వలంటీర్ల నియామకాలకు ఇంటర్వ్యూలు

Date:19/07/2019

పుంగనూరు ముచ్చట్లు:

పుంగనూరు మున్సిపాలిటిలోని అన్ని వార్డులకు వలంటీర్ల నియామక ఇంటర్వ్యూలను శుక్రవారం కమిషనర్‌ కెఎల్‌.వర్మ , టౌన్‌ ప్లానింగ్‌ ఆఫీసర్‌ క్రిష్ణారావు , అకౌంట్స్ ఆఫీసర్‌ మనోహర్‌ కలసి నిర్వహించారు. 24,7,9 వార్డులలో 45 మంది ఇంటర్వ్యూలకు హాజరైయ్యారు.

మండలంలో…

మండలంలోని అన్ని పంచాయతీలకు వలంటీర్ల నియామకాలకు శుక్రవారం ఎంపీడీవో లక్ష్మిపతినాయుడు, ఈవోఆర్‌డి వరప్రసాద్‌ కలసి ఎనిమిదవరోజు ఇంటర్వ్యూలు నిర్వహించారు. మండలంలోని ఎంసి.పల్లె, వనమలదిన్నె పంచాయతీలలోని వలంటీర్లకు ఇంటర్వ్యూలు నిర్వహించారు.

20న ఇంటర్వ్యూలు జరిగే గ్రామాలు…

పుంగనూరు ఎంపీడీవో కార్యాలయంలో శనివారం పదోరోజు ఇంటర్వ్యూలు ఉదయం నిర్వహిస్తున్నట్లు ఎంపీడీవో లక్ష్మిపతినాయుడు తెలిపారు. భీమగానిపొల్లె, వనమలదిన్నె గ్రామ వలంటీర్లకు ఇంటర్వ్యూలు చేపడుతున్నామన్నారు. అభ్యర్థులు తమ ఒరిజనల్‌ రికార్డులతో ఇంటర్వ్యూలకు హాజరుకావాలని కోరారు.

అప్పుడు మన్మోహన్… ఇప్పుడు జయశంకర్

Tags: Interviews for volunteer placements

అక్టోబరు నుంచి భారీగా పెరగనున్న మద్యం ధరలు

Date:19/07/2019

విజయవాడ ముచ్చట్లు:

రాష్ట్ర ప్రభుత్వం ఒకవైపు మద్యం నియంత్రిస్తామంటూనే మరో వైపు ధరలను విపరీతంగా పెంచేందుకు రంగం సిద్ధం చేస్తోంది. చీప్‌ లిక్కర్‌ నుంచి హై క్లాస్‌ బ్రాండ్‌ వరకు ఆల్‌ ప్రీమియం బ్రాండ్స్‌ ధరలు అక్టోబర్‌ నుంచి మోతమోగనున్నాయి. అక్టోబర్‌ నుంచి ప్రభుత్వమే నేరుగా రంగంలోకి దిగి మద్యం దుకాణాలను నిర్వహించనుంది. అందుకోసం విధివిధానాలను ఖరారు చేయాలని రాష్ట్ర ఎక్సైజ్‌శాఖ ఉన్నతాధికారులకు ప్రభుత్వం నుంచి ఆదేశాలు అందాయి. 20శాతం మద్యం షాపులకు కోత విధించనున్నారు. మిగిలిన మద్యం షాపులను ప్రభుత్వమే నిర్వహించనుంది.

 

 

 

 

 

ఈ విధానం ఈ ఏడాది అక్టోబరు 1 నుంచి అమల్లోకి రానున్నట్లు తెలిసింది. మద్యం ధరల ఎమ్మార్పీని భారీగా పెంచేందుకు ప్రభుత్వం సన్నాహాలు చేస్తోంది. ఇప్పటి వరకు ఐఎంఎల్‌ డిపో ద్వారా అందిస్తున్న ప్రతి బ్రాండ్‌ మద్యానికి క్వార్టర్‌కు కనీసం రూ.50కి పైనే పెంచనున్నారు. అన్ని ప్రీమియం బ్రాండ్లతో పాటు చీప్‌ లిక్కర్‌ ధర కూడా భారీగా పెరగనుంది. బార్‌లకు మాత్రం 2022 మార్చి 31 వరకు ఎటువంటి మార్పు ఉండదు. ఆ తరువాతే వాటిపై కూడా నిర్ణయం తీసుకునే అవకాశం ఉంది. అప్పటివరకు వైన్‌షాపులలో మద్యం రేట్లను భారీగా పెంచే అవకాశం ఉన్నట్లు ఎక్సైజ్‌ అధికారి తెలిపారు.

 

 

 

 

జిల్లాల్లో మద్యంషాపులు తగ్గించడంతో, మద్యం రేట్లు పెంచడంతో కాపుసారా, గుడుంబా భారీగా సరఫరా అయ్యే అవకాశం ఉంది. ఇక ఎక్సైజ్‌శాఖ అధికారులు వీటి నియంత్రణ కోసం పని చేయాల్సి ఉంటుంది. మద్యం షాపుల నిర్వహణ ద్వారా ఉపాధి కల్పించేందుకు ప్రభుత్వం యోచిస్తోంది. ప్రతి షాపులో ముగ్గురు నలుగురు చొప్పున ఉద్యోగాలు కల్పించ‌నున్నారు. వీరితో పాటు ప్రతి షాపుకు ఒక సూపర్‌ వైజర్‌ను నియ మించనున్నట్లు తెలుస్తోంది.

రాజగోపాలరెడ్డి దారెటు

Tags: Liquor prices are expected to rise heavily from October

ఇసుకెక్కడ..?  

Date:17/07/2019

ఏలూరు ముచ్చట్లు:

 

జిల్లాలో ప్రస్తుతం ఇసుకకు తీవ్ర కొరత ఏర్పడింది. గతంలో పాటదారులు ఉన్న సమయంలోనే ఇసుక తక్కువ ధరకు వచ్చేది. గత ప్రభుత్వం ఉచితంగా అందించినప్పటికీ గతం కన్నా ఎక్కువ ధర పెడితే తప్ప ఇసుక దొరకని పరిస్థితి ఉండేది. నూతన ప్రభుత్వం ఉచిత ఇసుక విధానాన్ని రద్దు చేసింది. సెప్టెంబరు 5 నుంచి కొత్త విధానం అమల్లోకి తీసుకు రావాలని సీఎం జగన్‌ ఆదేశించారు. అప్పటి వరకు తమ పరిస్థితి ఏమిటని నిర్మాణదారులు వాపోతున్నారు.

 

 

 

ఇసుక కొరత ప్రభావం వల్ల జిల్లాలో నిర్మాణరంగం కుదేలవుతుంది. దీనికి తోడు ఇంతకు ముందు వివిధ ప్రాంతాల్లో అక్రమంగా నిల్వ చేసిన ఇసుకను అక్రమ మార్గంలో విక్రయించారు. ప్రస్తుతం ఎక్కడా ఇసుక లభ్యత లేకపోవడంతో నిర్మాణరంగం పూర్తిగా చతికిలపడింది. తణుకు, ఏలూరు, భీమవరం, నిడదవోలు, తాడేపల్లిగూడెం వంటి పట్టణాల్లో అపార్ట్‌మెంట్లు, వివిధ ప్రాంతాల్లో వివిధ రకాల భవనాల నిర్మాణాలు జరుగుతున్నాయి. ఇసుక కొరత కారణంగా ఆ పనులు నిలిచిపోయాయి. ప్రస్తుతం గోదావరికి వరదనీరు వచ్చి చేరుతుంది. గోదావరి వరద ప్రభావం అక్టోబరు చివరి వరకు ఉంటుంది. సెప్టెంబరులో ప్రభుత్వం నూతన విధానాన్ని అమల్లోకి తెచ్చినా అక్టోబరు వరకు ఇసుకకు ఇబ్బందులు తప్పేలా లేవు.

 

 

 

జిల్లాలో భవన నిర్మాణ రంగానికి సంబంధించి సుమారు 12 లక్షల మంది వరకు పని చేస్తున్నారు. వారంతా ప్రస్తుతం పనులు లేక విలవిలలాడుతున్నారు. వివిధ మున్సిపాలిటీలు, గ్రామ పంచాయతీల్లో సుమారు రూ.150 కోట్లకు పైగా వివిధ రకాల పనులు జరగుతున్నాయి. వీటిపై కూడా ఇసుక ప్రభావం పడటంతో పనులు నిలిచిపోయాయి. ఈ పరిస్థితి మరికొన్ని రోజులు ఇలాగే ఉంటే నిర్మాణ రంగంతో పాటు వివిధ వర్గాల ప్రజలు తీవ్ర ఇక్కట్లకు గురవుతారు. దీనిని దృష్టిలో పెట్టుకుని ఇసుక కోసం ప్రజలకు ఇబ్బందులు లేకుండా తాత్కాలికంగానైనా ఒక స్పష్టమైన విధానం అమలు చేసి, ర్యాంపుల ద్వారా ఇసుక అందించే ఏర్పాటు అధికార యంత్రాంగం చేయాలని పలువురు కోరుతున్నారు.

వసతి గృహాలు అపరిశుభ్ర వాతావరణంలో కొనసాగితే  క్రమశిక్షణ చర్యలు తప్పవు 

Tags: Isukekkada ..?

ప్రజల సమస్యలను ఎప్పటికప్పుడు పరిష్కరించాలి

– తహశీల్ధార్‌ వెంకట్రాయులు

Date:18/07/2019

పుంగనూరు ముచ్చట్లు:

ప్రజల సమస్యలను ఎప్పటికప్పుడు పరిష్కరించి, ఆదర్శంగా పని చేయాలని నూతన తహశీల్ధార్‌ వెంకట్రాయులు కోరారు. గురువారం ఆయన బాధ్యతలు చేపట్టారు. ఈ సందర్భంగా డిప్యూటి తహశీల్ధార్‌ మాదవరాజుతో కలసి అధికారులు , ఆర్‌ఐలు , వీఆర్‌వోలతో కలసి సమావేశం నిర్వహించారు. తహశీల్ధార్‌ మాట్లాడుతూ ప్రభుత్వాదేశాల మేరకు ప్రతి సోమవారం స్పందన కార్యక్రమాన్ని నిర్వహిస్తామన్నారు. సమస్యలను ఎప్పటికప్పుడు పరిష్కరించేలా చర్యలు తీసుకుంటామన్నారు. ప్రతి అర్జీదారుకు రశీదు ఇచ్చి, ఆన్‌లైన్‌లో నమోదు చేస్తామని తెలిపారు. విధి నిర్వహణలో నిర్లక్ష్యం వహించినా, అవినీతి అక్రమాలకు పాల్పడిన కఠిన చర్యలు తీసుకుంటామని ఆయన హెచ్చరించారు. ఈ సమావేశంలో ఆర్‌ఐలు రెడ్డెప్ప , ప్రసాద్‌, సర్వేయర్లు సుబ్రమణ్యం, ప్రకాష్‌ తదితరులు పాల్గొన్నారు.

నవరత్నాలతో మహిళల అభివృద్ధి సాధ్యం

Tags: People’s problems must be solved from time to time

నవరత్నాలతో మహిళల అభివృద్ధి సాధ్యం

– మాజీ జెడ్పిటిసి వెంకటరెడ్డి యాదవ్‌

Date:18/07/2019

పుంగనూరు ముచ్చట్లు:

రాష్ట్ర ముఖ్యమంత్రి •వైఎస్‌.జగన్‌మోహన్‌రెడ్డి ప్రవేశపెట్టిన నవరత్నాల కార్యక్రమంతోనే మహిళల అభివృద్ధి సాధ్యమౌతుందని మాజీ జెడ్పిటిసి వెంకటరెడ్డి యాదవ్‌ తెలిపారు. గురువారం వెలుగు ఏపిఎం హరిక్రిష్ణారెడ్డి ఆధ్వర్యంలో మహిళా సమాఖ్యల సర్వసభ్య సమావేశం నిర్వహించారు. ఈ సందర్భంగా నూతన పాలకవర్గాన్ని ఎన్నుకున్నారు. ఈ సమావేశంలో వెంకటరెడ్డి యాదవ్‌ మాట్లాడుతూ రాష్ట్ర పంచాయతీరాజ్‌శాఖ మంత్రి డాక్టర్‌ పెద్దిరెడ్డి రామచంద్రారెడ్డి ఆధ్వర్యంలో మహిళా సంఘాలను బలోపేతం చేస్తామన్నారు. గ్రామ సంఘాల భవన నిర్మాణాలకు , పాలశీతలీకరణ కేంద్రానికి శాశ్వతభవన నిర్మాణం, మహిళలకు కుట్టుశిక్షణా కేంద్రం ఏర్పాటు చేయిస్తామన్నారు. ఇందుకోసం అవసరమైన నిధులు మంత్రి ద్వారా మంజూరు చేయిస్తామన్నారు. నవరత్నాలను పకడ్బంధిగా అన్ని వర్గాలకు అందించేందుకు మహిళా సమాఖ్యలు కృషి చేసి, భాగస్వామ్యులుకావాలని పిలుపునిచ్చారు. ఈ కార్యక్రమంలో పార్టీ రాష్ట్ర సంయుక్త కార్యదర్శి అక్కిసాని భాస్కర్‌రెడ్డి, మాజీ ఎంపిపి నరసింహులు, మాజీ వైస్‌ఎంపిపి రామచంద్రారెడ్డి, పార్టీ నేతలు ఖాదర్‌బాషా, హేమచంద్ర, రాధ, ఎంపీడీవో లక్ష్మిపతినాయుడు, సంఘమిత్రలు వసంతమ్మ, చిన్నప్ప, శీనప్ప తదితరులు పాల్గొన్నారు.

నూతన కమిటి …

మండల సమాఖ్య అధ్యక్షురాలుగా జానకమ్మను , కార్యదర్శిగా భార్గవి, కోశాధికారిగా మంజుల ను ఎన్నుకున్నారు. జానకమ్మ మాట్లాడుతూ మండల సమాఖ్యలను బలోపేతం చేసి, ప్రభుత్వ పథకాలను ప్రతి ఒక్కరికి అందేలా కృషి చేస్తామని తెలిపారు.

భార్యపై భర్త కత్తితో దాడి

Tags: Development of women with Navaratnam

భార్యపై భర్త కత్తితో దాడి

Date:18/07/2019

పుంగనూరు ముచ్చట్లు:

కట్టుకున్న భార్యపై అనుమానంతో భార్యను కత్తితో పొడిచి చంపేందుకు భర్త ప్రయత్నించగా భార్య తీవ్రంగా గాయపడి ప్రాణాపాయస్థితిలో కొట్టుమిట్టాడుతున్న సంఘటన గురువారం పట్టణంలో జరిగింది. కొత్తపేటకు చెందిన భుజంగరావు, ఆయన భార్య యామిని కలసి ఎనిమిది సంవత్సరాల క్రితం ప్రేమ వివాహం చేసుకున్నారు. ఇరువురు కూలి పనులు చేసుకుంటు నివాసం ఉన్నారు. ఇలా ఉండగా భుజంగరావు సెంట్రింగ్‌ కమ్మి పనులకు వెళ్లేవాడు. ఇలా ఉండగా యామిని ఇతరులతో అక్రమ సంబంధం పెట్టుకుందేమోనన్న అనుమానంతో భుజంగరావు తరచు భార్యతో గొడవలు పడేవాడు. ఇలా ఉండగా ఉదయం ఇంటిలో ఇద్దరులు ఘర్షణ పడ్డారు. భుజంగరావు ఇంటిలో ఉన్న కత్తిని తీసి భార్యపై దాడి చేశాడు. ఈ దాడిలో యామిని తలకు , శరీరంపై తీవ్ర గాయాలైంది. విషయం తెలిసిన వెంటనే ఎస్‌ఐ అరుణ్‌కుమార్‌రెడ్డి సంఘటన స్థలానికి వెళ్లారు. భాధితురాలిని ప్రభుత్వాసుపత్రికి తరలించారు. ఆమె పరిస్థితి విషమంగా ఉండటంతో ఆమెను మెరుగైన వైద్యం కోసం తిరుపతికి తరలించారు. ఈ మేరకు కేసు నమోదు చేసి, దర్యాప్తు చేస్తున్నారు.

దోమలపై దండయాత్ర

Tags: Attack on husband with knife

దోమలపై దండయాత్ర

Date:18/07/2019

పుంగనూరు ముచ్చట్లు:

దోమలపై దండయాత్ర కార్యక్రమాన్ని విధిగా చేపట్టాలని మలేరియా అసిస్టెంట్‌ డైరెక్టర్‌ త్యాగరాజు పిలుపునిచ్చారు. గురువారం మండలంలోని ఏఎన్‌ఎంలు, ఆశవర్కర్లకు సమావే శాన్ని మెడికల్‌ ఆఫీసర్‌ సోనియా నిర్వహించారు. ఈ కార్యక్రమంలో త్యాగరాజు మాట్లాడుతూ ప్రతి శుక్రవారం డ్రైడే కార్యక్రమాన్ని విధిగా పాటించాలన్నారు.అలాగే గ్రామాల్లో దోమలు ప్రభలకుండ లార్వాపై అవగాహన కలిగించి , మురుగునీటి కాలువలను, కుంటలను శుభ్రం చేయాలన్నారు. ఆశ వర్కర్లు, ఏఎన్‌ఎంలు గ్రామాల్లో ఇంటింటికి వెళ్లి కరపత్రాలు పంపిణీ చేసి, ప్రజలకు అవగాహన కలిగించాలన్నారు. ఈ కార్యక్రమంలో సూపర్‌వైజర్లు హరిప్రసాద్‌,విజయలక్ష్మి, పార్వతమ్మ, మురళిబాబు, చంద్రశేఖర్‌, సిబ్బంది పాల్గొన్నారు.

సీఎం జగన్‌ మోహన్‌రెడ్డి ఫోటో ఏర్పాటు

Tags: Invasion of mosquitoes

సీఎం జగన్‌ మోహన్‌రెడ్డి ఫోటో ఏర్పాటు

Date:18/07/2019

పుంగనూరు ముచ్చట్లు:

రాష్ట్ర ముఖ్యమంత్రి వైఎస్‌.జగన్‌మోహన్‌రెడ్డి చిత్రపటాన్ని మున్సిపల్‌ కమిషనర్‌ కార్యాలయంలో గురువారం ఏర్పాటు చేశారు. కమిషనర్‌ కెఎల్‌.వర్మ ప్రభుత్వం విడుదల చేసిన ముఖ్యమంత్రి ఫోటోను ఏర్పాటు చేశారు. అలాగే కౌన్సిల్‌ హాల్‌లో , మున్సిపల్‌ ప్రధాన ద్వారం వద్ద దివంగత ముఖ్యమంత్రి డాక్టర్‌ వైఎస్‌.రాజశేఖర్‌రెడ్డి చిత్రపటాన్ని కూడ ఏర్పాటు చేశారు.

పుంగనూరు సీఐగా గంగిరెడ్డి

Tags:Photo by CM Jagan Mohan Reddy