కబ్జా చేస్తే ఊరుకోవాలా

హైదరాబాద్ ముచ్చట్లు:
మాజీ మంత్రి ఈటల రాజేందర్ కు మరో ఎదురు దెబ్బ తగిలింది . దేవరయంజాల్ భూములపై వేసిన ఐఏఎస్ ల కమిటీని రద్దు చేయాలంటూ దాఖలైన పిటిషన్ పై హైకోర్టు తీవ్ర వ్యాఖ్యలు చేసింది. ప్రభుత్వ భూములు కబ్జా చేసుకుంటూ ఉంటే చూస్తూ ఊరుకోవాలని వ్యాఖ్యానించింది . కమిటీ విచారణ జరిపి నివేదిక ఇస్తుందని అప్పటివరకు ఎలాంటి ఆదేశాలు ఇవ్వలేమని తేల్చి చెప్పింది.దేవరాయాంజల్ భూముల సర్వేపై హైకోర్టులో నేడు విచారణ జరిగింది. ఐఏఎస్ కమిటీ ఏర్పాటు జీవో కొట్టివేయాలని కోరుతూ సదా కేశవ రెడ్డి పిటిషన్ పై విచారణ చేపట్టింది న్యాయస్థానం. జీవో 1014 అమలు నిలిపివేసేందుకు హైకోర్టు నిరాకరించింది. ఆలయ భూములు గుర్తించేందుకు విచారణ చేస్తే ఇబ్బందేంటని హైకోర్టు ప్రశ్నించింది. ప్రభుత్వ, ఆలయ భూములను గుర్తించకూడదా? కబ్జాదారులను ఆక్రమణలు చేసుకోనీయాలా? అంటూ ఫైర్ అయ్యింది. విచారణ జరిపి నివేదిక ఇవ్వడం కమిటీ బాధ్యత అని న్యాయస్థానం స్పష్టం చేసింది. నోటీసులు ఇవ్వకుండా భూముల్లోకి వస్తున్నారని పిటిషనర్ వాదనలు వినిపించారు.దేవరాయాంజల్ భూములపై విచారణ చేసే స్వేచ్చ కమిటీకి ఉందని హైకోర్టు స్పష్టం చేసింది. భూముల్లోకి వెళ్లే ముందు పిటిషనర్లకు నోటీసులు ఇవ్వాలని హైకోర్టు ఆదేశించింది. పిటిషనర్లపై వ్యతిరేక చర్యలు తీసుకుంటే, ముందస్తు నోటీసు ఇవ్వాలని ఆదేశించింది. దీంతో పాటు కమిటీకి అవసరమైన దస్త్రాలు, సమాచారం ఇవ్వాలని పిటిషనర్లకు హైకోర్టు తెలిపింది. పిటిషనర్లు విచారణకు సహకరించక పోతే అధికారులు చట్ట ప్రకారం చర్యలు తీసుకోవచ్చని న్యాయస్థానం స్పష్టం చేసింది. కౌంటర్లు దాఖలు చేయాలని ప్రభుత్వానికి హైకోర్టు నోటీసులు జారీ చేసింది.

 

పుంగనూరు ఎస్‌ఈబి సీఐగా సీతారామిరెడ్డి

Tags:If captured, urukovala

Leave a Reply

Your email address will not be published. Required fields are marked *