కమలం గూటికి ఈటల

న్యూఢిల్లీ ముచ్చట్లు:

 

మాజీ మంత్రిఈటల రాజేందర్ కాషాయం కండువా కప్పుకున్నారు. కేంద్ర పెట్రోలియం శాఖ మంత్రి ధర్మేంద్ర ప్రధాన్ ఈటల రాజేందర్ కు పుష్పగుచ్చం అందచేసి పార్టీలోకి ఆహ్వానించారు. . ఇటీవల టీఆర్‌ఎస్‌కి గుడ్‌ బై చెప్పిన ఈటలకు కేంద్ర మంత్రి ధర్మేంద్ర ప్రధాన్, పార్టీ రాష్ట్ర వ్యవహారాల ఇన్చార్జి తరుణ్ చుగ్ బీజేపీ సభ్యత్వం ఇచ్చారు. బిజెపి జాతీయ కార్యాలయంలో జరిగిన ఈ కార్యక్రమంలో బిజెపి తెలంగాణ వ్యవహారాల్ ఇన్ ఛార్జీ తరుణ్ చుగ్, బిజెపి రాష్ట్ర అధ్యక్షుడు బండి సంజయ్, బిజెపి జాతీయ మహిళా ఉపాధ్యక్షురాలు డికె.అరుణ, కేంద్ర మంత్రి జి.కిషన్ రెడ్డి పాల్గొన్నారు.ఈటలతో పాటు మాజీ ఎమ్మెల్యే ఏనుగు రవీందర్‌రెడ్డి, కరీంనగర్‌ జడ్పీ మాజీ చైర్‌పర్సన్‌ తుల ఉమ, గండ్ర నళిని, ఆర్టీసీ కార్మిక సంఘం నేత అశ్వత్థామరెడ్డి, మాజీ ఎంపీ రమేశ్‌ రాథోడ్‌, అందె బాబయ్య తదితరులు బీజేపీలో చేరారు. ఈ సందర్భంగా ఈటల రాజేందర్ మాట్లాడుతూ, భవిష్యత్తులో అన్ని జిల్లాల నుంచి చేరికలు ఉంటాయని అన్నారు. తెలంగాణల పార్టీ పురోభివృద్ధికి తనవంతుగా పాటుపడతానని అన్నారు. విశ్వాసాన్ని వమ్ము చేయకుండా తెలంగాణ ప్రజల కోసం పని చేస్తానన్నారు. తెలంగాణలో బీజేపీని అన్ని గ్రామాలకు తీసుకొని వెళ్ళడానికి శ్రమిస్తానన్నారు.తెలంగాణ ప్రభుత్వంలో ఈటల కీలక పాత్ర పోషించారని కేంద్ర మంత్రి ధర్మేంద్ర ప్రధాన్‌ చెప్పారు. రాష్ట్ర ఆర్థిక, వైద్యఆరోగ్యశాఖ మంత్రిగా ఆయన సేవలందించారన్నారు. దక్షిణాదిలో కర్ణాటక తర్వాత తాము సత్తా చాటబోతున్న రాష్ట్రం తెలంగాణ అని చెప్పారు. ఈటల వంటి నేతల చేరికతో బీజేపీ మరింత బలపడుతోందన్నారు.

పుంగనూరు పోలీసులను ఆశ్రయించిన సాఫ్ట్ వేర్ ఇంజినీరింగ్ తల్లిదండ్రులు

Tags: Lotus for Gooty Gooty

Leave a Reply

Your email address will not be published. Required fields are marked *