Mayank Maya with Double Century

డబుల్ సెంచరీతో మయాంక్ మాయ

Date:15/11/2019

ఇండోర్ ముచ్చట్లు:

బంగ్లాదేశ్‌తో ఇండోర్ వేదికగా జరుగుతున్న తొలి టెస్టు మ్యాచ్‌లో భారత ఓపెనర్ మయాంక్ అగర్వాల్ డబుల్ సెంచరీతో చెలరేగాడు. 304 బంతుల్లో 25 ఫోర్లు, 5 సిక్సర్లు బాదిన మయాంక్ అగర్వాల్.. టెస్టు కెరీర్‌లో రెండో ద్విశతకాన్ని నమోదు చేశాడు. వ్యక్తిగత స్కోరు 196 వద్ద బంగ్లాదేశ్ స్పిన్నర్ మెహదీ హసన్ బౌలింగ్‌లో క్రీజు వెలుపలికి వచ్చి మరీ మయాంక్ అగర్వాల్ భారీ సిక్స్‌తో డబుల్ సెంచరీని పూర్తి చేసుకోవడం విశేషం. గతంలో డాషింగ్ ఓపెనర్ వీరేంద్ర సెహ్వాగ్ మాత్రమే ఈ తరహాలో సెంచరీ, డబుల్ సెంచరీ మార్క్‌లను సిక్స్‌తో అందుకునేవాడు.ఆటలో రెండో రోజైన శుక్రవారం ఓవర్‌నైట్ వ్యక్తిగత స్కోరు 37 వద్ద  బ్యాటింగ్‌ని కొనసాగించిన మయాంక్ అగర్వాల్.. 183 బంతుల్లోనే సెంచరీని పూర్తి చేసుకున్నాడు. సీనియర్లు రోహిత్ శర్మ (6), విరాట్ కోహ్లీ (0) విఫలమైనా.. చతేశ్వర్ పుజారా (54), అజింక్య రహానె (86)తో కలిసి బాధ్యతాయుత ఇన్నింగ్స్ ఆడిన మయాంక్ అగర్వాల్ టీమిండియాని తిరుగులేని స్థితిలో నిలిపాడు. ప్రస్తుతం మయాంక్‌తో పాటు క్రీజులో రవీంద్ర జడేజా (13 బ్యాటింగ్) ఉండగా.. భారత్ జట్టు 101.1 ఓవర్లు ముగిసే సమయానికి 374/4తో కొనసాగుతోంది. బంగ్లాదేశ్ తొలి ఇన్నింగ్స్‌లో 150 పరుగులకే ఆలౌటైన నేపథ్యంలో.. ప్రస్తుతం భారత్ తొలి ఇన్నింగ్స్ ఆధిక్యం 224 పరుగులు.భారత్ తరఫున అత్యధిక డబుల్ సెంచరీలు బాదిన ఓపెనర్ల జాబితాని పరిశీలిస్తే..? వీరేంద్ర సెహ్వాగ్ ఆరు డబుల్ సెంచరీలతో అగ్రస్థానంలో ఉండగా.. సునీల్ గవాస్కర్ మూడు ద్విశతకాలతో రెండో స్థానంలో ఉన్నాడు. ఇక మూడో స్థానంలో మాన్కండ్, వసీమ్ జాఫర్, మయాంక్ అగర్వాల్ సంయుక్తంగా రెండు డబుల్ సెంచరీలు ఉన్నారు.

 

జనసేన డొక్క సీతమ్మ ఆహార శిబిరాలు

 

Tags:Mayank Maya with Double Century

Leave a Reply

Your email address will not be published. Required fields are marked *