Lockdown down to 28 ..?

28 వరకు లాక్ డౌన్..?

Date:05/05/2020

హైద్రాబాద్ ముచ్చట్లు:

తెలంగాణలో మే 28 వరకు లాక్‌డౌన్ అమలయ్యే అవకాశాలు కనిపిస్తున్నాయి. వైద్య శాఖ అధికారులు తెలంగాణ సర్కారుకు సమర్పించిన నివేదికలో ఇదే అంశాన్ని ప్రస్తావించినట్లు సమాచారం.తెలంగాణలో మే 28 వరకు లాక్‌డౌన్‌ను పొడిగించే అవకాశం ఉందని సమాచారం. మంగళవారం జరగనున్న కేబినెట్ భేటీలో ఈ విషయమై నిర్ణయం తీసుకునే అవకాశం ఉంది. రాష్ట్రంలో కోవిడ్ కేసుల సంఖ్య తగ్గుతున్నప్పటికీ.. మే నెలాఖరు వరకు లాక్‌డౌన్ పొడిగిస్తేనే ఫలితం ఉంటుందని ఆరోగ్య శాఖ అభిప్రాయపడుతున్నట్లు సమాచారం. కరోనాను కట్టడి చేయడం కోసం 70 రోజుల లాక్‌డౌన్ అవసరమని నిపుణులు సూచిస్తున్నారు. మే 28వ తేదీతో రాష్ట్రంలో 70 రోజుల సైకిల్ పూర్తవుతుందని..

 

 

 

అందుకే ఈ నెలాఖరు వరకు లాక్‌డౌన్‌ను పొడిగించొచ్చనే భావన వ్యక్తం అవుతోంది.రెడ్ జోన్‌ పరిధిలో ఉన్న హైదరాబాద్, రంగారెడ్డి, సూర్యాపేట, వికారాబాద్, మేడ్చల్ జిల్లాల్లో లాక్‌డౌన్‌ను కట్టుదిట్టంగా అమలు చేయాలని, ఎట్టి పరిస్థితుల్లోనూ ఈ జిల్లాల్లో సడలింపులు ఇవ్వొద్దని ఆరోగ్య శాఖ అధికారులు సీఎంకు సిఫారసు చేశారని తెలుస్తోంది. గ్రీన్, ఆరెంజ్ జోన్ల పరిధిలో ఉన్న ఆంక్షలను సడలించే అవకాశం ఉంది.రాష్ట్రంలోని మొత్తం కోవిడ్ కేసుల్లో 66.08 శాతం హైదరాబాద్‌, రంగారెడ్డి, మేడ్చల్‌, వికారాబాద్‌ జిల్లాల్లోనే నమోదయ్యాయి.

 

 

 

 

మరణాలు కూడా ఈ నాలుగు జిల్లాల్లోనే ఎక్కువ నమోదయ్యాయి. గత 10 రోజులుగా నమోదైన కేసులు కూడా ఈ జిల్లాల్లోనే ఎక్కువగా నమోదయ్యాయి. ఈ జిల్లాల్లో జనసాంద్రత ఎక్కువ కావడంతో.. లాక్‌డౌన్‌ను కఠినంగా అమలు చేసే అవకాశం ఉంది. ఆరోగ్య శాఖ అధికారులు ఇచ్చిన నివేదికపై మంగళవారం రాష్ట్ర మంత్రివర్గ సమావేశంలో చర్చించి ఆంక్షలు కొనసాగించాలా? సడలించాలా? అనే విషయమై ఓ నిర్ణయం తీసుకోనున్నారు.

తెలంగాణలో మద్యం దుకాణాలు..

Tags: 28 వరకు లాక్ డౌన్..?

Leave a Reply

Your email address will not be published. Required fields are marked *