196 doctors die of corona infection

భారత్ కోలుకుంటోంది…

Date:6/08/2020

న్యూఢిల్లీ ముచ్చట్లు:

భారత్‌లో ఓ వైపు కరోనా మహమ్మారి పంజా విసురుతున్నా.. మరోవైపు ఈ వైరస్‌ నుంచి కోలుకుంటున్న వారి సంఖ్య భారీగా పెరుగుతోంది. ఒక్క రోజే రికార్డు స్థాయిలో 51,706 మంది కరోనా నుంచి కోలుకొని డిశ్చార్జి అయ్యారు. కరోనా భయం వెంటాడుతున్న వేళ ఇది గొప్ప ఊరట కల్పించే వార్త.దేశంలో ఇప్పటికే కరోనాతో చికిత్స పొందుతున్నవారి కంటే కోలుకొని డిశ్చార్జి అయినవారి సంఖ్య రెట్టింపు కంటే ఎక్కువగా ఉన్న విషయం తెలిసిందే. బుధవారం ఉదయం కేంద్ర ఆరోగ్య, కుటుంబ సంక్షేమ శాఖ విడుదల చేసిన బులిటెన్‌ ప్రకారం.. దేశంలో ఇప్పటివరకు 19,08,254 పాజిటివ్‌ కేసులు నమోదయ్యాయి. వీరిలో 12,82,215 మంది కరోనాను జయించి డిశ్చార్జి అయ్యారు. కరోనాతో 39,795 మంది ప్రాణాలు కోల్పోయారు. దేశంలో ప్రస్తుతం 5,86,244 యాక్టివ్ కేసులు ఉన్నాయి.దేశంలో ప్రస్తుతం రికవరీ రేటు 67.19 శాతంగా ఉంది. మహమ్మారి నుంచి కోలుకుంటున్నవారి సంఖ్య రోజురోజుకీ మెరుగుపడుతోంది. రెండు వారాల్లో రికవరీ రేటు 63 శాతం నుంచి 67శాతానికి పెరిగింది. మరోవైపు మరణాల రేటు తగ్గుతుండటం మరింత ఊరటనిచ్చే అంశం. ప్రస్తుతం మరణాల రేటు 2.09 శాతంగా ఉంది.దేశ రాజధాని ఢిల్లీలో కేసుల సంఖ్య క్రమంగా తగ్గుతోంది. మరోవైపు.. కరోనా పరీక్షలు గణనీయంగా పెరిగాయి.  ఒక్కరోజే 6,19,652 నమూనాలు పరీక్షించారు. దేశంలో ఇప్పటివరకు 2,14,84,402 మందికి కరోనా పరీక్షలు నిర్వహించినట్లు భారత వైద్య పరిశోధన మండలి (ఐసీఎంఆర్‌) తెలిపింది.

 

 కర్నూలులో వరుడు దుర్మరణం

Tags:India is recovering …

Leave a Reply

Your email address will not be published. Required fields are marked *