పుంగనూరు లో కుమారై పై కన్నతండ్రి లైంగిక దాడి
పుంగనూరు ముచ్చట్లు:
సభ్యసమాజం తలదించుకునేలా కన్నకూతురుపైనే తండ్రి రెండుసార్లు లైంగికదాడికి పాల్పడిన హేయమైన సంఘటన శనివారం రాత్రి పుంగనూరులో చోటు చేసుకుంది. వివరాలిలా ఉన్నాయి. పట్టణంలోని అంగడివీధిలో నివాసం ఉన్న కిషోర్‌ ఆటో నడుపుతూ జీవిస్తున్నాడు. తల్లి టైలర్‌గా పని చేస్తోంది. వీరి కుమారై స్థానిక హైస్కూల్‌లో పదోతరగతి చదువుతోంది. ఇలా ఉండగా ఆబాలిక స్కూల్‌ ముగించుకుని ఇంటికి వెళ్లడంతో ఇంట్లోనే ఉన్న తండ్రి కిషోర్‌ ఆపాపపై లైంగిక దాడికి పాల్పడ్డాడు. బాలిక కేకలు వేయడంతో ఇరుగుపొరుగువారు వచ్చి బాలికను కాపాడి , తల్లికి సమాచారం అందించారు. తల్లి వెంటనే ఇంటికి చేరుకుని కుమారైను తీసుకుని పోలీస్‌స్టేషన్‌కు వచ్చి ఫిర్యాదు చేసింది. కాగా గతంలో కూడ కిషోర్‌ లైంగికదాడికి పాల్పడినట్లు బాధితురాలు పేర్కొంది. కాగా గత కొంతకాలంగా భార్య, భర్తల మధ్య మనస్పర్థలు ఉన్నట్లు తెలిసింది. బాధితురాలి ఫిర్యాదు మేరకు సీఐ రాఘవరెడ్డి కేసు నమోదు చేసి, బాలికను వైద్య పరీక్షల నిమిత్తం ఆసుపత్రికి తరలించారు. నిందితుడు పరారీలో ఉన్నాడు. నిందితుడిని పట్టుకునేందుకు పోలీసు బృందాలను ఏర్పాటు చేసినట్లు సీఐ రాఘవరెడ్డి తెలిపారు.
Tags: Kumarai sexually assaulted by father-in-law in Punganur
