Natyam ad

కుప్పానికి జూనియర్ ఎన్టీఆర్…?

తిరుపతి ముచ్చట్లు:


టీడీపీ జాతీయ ప్రధాన కార్యదర్శి నారా లోకేశ్.. యువగళం పేరిట చేపట్టనున్న పాదయాత్ర కుప్పం నుంచి శుక్రవారం (జనవరి 27) ప్రారంభం కానుంది. ఈ ప్రారంభ కార్యక్రమంలో అటు నారా ఫ్యామిలీ, ఇటు నందమూరి ఫ్యామిలీలు హాజరవుతున్నాయని తెలుస్తోంది.  మరోవైపు టీడీపీ శ్రేణులు సైతం భారీగా ఈ కార్యక్రమంలో పాల్గొనేందుకు కుప్పం తరలిరానున్నాయి.  అయితే ఈ పాదయాత్ర ప్రారంభంలో యంగ్ టైగర్ జూనియర్ ఎన్టీఆర్‌తోపాటు ఆయన ఫ్యామిలీ సైతం హాజరు కానుందని  తెలుగుదేశం శ్రేణులుఅంటున్నాయి.  అలాగే నందమూరి ఫ్యామిలీ నుంచి  హీరోలు నందమూరి కల్యాణ్ రామ్, తారకరత్న,  అలాగే చంద్రబాబు సోదరుడి కుమారుడు నారా రోహిత్‌  ఈ పాదయాత్ర ప్రారంభ కార్యక్రమానికి హాజరుకానున్నారని సమాచారం.  ఇక జూనియర్ ఎన్టీఆర్.. సినిమాల్లో నటిస్తూ.. బీజి బీజిగా ఉన్నా  వైపు టీడీపీ వ్యవస్థాపక అధ్యక్షుడు ఎన్టీఆర్ విషయంలోనే కాదు.. టీడీపీపై జగన్ అండ్ కో వ్యవహారిస్తున్న తీరుపై తనదైన శైలిలో ఎప్పటికప్పుడు స్పందిస్తూనే ఉన్నారు.

 

 

ఎన్టీఆర్ విశ్వవిద్యాలయం పేరును జగన్ ప్రభుత్వం మారిస్తే.. ట్విట్టర్ వేదికగా జూనియర్ ఎన్టీఆర్ స్పందించారు.  అలాగే ట్రిపుల్ ఆర్ చిత్రంలోని నాటు నాటు పాటకు.. గోల్డెన్ గ్లోబల్ పురస్కారం దక్కించుకున్న సందర్భంలో ఆ చిత్ర దర్శకుడు ఎస్ ఎస్ రాజమౌళి, సంగీత దర్శకుడు ఎం.ఎం కీరవాణిలతో పాటు చిత్ర యూనిట్‌కు టీడీపీ అధినేత చంద్రబాబు ట్విట్టర్ వేదికగా శుభాకాంక్షలు తెలిపారు. ఆ శుభాకాంక్షల సందేశంలో చంద్రబాబు జూనియర్ ఎన్టీఆర్ పేరు ప్రస్తావించకున్నా  జూనియర్ ఎన్టీఆర్…   థ్యాంక్స్ మామయ్య అంటూ రీట్విట్ట్ చేశారు.  గత కొంత కాలంగా జూనియర్ ఎన్టీఆర్ తెలుగుదేశం పార్టీతో, చంద్రబాబు ఫ్యామిలీలో ఒకింత దూరం పాటిస్తున్నారన్న ప్రచారం ఉంది. ఎన్టీఆర్ ధ్యాంక్యూ మావయ్యా అన్న స్పందన ఆ ప్రచారానికి దాదాపు ఫుల్ స్టాప్ పడినట్లైంది.అలాగే పార్టీలో  1995 ఆగస్టు సంక్షోభం విషయంలో ఇప్పటి వరకూ ఉన్న అపోహలను, అనుమానాలను ఇటీవల బాలకృష్ణ అన్ స్టాపబుల్  షో నివృత్తి చేసేసింది. నాడు మొత్తం తెలుగుదేశం పార్టీ, ఎన్టీఆర్ కుటుంబం కలిసి తీసుకున్న నిర్ణయమని ఎన్టీఆర్ తనయుడు బాలకృష్ణ విస్పష్టంగా ప్రకటించి అన్నిఅనుమానాలకూ తెరదించేశారు. దీంతో  మరోవైపు.. నందమూరి, నారా కుటుంబాలు మొత్తం కలిసి ఉన్నాయని ..

 

 

 

Post Midle

వీరి మధ్య ఎలాంటి ఆపోహాలు, అగాధాలు లేవని బాలయ్య ఫుల్ క్లారిటీ ఇచ్చేశారు. ఈ నేపథ్యంలోనే జూనియర్ ఎన్టీఆర్   చంద్రబాబు అభినందనలకు ధ్యాంక్యూ మావయ్యా అంటూ వరుస పెట్టి మరీ సంభోదిస్తూ రిప్లై ఇచ్చారని అంటున్నారు. అలాగే అదే నాటునాటుపాట ఆస్కార్ కు నామినేషన్ లభించిన సందర్భాన్ని పురస్కరించుకుని మళ్లీ చంద్రబాబు చిత్ర యూనిట్ కు అభినందనలు తెలుపుతూ ట్వీట్ చేశారుజూనియర్ ఎన్టీఆర్ పేరును ట్వీట్ చేయడమే కాకుండా ఆయనకు ట్యాగ్ కూడా చేశారు. ఈ పరిణామాలతో  జూనియర్ ఎన్టీఆర్ తో దూరం అన్న ప్రచారానికి ఫుల్ స్టాప్ పడినట్లేనని పరిశీలకులు అంటున్నారు. అదే సమయంలో  మరోవైపు నారా లోకేశ్ చేపట్టనున్న పాదయాత్రను తెలుగుదేశం పార్టీ అత్యంత ప్రతిష్టాత్మకంగా తీసుకొంది. ఆ క్రమంలో ఈ పాదయాత్రను సూపర్ సక్సెస్ చేసే విధంగా పావులు కదుపుతోంది. ఇంకోవైపు ఈ పాదయాత్రకు కండిషన్లుతో కూడిన అనుమతి ఇస్తున్నట్లు చిత్తూరు జిల్లా ఎస్పీ ఇప్పటికే ప్రకటించారు.అయితే నారా లోకేశ్ పాదయాత్రకు కండిషన్‌తో కూడిన అనుమతులపై టీడీపీ శ్రేణులే కాదు.. పసుపు పార్టీ అభిమానులు సైతం తీవ్ర ఆగ్రహం వ్యక్తం చేస్తున్నారు. ఈ నేపథ్యంలో యాత్ర ప్రారంభ కార్యక్రమానికి జూనియర్ హాజరు కానున్నారన్న వార్త తెలుగుదేశం శ్రేణుల్లో ఆనందోత్సాహాలను నింపుతోంది.

 

Tags; Junior NTR for the pile…?

Post Midle