I ... my countryman Nithyananda

నేను… నా దేశమంటున్న నిత్యానంద

Date:04/12/2019

న్యూఢిల్లీ ముచ్చట్లు:

నిత్యానంద పేరు గుర్తు రాగానే.. ఆధ్యాత్మికత కంటే వివాదాలు, ఆరోపణలే ఎక్కువగా గుర్తొస్తాయి. బోలెడన్ని ఆరోపణలకు కేరాఫ్‌గా నిలిచిన నిత్యానంద దేశం విడిచిపోయారు. ఈ వివాదాస్పద స్వామీజీ సొంతంగా ఓ దేశాన్నే ఏర్పాటు చేసుకున్నారని తెలుస్తోంది. దక్షిణ అమెరికాలోని ఈక్వెడార్ దేశం నుంచి ఓ దీవి కొనుగోలు చేసిన ఆయన.. ఆ దీవిని దేశంగా మార్చేశారు. ట్రినిడాడ్ అండ్ టొబాగోకు దగ్గర్లో ఉన్న తన దేశానికి కైలాస అని పేరు పెట్టారు. దానికి ఓ జెండాతోపాటు పాస్‌పోర్ట్, జాతీయ చిహ్నాన్ని కూడా డిజైన్ చేశారు. ఈ దేశ జాతీయ పుష్పం కమలం కాగా, జాతీయ జంతువు నంది. ఈ దేశ జాతీయ జెండా మీద పరమశివుడి అవతారంలో నిత్యానందుడు, ఓ నంది ఉండటాన్ని గమనించొచ్చు.
మంత్రివర్గం..అంతే కాదు ప్రభుత్వాన్ని, ప్రధాన మంత్రిని, మంత్రివర్గాన్ని కూడా ఏర్పాటు చేశారట. తన దేశానికి ఎల్లలు లేవని నిత్యానందుడు ‘కైలాస’ వెబ్‌సైట్ ద్వారా సెలవిచ్చారు. ‘కైలాస’కు ఒక దేశంగా గుర్తింపు ఇవ్వాలని కూడా నిత్యానంద ఐక్యరాజ్య సమితికి రిక్వెస్ట్ పంపనున్నారట.కైలాస దేశ పాస్‌పోర్టుకు ఉన్న విశిష్టత తెలుసుకుంటే షాక్ అవుతారు. పరమశివుడు అనుగ్రహంతో ఈ దేశ పాస్‌పోర్టును జారీ చేస్తారట.

 

 

 

 

 

 

 

ఈ దేశ పాస్‌పోర్టు ఉన్న వ్యక్తులకు పద్నాలుగు లోకాల్లోకి ఉచిత ప్రవేశం ఉంటుందట.కైలాస దేశంలో అధికారిక భాషలుగా ఇంగ్లిష్, సంస్కృతం, తమిళం భాషలను గుర్తించారు. 100 మిలియన్ల మంది ఆది శైవులు, 200 కోట్ల మంది హిందువులు ఈ దేశ జనాభా అని చెప్పుకొచ్చారు. ఇతర దేశాల్లో ఉన్నట్టుగానే కైలాసకు కూడా ఓ యూనివర్సిటీ, గురుకులం, సొంతంగా టీవీ ఛానల్ ఉన్నాయని కైలాస వెబ్‌సైట్ వెల్లడించింది. మహాభారత కాలంలో 56 హిందూ దేశాలు ఉండేవని.. ఈ దేశాల్లో హిందూ ధర్మాన్ని ఆచరించలేని వారితో కలిసి ‘కైలాస’ను ఏర్పాటు చేశామని నిత్యానంద చెప్పినట్టుగా కైలాస వెబ్‌సైట్‌లో ప్రస్తావించారు.నిత్యానంద అసలు పేరు రాజశేఖరన్. ఆయన స్వస్థలం తమిళనాడు. 2000లో బెంగళూరు శివార్లలో ఆశ్రమాన్ని స్థాపించారు. 2010లో ఓ నటితో నిత్యానంద సన్నిహితంగా ఉన్న వీడియో బయటకొచ్చింది. దీంతో ఆయన రాసలీలలు వెలుగులోకి వచ్చాయి.కర్ణాటకలో రేప్ కేసుతోపాటు గుజరాత్‌లో కిడ్నాప్, టార్చర్ కేసులను నిత్యానంద ఎదుర్కొంటున్నాడు. గత కొంత కాలంగా నిత్యానంద న్యాయస్థానానికి హాజరు కావడం లేదని తెలుస్తోంది. నిత్యానంద శిష్యులిద్దర్నీ అరెస్ట్ చేసిన గుజరాత్ పోలీసులు.. అతడికి వ్యతిరేకంగా బలమైన ఆధారాలు సేకరించే పనిలో ఉన్నారు. నిత్యానందుడు నేపాల్ మీదుగా ఈక్వెడార్ చెక్కేశాడని గతంలో వార్తలొచ్చాయి.

 

చంద్రయాన్ ముక్కలను ఇస్రోనే కనిపెట్టింది

 

Tags:I … my countryman Nithyananda

Leave a Reply

Your email address will not be published. Required fields are marked *