Lid of gold boutiques ..?

బంగారం షాపుల మూత..?

Date:27/12/2019

ముంబై ముచ్చట్లు:

బంగారం గురించి ప్రత్యేకంగా చెప్పాల్సిన అవసరం లేదు. పసిడిపై భారతీయులకు మక్కువ ఎక్కువ. పెళ్లిళ్లు, పండుగలు వస్తే చాలు కస్టమర్లతో బంగారం షాపులు కిటకిటలాడుతూ కనిపిస్తాయి. అయితే ఇప్పుడు ట్రెండ్ రివర్స్ అయ్యింది. బంగారం షాపులు మూత పడుతున్నాయి.దేశంలో గత 2-3 ఏళ్లలో జువెలరీ షాపుల సంఖ్య తగ్గుతూ వస్తోంది. కోల్‌కతాకు చెందిన పల్లబ్ భూమిక్ అనే వ్యక్తి వందేళ్ల నుంచి వంశపారంపర్యంగా వస్తున్న గోల్డ్ బిజినెస్ నుంచి తప్పుకున్నారు. కొత్తగా ఫిష్ బిజినెస్‌లోకి అడుగు పెట్టారు. అలాగే చెన్నైలోని భైరి బాలాజీ అనే మరో వ్యక్తి కూడా 125 ఏళ్ల నుంచి వస్తున్న వంశపారంపర్యంగా వస్తున్న జువెలరీ తయారీ వ్యాపారం నుంచి వైదొలిగారు.భూమిక్, బాలాజీ మాదిరిగానే గత 2-3 ఏళ్లలో దేశంలో చాలా మంది గోల్డ్ బిజినెస్‌ నుంచి తప్పుకున్నారు. దీనికి చాలా కారణాలు ఉన్నాయి. అసంఘటిత రంగానికి చెందిన ఈ వ్యాపారులు ఎన్నో ఏళ్లు గోల్డ్ బిజినెస్‌ను ఏలారు. అయితే ఇప్పుడు పరిస్థితులు మారాయి.‘ప్రజల అభిరుచులు మారాయి. కొత్తదనం కోరుకుంటారు. ప్రత్యేకమైన డిజైన్లు ఆశిస్తున్నారు. వారి డిమాండ్‌ను నేరవేర్చడం కష్టతరమౌతోంది. గోల్డ్ వ్యాపారంలో కొనసాగడం సులువు కాదని తెలిసొచ్చింది. అందుకే వైదొలిగాను’ అని భూమిక్ తెలిపారు.అలాగే కేంద్ర ప్రభుత్వం కూడా అసంఘటిత రంగంగా ఉన్న జువెలరీ పరిశ్రమను వ్యవస్థీకృత రంగంగా మార్చాలని నిర్ణయించుకుంది. అందుకే పలు సంస్థాగత మార్పులకు శ్రీకారం చుట్టింది. అందుకే హాల్‌మార్కింగ్ తప్పనిసరి చేసింది.

 

 

 

 

2005లో జువెలరీ పరిశ్రమలో వ్యవస్థీకృత లేదా బ్రాండెడ్ సంస్థల వాటా కేవలం 5 శాతంగానే ఉంది. 2019 నాటికి ఇది 32 శాతానికి చేరింది. రానున్న రోజుల్లో ఈ వాటా మరింత పెరిగే ఛాన్స్ ఉంది. దీంతో అసంఘటిత వ్యాపారులపై మరింత ప్రభావం పడబోతోంది.జీఎస్‌టీ అమలు, ఎన్‌బీఎఫ్‌సీ రుణ మంజూరుకు కఠిన నిబంధనలు వంటి పలు అంశాలు కూడా అసంఘటిత జువెలరీ వ్యాపారులపై ప్రభావం చూపాయి. అలాగే ప్రస్తుతం జనాలు కొత్త డిజైన్లు, క్వాలిటీ, బైబ్యాక్, ఎక్స్చేంజ్ పాలసీ వంటి వివిధ ప్రయోజనాల నేపథ్యంలో బ్రాండెడ్ జువెలరీ షాపులకు వెళ్లిపోతున్నారు.అంతేకాకుండా చిన్న వ్యాపారుల వద్ద డిజిటల్ పేమెంట్ ఆప్షన్‌ ఉండకపోవచ్చు. అలాగే కొందరు వ్యాపారులు కొనుగోలు దారుకుల బంగారం కొంటే రశీదు ఇవ్వకపోవడం, తక్కువ నాణ్యత ఉన్న బంగారం విక్రయించడం వంటివి చేస్తూ ఉండొచ్చు.

 

 

 

 

ప్రజలు ఈ అంశాలపై కూడా ఇటీవల కాలంలో అవగాహన పెరిగింది.మరోవైపు మోదీ ప్రభుత్వం బంగారం దిగుమతులపై దిగుమతి సుంకాన్ని 4 శాతం నుంచి 10 శాతానికి ఇప్పుడు 12.5 శాతానికి పెంచింది. దీంతో అసంఘటిత జువెలరీ వ్యాపారులకు వ్యాపార నిర్వహణ కష్టంగా మారింది. చేతిలో డబ్బులు తక్కువయ్యాయి. రూ.2 లక్షలకుపైన బంగారం కొనుగోలుకు పాన్ కార్డు, నోట్ల రద్దు వంటి నిర్ణయాలు కూడా వీటిపై బంగారు షాపులపై ప్రభావం చూపింది.

బ్లాక్ షర్టులో రకుల్..

Tags: Lid of gold boutiques ..?

Leave a Reply

Your email address will not be published. Required fields are marked *