Liquor stores in Telangana ..

తెలంగాణలో మద్యం దుకాణాలు..

Date:05/05/2020

హైద్రాబాద్ ముచ్చట్లు:

తెలంగాణలో లాక్‌ డౌన్ కొనసాగింపు, సడలింపుల అంశంపై ఓ స్పష్టత వచ్చే అవకాశం ఉంది. దీనికి సంబంధించి ఇప్పటికే ముఖ్యమంత్రి కేసీఆర్ అధ్యక్షతన రాష్ట్ర మంత్రివర్గం సమావేశం . జోన్ల వారీగా ఇచ్చే సడలింపులు, ఇతర అంశాలపై ఈ కేబినెట్ భేటీలో చర్చించారు. కేంద్రం ఇప్పటికే మే 17 వరకు లాక్ డౌన్ పొడిగించింది. ఈ నేపథ్యంలో తెలంగాణ ప్రభుత్వం ఎప్పటి వరకూ లాక్ డౌన్ పొడిగిస్తుందనే అంశంపై ఆసక్తి నెలకొంది. గతంలో కేంద్రం లాక్ డౌన్ పొడిగించిన సందర్భా్ల్లోనూ రాష్ట్ర ప్రభుత్వం దానికన్నా కొన్ని రోజులు ఎక్కువగానే లాక్ డౌన్‌ అమలులో ఉండాలని నిర్ణయించింది.ఈ క్రమంలో ఈ నెల 28 వరకు తెలంగాణలో లాక్‌ డౌన్ పొడిగించాలని రాష్ట్ర ప్రభుత్వం భావిస్తున్నట్లుగా సమాచారం అందుతోంది.

 

 

 

మరోవైపు, తెలంగాణలో మద్యం షాపులను తెరిచే అంశంపై అధిష్ఠానం తీవ్ర తర్జనభర్జనలు పడుతున్నట్లుగా తెలుస్తోంది. ఆదాయం కోసం అనేక రాష్ట్రాలు మద్యం అమ్మకాలను తిరిగి ప్రారంభించడంతో తెలంగాణలోనూ ప్రభుత్వం కూడా మద్యం అమ్మకాలకు పచ్చ జెండా ఊపే అవకాశమే దాదాపు ఖాయంగా కనిపిస్తోంది.అయితే, లిక్కర్ ధరల పెంపు అంశం కూడా కేబినెట్‌ భేటీలో చర్చకు రానున్నట్లుగా తెలుస్తోంది.

 

 

 

ఇప్పటికే మద్యం విక్రయాలు తిరిగి ప్రారంభమైన అనేక రాష్ట్రాల్లో లిక్కర్ ధరలను ప్రభుత్వాలు పెంచాయి. ఢిల్లీ, ఆంధ్రప్రదేశ్ వంటి రాష్ట్రాలు 70 శాతానికిపైగా మద్యం ధరలు పెంచగా, బెంగాల్, రాజస్థాన్ వంటి రాష్ట్రాలు 30 శాతం ధరలు ఎక్కువ చేశాయి. ఇదే మార్గాన్ని తెలంగాణ కూడా అనుసరించే అవకాశం ఉన్నట్లుగా తెలుస్తోంది. అయితే మరి లిక్కర్ ధరలను ఏ మేర పెంచుతారనే అంశం కూడా ఆసక్తికరంగా మారింది.

 జూలై 8న ఇళ్ల స్థలాల పంపిణీ

Tags: Liquor stores in Telangana ..

Leave a Reply

Your email address will not be published. Required fields are marked *