వివాహిత అనుమానస్పద మృతి

Date:26/09/2020

హైద్రాబాద్ ముచ్చట్లు:

వివాహిత అనుమానాస్పద స్థితిలో మృతి చెందిన ఘటన మల్కాజ్‌గిరిలో చోటుచేసుకుంది. భర్త వేధింపులు భరించలేక యువతి ఆత్మహత్య చేసుకున్నట్లు తెలుస్తోంది. అయితే ఆమె గొంతుపై గోరు గాట్లు కనిపించడంతో కుటుంబ సభ్యులు, బంధువులు అనుమానాలు వ్యక్తం చేస్తున్నారు. మల్కాజ్‌గిరికి చెందిన ప్రత్యూష(20)‌కి రెండేళ్ల కిందట రమేష్‌తో వివాహమైంది. కొద్దికాలం సాఫీగానే సాగిన కాపురంలో కలహాలు రేగాయి.అదనపు కట్నం కోసం భర్త వేధింపులు మొదలైనట్లు ఆమె కుటుంబ సభ్యులు ఆరోపిస్తున్నారు. భర్త వేధింపులు భరించలేకపోయిన ప్రత్యూష ఉరి బిగించుకుని ఆత్మహత్య చేసుకున్నట్లుగా భావిస్తున్నారు. ప్రత్యూష ఉరేసుకుని చనిపోయిందంటూ ఆమె కుటుంబ సభ్యులకు సమాచారమిచ్చారు. అయితే ఆమె గొంతుపై గోరుగాట్లు ఉండడంతో ఆమె మృతిపై అనుమానాలు వ్యక్తమవుతున్నాయి. భర్తే హత్య చేసి ఆత్మహత్యగా చిత్రీకరిస్తున్నాడంటూ ఆమె కుటుంబ సభ్యులు ఆరోపిస్తున్నారు.సమాచారం అందుకున్న పోలీసులు సంఘటన స్థలానికి చేరుకుని పరిస్థితిని సమీక్షించారు. మృతదేహాన్ని పోస్టుమార్టం నిమిత్తం ఆస్పత్రికి తరలించారు. మల్కాజ్‌గిరి పోలీసులు కేసు నమోదు చేసి దర్యాప్తు చేస్తున్నారు. అనుమానాస్పద మరణంగా కేసు నమోదు చేసినట్లు తెలుస్తోంది.

 

 కర్నూలులో వాలంటరీ వెకిలి చేష్టలు

Tags:Married suspicious death

Leave a Reply

Your email address will not be published. Required fields are marked *