మంత్రి కొడుక్కి వార్నింగ్ తో సెలబ్రెటీగా మారిన లేడీ కానిస్టుబుల్

Date:15/07/2020

గాంధీనగర్ ముచ్చట్లు:

మంత్రికే ఝలక్ ఇచ్చి ఓ మహిళా కానిస్టేబుల్ వార్తల్లో ప్రముఖంగా నిలిచారు. సోషల్ మీడియాలో రాత్రికి రాత్రే సెలబ్రిటీగా మారిపోయారు. లాక్‌డౌన్ నిబంధనలు ఉల్లంఘించి అనుచితంగా ప్రవర్తించిన మంత్రి కొడుక్కి ఆమె గట్టి వార్నింగ్ ఇచ్చారు. ‘మీకు బానిసను కాను.. మంత్రికి సర్వెంట్‌ను అంతకన్నా కాను’ అంటూ మంత్రి కుమారుడిని ఆమె హెచ్చరిస్తున్న దృశ్యాలకు సంబంధించిన వీడియో క్లిప్పింగ్ సోషల్ మీడియాలో చక్కర్లు కొడుతోంది. నెటిజన్లు ఆమెపై ప్రశంసలు కురిపిస్తున్నారు. అయితే.. పోలీస్ ఉన్నతాధికారులు మాత్రం ఆమెను ట్రాన్స్‌ఫర్ చేస్తూ ఆర్డర్ ఇవ్వడం దురదృష్టకరం. గుజరాత్‌లోని సూరత్ పట్టణంలో ఈ ఘటన చోటు చేసుకుంది.సునీతా యాదవ్.. గుజరాత్ పోలీస్ శాఖలో కానిస్టేబుల్‌గా విధులు నిర్వహిస్తున్నారు. జులై 8 రాత్రి ఆమె సూరత్‌లో విధుల్లో ఉండగా.. ఇద్దరు వ్యక్తులు అర్ధరాత్రి వేళ అవసరం లేకున్నా బైక్‌పై ప్రయాణిస్తూ ఆమెకు చిక్కారు. వారికి మాస్కులు కూడా లేవు.

 

వారిని అడ్డుకొని రోడ్డుపై నిల్చోబెట్టి కానిస్టేబుల్ సునీతా యాదవ్ క్లాస్ పీకారు.అయితే.. ఆ వ్యక్తులిద్దరూ గుజరాత్ ఆరోగ్య శాఖ మంత్రి కుమార్ కనానీ కుమారుడు ప్రకాశ్ కనానీ స్నేహితులు. పోలీసులు ప్రశ్నిస్తుండగానే వారిలో ఒకరు ప్రకాశ్ కనానీకి ఫోన్ చేసి సమాచారం ఇచ్చారు. దీంతో ఆయన తన కారులో వచ్చి వారిద్దరినీ తన వెంట తీసుకెళ్లిపోయారు. ఇది సునీతా యాదవ్‌కు ఆగ్రహం తెప్పించింది. వెంటనే ప్రకాశ్ కనానీకి ఫోన్ చేసి నిలదీశారు.లాక్‌డౌన్ నిబంధనలు ఉల్లంఘించిన వారిని ఎలా సమర్థిస్తారని, తన విధులను ఎలా అడ్డుకుంటారని ప్రకాశ్ కనానీని సునీతా యాదవ్ ప్రశ్నించారు. నేనెవరో తెలుసా? తెలిసే మాట్లాడుతున్నావా? అంటూ అవతలి నుంచి బెదిరింపు వచ్చింది. ‘మాకు పవర్ ఉంది. నేను తలుచుకుంటే నా మిత్రులను నువ్వు ఎక్కడ నిలబెట్టావో అక్కడే 365 రోజులూ నిలబెట్టగలను’ అని వార్నింగ్ ఇచ్చారు.ఆ వార్నింగ్‌కు కానిస్టేబుల్ సునీతా యాదవ్ ఏమాత్రం బెదరకపోగా దీటుగా సమాధానం ఇచ్చారు.

 

నువ్వు నిలబెడితే నిల్చోడానికి నేను నీకు బానిసను కాదు.. నీ తండ్రికి సర్వెంట్‌ను కాదు’ అని గట్టిగా బదులిచ్చారు. ఈ ఆడియో క్లిప్ సోషల్ మీడియాలో వైరల్ అవ్వడంతో సునీతా యాదవ్ ధైర్యానికి పలువురు ప్రశంసలు కురిపిస్తున్నారు. ఆమెను ‘లేడీ సింగం’గా అభివర్ణిస్తున్నారు.కర్ఫ్యూ నిబంధనలను ఉల్లంఘించిన ఆ ఇద్దరి వ్యక్తులపై కేసు నమోదు చేసినట్లు సూరత్ కమిషనర్ బ్రహ్మభట్ తెలిపారు. ప్రస్తుతం వారిని బెయిల్‌పై విడుదల చేసినట్లు వెల్లడించారు. తనను కొంత మంది బెదిరించారని కానిస్టేబుల్ సునీత ఫిర్యాదు చేశారని ఆయన చెప్పారు. ప్రస్తుతం ఆమెను సెలవులపై పంపించినట్లు తెలిపారు.మంత్రి కుమారుడిని నిలదీసిన గంటల వ్యవధిలోనే కానిస్టేబుల్ సునీతా యాదవ్‌ను ట్రాన్స్‌ఫర్ చేస్తూ ఆర్డర్ ఇవ్వడం గమనార్హం. తప్పు చేయడమే కాకుండా.. ఆమెను బెదిరింపులకు గురిచేసిన నిందితులను అరెస్టు చేసినట్లు చెబుతున్నా.. అదేమీ జరగలేదని, అధికారం చేతిలో పెట్టుకొని డ్రామాకు తెర తీశారని కొంత మంది విమర్శిస్తున్నారు. బీజేపీ ప్రభుత్వంపై ప్రతిపక్షాలు మండిపడుతున్నాయి. ఆమె ధైర్యవంతురాలైన అధికారి అని, ట్రాన్స్‌ఫర్ చేయొద్దని.. అవార్డు ఇవ్వాలని నెటిజన్లు డిమాండ్ చేస్తున్నారు.డేరింగ్ కానిస్టేబుల్ సునితా యాదవ్‌తో బీజేపీ కార్యకర్తలుగా భావిస్తున్న కొంత మంది అనుచితంగా ప్రవర్తించారు. ఈ ఘటన అనంతరం ఆమె ‘నిజాన్ని హింసించగలరేమో గానీ.. ఓడించలేరు’ అని ట్వీట్ చేశారు.

 

కరోనా కేటుగాళ్లు 

Tags:Lady Constable who became a celebrity with a warning to the minister’s son

Leave a Reply

Your email address will not be published. Required fields are marked *