Category: జాతీయo- అంతర్జాతీయo

కంటికి రెప్పలా చూసుకోవలసిన తల్లే కూతురు పాలిట మృత్యుపాశమైంది. ఆమె తన ప్రియుడితో ఆమెను రేప్ చేయించడమే కాకుండా.. ముక్కలుగా నరికించింది. ఈ దారుణం పెన్సిల్వేనియాలో చోటుచేసుకుంది. వివరాల్లోకి వెళ్తే.. నిందితురాలు సారా ప్యాకర్‌ (41) పిల్లలను దత్తత ఇచ్చే అధికారిణిగా పనిచేసేది.  సారా, ఆమె భర్త డేవిడ్‌లు అనాథ పిల్లలను దత్తత తీసుకునేవారు. సమాజంలో మంచి మనుషులుగా వ్యవహరించే వీరు.. ఆ పిల్లలపై లైంగిక దాడులకు పాల్పడేవారు. 2007లో దత్తత తీసుకున్న గ్రేస్ (14) అనే చిన్నారితో కూడా డెవిడ్ ఇలాగే ప్రవర్తించాడు. ఈ విషయం పోలీసులకు తెలిసి.. అతన్ని అరెస్టు చేశారు. దీంతో సారా కూడా ఉద్యోగం కోల్పోయింది. అప్పటి నుంచి గ్రేస్ మీద సారా కక్ష పెంచుకుంది.సారాకు 2013లో జాకబ్ అనే వ్యక్తితో పరిచయం ఏర్పడింది. అతడితో సహజీవనం చేయడం ప్రారంభించింది. ఈ సందర్భంగా గ్రేస్‌ను హత్య చేయాలని జాకబ్‌ను కోరింది. 2016లో ఆమెను ఇంట్లోని మూడో అంతస్థు పైకి తీసుకెళ్లారు. అక్కడ జాకబ్.. తల్లి సారా ఎదురుగానే గ్రేస్‌పై అత్యాచారానికి పాల్పడ్డాడు. నొప్పికి అరుస్తుందనే కారణంతో మత్తు మందు ఇచ్చారు. అత్యాచారం సమయంలో గ్రేస్.. తల్లిని ఎంతో బతిమాలుకుందని, ఇందుకు సారా.. ‘నీ జీవితం ఇకపై అంతే’ అని సమాధానం తెలిపిందని.. జాకబ్ పోలీసుల విచారణలో చెప్పాడు. అత్యాచారం తర్వాత ఆమె పూర్తిగా అపస్మారక స్థితిలోకి జారుకుంది. ఆమెకు మెళకువ వచ్చి కేకలు పెట్టకుండా ఆమె నోటిలో బంతిని కుక్కి నోరు కట్టేశారు. ఆ తర్వాత కాళ్లు చేతులు కట్టేశారు. ఎండ తీవ్రతకు ఆమె చనిపోతుందని భావించారు. అయితే, తర్వాత తిరిగి వచ్చేసరికి ఆమె బతికే ఉండగంతో పీక నులిమి చంపేశారు. అనంతరం ఆమె శరీరాన్ని ముక్కలు చేసి.. పిల్లి విసర్జనల మధ్యలో దాచిపెట్టారు. మూడు నెలలు గడిచిన తర్వాత వాటిని నగరం శివారులో పడేశారు. అనంతరం సారా తన కూతురు కనిపించడం లేదని పోలీసులకు ఫిర్యాదు చేసింది. అయితే, పోలీసులకు సారాపై అనుమానం కలిగి తమదైన శైలిలో విచారణ జరిపేసరికి నిజాలు కక్కింది. ఈ ఘటనపై ఇటీవల తీర్పు ఇచ్చిన పెన్సిల్వేనియా కోర్టు.. జాకబ్‌కు మరణ శిక్ష, సారాకు యావజ్జీవ శిక్ష విధించింది.

Tags:Talle’s daughter Polality mortality