Mask in longer villages ... must

ఇక గ్రామాల్లో మాస్క్…మస్ట్

Date|:6/08/2020

విజయవాడ ముచ్చట్లు:

 

ఏపీలో కరోనా పంజా విసురుతూనే ఉంది. పాజిటివ్ కేసులు భయపెడుతూనే ఉన్నాయి.. రోజుకు 8వేలకు పైగా కేసులు నమోదవుతూనే ఉన్నాయి. కొన్ని ప్రాంతాల్లో పరిస్థితి మరీ దారుణంగా ఉండటంతో లాక్‌డౌన్ ఆంక్షలు విధించాల్సిన పరిస్థితులు ఏర్పడ్డాయి. ఇప్పటికే చాలా పట్టణాలు, నగరాల్లో నిబంధనలు అమలు చేస్తున్నారు. అలాగే భౌతిక దూరం, మాస్క్ తప్పనిసరి చేశారు. ఆదివారం రోజు కర్ఫ్యూ విధిస్తున్నారు. ఇటు ప్రభుత్వం కూడా కరోనా కట్టడి కోసం చర్యలు తీసుకుంటూనే ఉంది. తాజాగా మరో కీలక నిర్ణయం తీసుకుంది.గ్రామీణ ప్రాంతాల్లో కరోనా వ్యాప్తిని నివారించేందుకు చర్యలు మొదలుపెట్టింది. మాస్క్‌లు ధరించనివారి జరిమానా విధించాలని మంత్రి పెద్దిరెడ్డి రామచంద్రారెడ్డి ఆదేశించారు. పంచాయతీరాజ్‌, గ్రామీణాభివృద్ధికి సంబంధించి అధికారులతో ఆయన బుధవారం టెలీ కాన్ఫరెన్స్‌ నిర్వహించారు. గ్రామీణ ప్రాంతాల్లోనూ మాస్క్‌ ధరించడం తప్పనిసరిగా ఉండాలని.. ఉపాధి సిబ్బంది, గ్రామపంచాయతీ/ సచివాలయ సిబ్బంది తగిన చర్యలు తీసుకోవాలన్నారు. ప్రతి ఒక్కరు మాస్క్‌ ధరిస్తున్నారో లేదో వలంటీర్లు, మేట్లు గమనించాలని, ధరించని వారినుంచి.. రూ.10- 50వరకు ఆయా గ్రామస్థాయిని బట్టి జరిమానా వసూలు చేయాలన్నారు.

 

 

 రామలింగారెడ్డి కన్నుమూత

Tags:Mask in longer villages … must

Leave a Reply

Your email address will not be published. Required fields are marked *