తెలంగాణ వ్యాప్తంగా భారీ వానలు

హైదరాబాద్ ముచ్చట్లు:

తెలంగాణ  వ్యాప్తంగానైరుతి రుతుపవనాలు విస్తరించినట్టు భారత వాతావరణ విభాగం (ఐఎండీ) తెలిపింది. దీని ప్రభావంతో రాష్ట్రవ్యాప్తంగా జోరుగా వర్షాలు కురుస్తున్నాయి. దీంతో పాటు శుక్రవారం ఉత్తర బంగాళాఖాతంలో ఏర్పడనున్న అల్పపీడన ప్రభావం వల్ల జూన్ 11 నుంచి 14 వరకు రాష్ట్రంలో విస్తారంగా వర్షాలు కురిసే అవకాశాలున్నాయని హైదరాబాద్ వాతావరణ కేంద్రం పేర్కొంది. అల్పపీడన ప్రభావంతో ఈదురుగాలులు వీస్తాయని తెలిపింది. శని, అదివారాల్లో ఉత్తర తెలంగాణ, తూర్పు తెలంగాణ జిల్లాల్లో భారీ నుంచి అతి భారీ వర్షాలు కురుస్తాయని హెచ్చరికలు జారీచేసింది దాదాపు అన్ని జిల్లాల్లో వర్షం కురిసింది. అత్యధికంగా కామారెడ్డి జిల్లా మద్నూర్‌ మండలం మెనూర్‌లో 12.1 సెం.మీ. కురవగా.. తర్వాత మద్నూర్‌లో 11.5, సంగారెడ్డి జిల్లా నారాయణఖేడ్‌లో 9.5, ఆదిలాబాద్‌ జిల్లా జైనద్‌ మండలం భోర్జలో 9.3, సిద్దిపేట జిల్లా బెజ్జంకిలో 9.2 సెం.మీ. వర్షపాతం నమోదయ్యింది. హైదరాబాద్‌ నగరంలోనూ వర్షాలు కురుస్తున్నాయి.

 

 

 

ఇక, రుతుపవనాల ప్రభావంతో కృష్ణా నది పరివాహక ప్రాంతంలో ఎగువ మహారాష్ట్ర, కర్ణాటకలో వర్షాలు కురుస్తున్నాయి. దీంతో నదికి ఎగువ నుంచి వరద మొదలయ్యింది. ఎగువ నుంచి నీరు వస్తుండడంతో జూరాల విద్యుత్తు కేంద్రంలో ఉత్పత్తి ప్రారంభించారు. ఈ నీటిని దిగువకు విడుదల చేస్తున్నారు. గురువారం ఎగువ నుంచి 16,600 క్యూసెక్కుల ప్రవాహం నమోదు కాగా.. విద్యుత్తు కేంద్రం ద్వారా దిగువకు 12,299, కాల్వలకు 4,621 క్యూసెక్కులు వదులుతున్నారు. జూరాలలో ప్రస్తుతం 9.46 టీఎంసీల నీటినిల్వ ఉంది.ఆలమట్టికి ఎగువ నుంచి 6,952 క్యూసెక్కులు, నారాయణపూర్‌కు 12,089 క్యూసెక్కుల ప్రవాహం వస్తోంది. మిగిలిన జలాశయాలకు స్వల్పంగా ప్రవాహం కొనసాగుతోంది. మరోవైపు, ముంబై వర్షపు నీటిలో మునిగిపోయింది. రెండు రోజులుగా కురుస్తున్న భారీ వర్షాలకు జనం తీవ్ర అసౌకర్యానికి లోనవుతున్నారు. నైరుతి రుతుపవనాలు ప్రవేశించడంతోనే ముంబై సహా పలు జిల్లాలను భారీ వర్షాలు ముంచెత్తాయి. వర్ష బీభత్సానికి వరదలు తోడవ్వడంతో దేశ ఆర్థిక రాజధాని తడిసి ముద్దయింది. మరో 5 రోజులపాటు మహారాష్ట్రలో ఓ మోస్తరు నుంచి భారీవర్షాలు కురిసే అవకాశముందని వాతావరణశాఖ తెలిపింది.

 

పుంగనూరులో కరోనా రోగులకు సేవలు అందించాలి-ఎంపి రెడ్డెప్ప

 

Tags: Heavy rains across Telangana

Leave a Reply

Your email address will not be published. Required fields are marked *