Heavy flood water ... Power plant production in Jura

5 భారీగా వరద నీరు… జూరాలలో విద్యుత్ కేంద్రం ఉత్పత్తి

Date:15/07/2020

మహబూబ్ నగర్ ముచ్చట్లు:

ప్రియదర్శిని జూరాల ప్రాజెక్టుకు వరద నీటి ప్రవాహం క్రమంగా పెరుగుతోంది. ఇన్ ఫ్లో 45 వేల క్యూసెక్కులు కాగా ఔట్ ఫ్లో 26,759 క్యూసెక్కులుగా ఉంది. ప్రాజెక్టు పూర్తి స్థాయి మట్టం 318.516 మీటర్లు కాగా ప్రస్తుతం 318.300 మీటర్లుగా ఉంది. ఎగువ జూరాల జల విద్యుత్కేంద్రంలో 3 యూనిట్లలో 117 మెగావాట్ల విద్యుత్ ఉత్పత్తి అవుతోంది. దిగువన ఉన్న జల విద్యుత్ కేంద్రంలో మొదటి యూనిట్‌లో 40 మెగావాట్ల విద్యుత్ ఉత్పత్తి అవుతున్నట్లు అధికారులు వెల్లడించారు.జూరాల ప్రాజెక్టు రెండు గేట్లు 2 మీటర్లు, మూడు గేట్లు ఒక మీటర్ చొప్పున తెరచి దిగువకు నీటిని వదులుతున్నారు. స్పిల్ వే ద్వారా 26,759 క్యూసెక్కుల నీటిని శ్రీశైలానికి వదులుతున్నారు.కర్ణాటలోని ఆలమట్టి, నారాయణపూర్‌ రిజర్వాయర్లలో నీటిమట్టం గరిష్ఠ స్థాయికి చేరుకోవడంతో తెలంగాణలోని జూరాలవైపు కృష్ణమ్మ పరుగులు పెడుతోంది. పశ్చిమ కనుమల్లో కురుస్తున్న వర్షాల ప్రభావంతో కృష్ణా నదిలో వరద ప్రవాహం కొనసాగుతోంది. ఆలమట్టి జలాశయంలోకి 56,905 క్యూసెక్కులు చేరుతుండటంతో.. విద్యుత్‌ కేంద్రం ద్వారా 45 వేల క్యూసెక్కులను సోమవారం దిగువకు విడుదల చేశారు. ఆలమట్టికి దిగువన ఉన్న నారాయణపూర్‌ డ్యామ్‌లోకి 43,616 క్యూసెక్కులు చేరుతున్నాయి. ఇందులో నీటి నిల్వ 34.87 టీఎంసీలకు చేరుకోవడంతో రెండు గేట్లు ఎత్తి 27,574 క్యూసెక్కులను దిగువకు వదిలారు. ఆ నీరు జూరాల ప్రాజెక్టును చేరింది. భారీగా వరద నీరు…
జూరాలలో విద్యుత్ కేంద్రం ఉత్పత్తి.

 

శ్రీశైలానికి కృష్ణమ్మ జలాలు

Tags:Heavy flood water … Power plant production in Jura

Leave a Reply

Your email address will not be published. Required fields are marked *