మార్చి 30న పాలిసెట్

 Date:18/03/2019
విజయవాడ ముచ్చట్లు:
ఏపీలో పాలిటెక్నిక్ కళాశాలల్లో వివిధ డిప్లొమా కోర్సులో ప్రవేశాలకు మార్చి 3న నోటిఫికేషన్ విడుదల చేసిన సంగతి తెలిసిందే. షెడ్యూలు ప్రకారం మొదట ఏప్రిల్ 12న పాలిటెక్నిక్ ప్రవేశ పరీక్ష  నిర్వహించనున్నట్లు సాంకేతిక విద్యాశాఖ ప్రకటించింది. అయితే సార్వత్రిక ఎన్నికల ప్రకటన రావడం.. ఏప్రిల్ 11న ఏపీలో ఎన్నికలు నిర్వహిస్తుండటంతో పరీక్ష తేదీని ఏప్రిల్ 12 నుంచి ఏప్రిల్ 30కి వాయిదా  వేసింది. దీంతోపాటు దరఖాస్తు గడువును కూడా ఏప్రిల్ 5 నుంచి ఏప్రిల్ 21 వరకు పొడిగిస్తున్నట్లు సాంకేతిక విద్యాశాఖ ఒక ప్రకటనలో తెలిపింది. మారిన షెడ్యూలు ప్రకారం ఏప్రిల్ 30న పాలిసెట్ ప్రవేశ పరీక్ష  నిర్వహించనున్నారు. పరీక్ష కోసం రాష్ట్రవ్యాప్తంగా మొత్తం 389 పరీక్షా కేంద్రాలను ఏర్పాటు చేయనున్నారు. అయితే ఈసారి ప్రవేశపరీక్ష అర్హత మార్కులను 30 నుంచి 25కు తగ్గించారు. పాలిటెక్నిక్ లలో  పాలిసెట్ కోసం ఉచిత శిక్షణా తరగతులను ఏప్రిల్ 1 నుంచి నిర్వహించనున్నారు. శిక్షణ పూర్తయిన విద్యార్థులకు మాక్ మోడల్ టెస్ట్ను నిర్వహించనున్నారు. ఈ పరీక్ష ద్వారా రాష్ట్రవ్యాప్తంగా ఉన్న 293  పాలిటెక్నిక్ కళాశాలల్లోని 72,842 డిప్లొమా సీట్లను భర్తీ చేయనున్నారు. పదోతరగతి పరీక్షలు హాజరవుతున్న విద్యార్థులు, ఉత్తీర్ణులైనవారు దరఖాస్తు చేసుకోవడానికి అర్హులు.
* ఏపీ పాలిసెట్-2019
కోర్సులు..
కోర్సులు విభాగాలు
మూడేళ్ల కోర్సులు సివిల్ ఇంజినీరింగ్, ఆర్కిటెక్చరల్ అసిస్టెంట్షిప్, మెకానికల్, ఆటోమొబైల్, ప్యాకేజింగ్ టెక్నాలజీ, ఎలక్ట్రికల్ అండ్ ఎలక్ట్రానిక్స్, ఎలక్ట్రానిక్స్ అండ్ కమ్యూనికేషన్, అప్త్లెడ్
ఎలక్ట్రానిక్స్ & ఇన్స్ట్రుమెంటేషన్, కంప్యూటర్ ఇంజినీరింగ్, ఐటీ, మైనింగ్ ఇంజినీరింగ్, కెమికల్ ఇంజినీరింగ్ (సుగర్ టెక్నాలజీ), ప్రింటింగ్ టెక్నాలజీ, కంప్యూటర్ అండ్ కమర్షియల్ ప్రాక్టీస్.
మూడున్నరేళ్ల కోర్సులు మెటలర్జికల్, టెక్స్టైల్ టెక్నాలజీ, కెమికల్, కెమికల్(ఆయిల్ టెక్నాలజీ, పెట్రోకెమికల్, ప్లాస్టిక్స్ అండ్ పాలిమర్స్), సిరామిక్, లెదర్ టెక్నాలజీ, లెదర్ గూడ్స్ అండ్ ఫుట్వేర్
టెక్నాలజీ.
స్పెషల్ డిప్లొమా (ఎలక్ట్రానిక్స్) కోర్సులు ఎంబెడెడ్ సిస్టమ్స్, కంప్యూటర్ ఇంజినీరింగ్, కమ్యూనికేషన్ ఇంజినీరింగ్, ఇండస్ట్రియల్ ఎలక్ట్రానిక్స్, ఎలక్ట్రానిక్స్ అండ్ వీడియో ఇంజినీరింగ్, టీవీ అండ్ సౌండ్
ఇంజినీరింగ్, బయోమెడికల్ ఇంజినీరింగ్.
అర్హత: పదోతరగతి ఉత్తీర్ణత. కంపార్టుమెంటల్గా ఉత్తీర్ణులైనవారు, ప్రస్తుతం పదోతరగతి పరీక్షలకు హాజరవుతున్న అభ్యర్థులూ అర్హులే.
దరఖాస్తు విధానం: ఆన్లైన్ ద్వారా.
పరీక్ష విధానం: ప్రవేశ పరీక్షలో మొత్తం 120 ప్రశ్నలు ఉంటాయి. మ్యాథమెటిక్స్-60, ఫిజిక్స్-30, కెమిస్ట్రీ-30 ప్రశ్నలు అడుగుతారు. ఒక్కో ప్రశ్నకు ఒక మార్కు. పరీక్ష సమయం 2 గంటలు. ప్రవేశ పరీక్షలో
ఉత్తీర్ణులైనవారు మూడేళ్లు, మూడున్నరేళ్ల డిప్లొమా కోర్సుల్లో ప్రవేశాలు పొందుతారు.
ముఖ్యమైన తేదీలు..
✦ ఆన్లైన్ దరఖాస్తు ప్రక్రియ ప్రారంభం: 07.03.2019
✦ ఆన్లైన్ దరఖాస్తుకు చివరితేది: 21.04.2019
✦ పాలిసెట్ పరీక్ష తేది: 30.04.2019.
Tags:Policet on March 30

Leave a Reply

Your email address will not be published. Required fields are marked *