బెజవాడలో హిజ్రాల మాఫియా

విజయవాడ      ముచ్చట్లు:

విజయవాడ నగరంలో హిజ్రాల ఆగడాలు రోజురోజుకూ మితిమీరుతున్నాయి. రెండు గ్రూపులుగా ఏర్పడిన వీరు పోటాపోటీగా బలవంతపు వసూళ్లకు పాల్పడుతున్నారు. రైల్వేస్టేషన్‌, బస్టాండు కేంద్రంగా కార్యకలాపాలు సాగిస్తున్నారు. రైళ్లు, రైల్వేస్టేషన్లలో వీరి ఆడగాలపై పోలీసులు నిఘా పెట్టినా దాడులు ఆగడం లేదు. ప్రయాణ ప్రాంగణాలకు వస్తున్న వారిని వెంబందించి వేధించి అందినంత దోచుకుంటున్నారు. ఇది చాలదన్నట్లు కొందరు అమాయక యువకులను వలలో వేసుకుని లింగ మార్పిడి చేయించ హిజ్రాలుగా మార్చేస్తున్నారు.వీరి ఆగడాలపై నిఘా పెట్టిన విజయవాడ పోలీసులకు ఇటీవల షాకింగ్ విషయం తెలిసింది. రాజరాజేశ్వరీపేట కేంద్రంగా లింగ మార్పిడి ఆపరేషన్లు జరుగుతున్నట్లు రైల్వే పోలీసుల విచారణలో బయటపడింది. ఓ డాక్టర్ ఒక్కో సర్జరీకి రూ.30వేలు తీసుకుంటున్నట్లు తెలిసింది.

ఇంట్లో నుంచి పారిపోయి వచ్చి రైల్వేస్టేషన్లు, బస్టాండ్లలో తిరిగే యువకులకు హిజ్రాలు మాయమాటలు చెప్పి, గుట్టుచప్పుడు కాకుండా లింగ మార్పిడి ఆపరేషన్లు చేయించినట్లు బట్టబయలైంది. ఇలా ఏడాది కాలంలో సుమారు 50 మందికి లింగ మార్పిడి ఆపరేషన్లు చేసినట్లు వెలుగులోకి వచ్చింది.విజయవాడలోని హిజ్రాలు తమ వసూళ్ల కోసం రైళ్లను సైతం పంచుకున్నారు. విజయవాడ నుంచి సికింద్రాబాద్‌, చెన్నై, విశాఖపట్నం మార్గాలవైపు వెళ్లే రైళ్లను రెండు గ్రూపులకు చెందిన హిజ్రాలు పంచుకున్నారు. ఒక్కో రైల్లో ప్రయాణికుడి వద్ద రూ.100 ఇవ్వనిదే కదలడం లేదు. అందరిలోనూ వారి పరువు తీయడంతో పాటు దాడులకు సైతం పాల్పడుతున్నారు. బుధవారం ఉదయం రైల్వేస్టేషన్‌ వద్ద ఒక ప్రయాణికుడిని బెదిరించి రూ.5వేలు దోచుకున్నారు. దీనిపై పోలీసులు కేసు నమోదు చేశారు.

గతంలో గుడివాడ రైల్లో పాలిటెక్నిక్‌ చదివే ఒక విద్యార్థిని ఇదే తరహాలో బెదిరించగా.. డబ్బులు ఇవ్వకపోతే రైల్లో నుంచి తోసేశారు. ఆ విద్యార్థికి తీవ్ర గాయాలై రెండు కాళ్లు కోల్పోయాడు. హిజ్రాల దౌర్జన్యాలపై ఇటీవల కాలంలో సుమారు 100 మంది ప్రయాణికులు రైల్వే పోలీసులకు ఫిర్యాదు చేశారు. రైళ్లలో హిజ్రాలు వసూళ్లకు పాల్పడితే కఠిన చర్యలు తీసుకుంటామని జీఆర్పీ సీఐ పి.శ్రీనివాస్‌ తెలిపారు. వీరి ఆగడాలపై రోజూ పదుల సంఖ్యలో ఫిర్యాదులు అందుతున్నాయని, ప్రయాణికుల రక్షణ కోసం మరింత నిఘా పెడతామని పేర్కొన్నారువిజయవాడ నగరంలో పెళ్లిళ్లు, ఏ ఫంక్షన్లు జరిగినా హిజ్రాలు నిమిషాల వ్యవధిలో అక్కడ వాలిపోతున్నారు. అవతలి వారి హోదాను బట్టి రూ.10 వేల నుంచి రూ.50వేల వరకు డిమాండ్ చేస్తుంటారు. అడిగినంత డబ్బు ఇవ్వకపోతే అసభ్యంగా ప్రవర్తిస్తూ.. దుర్భాషలాడుతూ రెచ్చిపోతున్నారు.గాంధీనగర్‌లో రెండు రోజుల క్రితం ఒక దుకాణం ప్రారంభించగా 10 మంది హిజ్రాలు అక్కడికి వచ్చారు. యజమానిని రూ.30వేలు డిమాండ్‌ చేస్తూ నానా రభస చేశారు. అంత ఇచ్చుకోలేనని చెప్పినా వినిపించుకోలేదు. వాళ్ల గొడవ భరించలేక ఆ వ్యాపారి చివరికి రూ.10వేలు సమర్పించుకున్నాడు.అజిత్‌సింగ్‌నగర్‌కు చెందిన ఒక రైల్వే ఉద్యోగి వారం క్రితం గృహ ప్రవేశం చేయగా హిజ్రాలు ఆ ఇంటి వద్ద గొడవ చేసి రూ.20వేలు తీసుకున్నాడు. నగరంలోని కండ్రిక, న్యూరాజరాజేశ్వరిపేట, రాజీవ్‌నగర్‌ ప్రాంతాల్లో ఎక్కువగా వీరు అరాచకాలకు పాల్పడుతున్నట్లు నగర పోలీసులు చెబుతున్నారు.

పుంగనూరులో 8న ఘనంగా రాజన్న జయంతి వేడుకలునిర్వహించాలి- మంత్రి పిఏ మునితుకారాం

 

Tags:Hijra Mafia in Bejawada

Leave a Reply

Your email address will not be published. Required fields are marked *