Increased egg price with corona

కరోనాతో పెరిగిన గుడ్డు ధర

Date:19/09/2020

హైద్రాబాద్ ముచ్చట్లు:

నాన్ వెజ్ తినని వాళ్లు సైతం.. బాయిల్డ్ చేసిన ఎగ్స్‌ని హెల్త్ కోసం తింటుంటారు. ఇక ఇంట్లో ఎవరైనా అకస్మాత్తుగా చుట్టాలు వచ్చి పడినా వెంటనే ఎగ్ కర్రీనో, వేడి వేడి ఆమ్లేట్ వేసి వారికి వడ్డించేస్తాం. సామాన్యుడి నుంచి సెలబ్రిటీ వరకు చాలామంది ఎగ్‌ను ఇష్టపడుతుంటారు. అయితే కరోనా కారణంగా కొడిగొడ్డు వినియోగం బాగా పెరిగింది. కరోనా నుంచి త్వరగా కోలుకోవాలన్నా, కరోనా బారిన పడకుండా ఉండాలన్న మన శరీరంలో రోగ నిరోధక శక్తి పెంచుకోవడం ఎంతో అవసరం అందుకే చాలామంది ఇప్పుడు కోడిగుడ్డును ఎక్కువగా వాడటం మొదలు పెట్టారుఅందుకు రాష్ట్ర వ్యాప్తంగా అమాంతం పెరిగిన కొడిగుడ్ల విక్రయాలే ఉదాహరణ. కరోనా భయంతో మాంసం తినని వాళ్లు కూడా కోడిగుడ్డు తింటారు. ఉడికించిన గుడ్డు, ఆమ్లెట్ రూపంలో, పలు రకాల ఆహార పదార్థాల్లో దీనిని వినియోగిస్తారు. ఉడికించిన గుడ్డుతో ఎంతో ప్రయోజనం ఉందని వైద్యులు చెబుతున్నారు. వినియోగం పెరగడంతో సరఫరా కూడా పెంచారు. మరోవైపు డిమాండ్‌ నేపథ్యంలో గుడ్డు ధర స్వల్పంగా పెరిగింది. గతంలో రిటైల్‌గా రూ.5-5.50కు లభించిన గుడ్డు ప్రస్తుతం రూ.6 అయ్యింది. మారుమూల గ్రామాల్లోనూ దుకాణాల్లో కూడా గుడ్డు విక్రయాలు ఊపందుకున్నాయి.అయితే చాలామంది లాక్‌డౌన్‌తో ఉపాధి వారంతా కొందరు గుడ్లు విక్రయిస్తూ ఉపాధి పొందుతున్నారు. పట్టణాలు, గ్రామాల్లో ఇళ్లముందుకు వెళ్లి గుడ్లను అమ్ముతున్నారు. సరైనా ఉపాధి లేని ఆటో డ్రైవర్లు, చిన్న చిన్న ట్రాలీలు నడుపుతున్న వారు సైతం కోడిగుడ్లను మారు మూల పల్లెలకు తీసుకెళ్లి అమ్ముకొని వ్యాపారం చేసుకుంటున్నారు. మరోవైపు డాక్టర్లు కూడా కోడి గుడ్డు తింటే ఎంతో మేలని సూచిస్తున్నారు. మొత్తానికి కరోనా పుణ్యమా అని కోడిగుడ్డుకు మాత్రం భలే గిరాకీ పెరిగింది.

సౌదీలో భారతీయుల దీన స్థితి

Tags: Increased egg price with corona

Leave a Reply

Your email address will not be published. Required fields are marked *