Interesting BAC meeting

 ఆసక్తికరంగా బీఏసీ సమావేశం

Date:30/11/2020

విజయవాడ ముచ్చట్లు

ఏపీ అసెంబ్లీ సమావేశాలు ప్రారంభమయ్యాయి.. తొలి రోజు బీఏసీ సమావేశం నిర్వహించి ఐదు రోజుల పాటూ సమావేశాలు నిర్వహించాలని నిర్ణయించారు. బీఏసీ సమావేశంలో అచ్చెన్నాయుడిపై సీఎం జగన్ సెటైర్లు వేశారు. టీడీపీ కోరినట్లే వ్యవసాయంపై చర్చిద్దామని సీఎం అన్నారు.. టెలిపతి వల్ల టీడీపీ అనుకున్నది ముందే తెలిసిపోయిందన్నారు. ఎస్సీ, ఎస్టీ దాడులపై చర్చించాలని అచ్చెన్న ప్రస్తావించగా.. తమ ఎంపీ సురేష్‌పై టీడీపీ దాడి చేసింది దానికోసమేనా.. దళిత మహిళపై మీరు దాడి చేసింది మర్చిపోయారా అంటూ సీఎం వ్యాఖ్యానించారు.అలాగే బీఏసీలో అచ్చెన్నాయుడు, మంత్రుల వాగ్వాదం జరిగింది. అసెంబ్లీ 10 రోజులు జరపాలనిఅచ్చెన్నాయుడు కోరగా.. కరోనా పెరుగుతోంది, సభలో 60 ఏళ్లు పైబడిన వాళ్లు ఉన్నారని.. అందుకే సమావేశాన్ని ఐదు రోజులకు కుదించామని మంత్రులు అన్నారు. వైఎస్సార్‌సీపీ ర్యాలీలు చేసినప్పుడు కరోనా గుర్తురాలేదా అంటూ అచ్చెన్నాయుడు ప్రశ్నించారు. కరోనా కారణంగా అధికారులు భయపడుతున్నారని సీఎం అన్నారు. అరగంట ఆలస్యంగా సభ ప్రారంభించడమేంటన్న అచ్చెన్నాయుడు ప్రస్తావించగా.. మీరు ధర్నాలు, ప్రదర్శనలు చేస్తున్నారని లేటవుతుందని ఆలస్యంగా ప్రారంభించామని సీఎం జగన్, మంత్రులు అన్నారు.. తర్వాత అచ్చెన్నాయుడిని చూసి ద గ్రేట్ అచ్చెన్నాయుడు అంటూ సెటైర్లు పేల్చారు. తమను టీవీల్లో చూయించడం లేదని అచ్చెన్న వ్యాఖ్యానించగా.. ఆరడుగుల ఆజానుబాహులు కనిపించకపోవడం ఏంటని సీఎం జగన్ వ్యంగ్యాస్త్రాలు సంధించారు.

 

మొదటి రోజు టీడీపీ సభ్యుల సస్పెన్షన్

Tags:Interesting BAC meeting

Leave a Reply

Your email address will not be published. Required fields are marked *