not be published. Required fields are marked *