మళ్లీ మొదటికొచ్చిన పీఠాధిపత్యం

కడప ముచ్చట్లు:

 

కాలజ్ఞాని పోతులూరి శ్రీవీరబ్రహ్మేంద్రస్వామి పీఠాధిపత్యం వివాదం మళ్లీ మొదటికొచ్చింది. బ్రహ్మంగారి మఠం దివంగత 12వ పీఠాధిపతి రెండో భార్య మారుతి మహాలక్ష్మమ్మ ఆంధ్రప్రదేశ్ హైకోర్టును ఆశ్రయించారు. పీఠాధిపత్యం విషయంతో తనపై ఒత్తిడి తెచ్చి అంగీకరించేలా చేశారంటూ మారుతి మహాలక్ష్మమ్మ తన పిటిషన్లో పేర్కొన్నారు. పెద్దమనుషుల రాజీ చర్చల్లో తనను బలవంతంగా ఒప్పించారని ఆమె ఆరోపిస్తున్నారు.ఇటీవలే రెండు వర్గాలతో చర్చలు జరిపిన ఏపీ ప్రభుత్వ ప్రత్యేక అధికారి చంద్రశేఖర్ ఆజాద్, ఎమ్మెల్యే రఘురామిరెడ్డి…పీఠాధిపతిగా పెద్ద భార్య పెద్ద కుమారుడు వెంకటాద్రి స్వామి, ఉత్తరాధికారిగా రెండో కొడుకు వీరభద్రస్వామిని ఎంపిక చేస్తూ ప్రకటన కూడా విడుదల చేశారు. దీంతో పీఠాధిపతిగా బాధ్యతలు చేపట్టేందుకు వెంకటాద్రి స్వామి ఏర్పాట్లు చేసుకుంటున్న తరుణంలో చిన్న భార్య మహాలక్ష్మి హైకోర్టును ఆశ్రయించడం హాట్‌టాపిక్‌గా మారింది.పీఠాధిపతి నియామకం అనేది వీలునామా ప్రకారమా.?లేదా కుటుంబ సభ్యుల ఒప్పందం ప్రకారమా?అనేది తేల్చాలని హైకోర్టుకు విన్నవించారు. వీలునామా ప్రకారం తన కుమారుడికే పీఠాధిపత్యం దక్కాలని కోరుకుంటున్నట్లు మహాలక్ష్మి పిటిషన్లో పేర్కొన్నారు. ఈ వివాదానికి శాశ్వత పరిష్కారం చూపాలని ఉన్నత న్యాయస్థానాన్ని వేడుకున్నారు. ఈ విషయాన్ని భక్తులు, గ్రామస్థులు అర్థం చేసుకోవాలని ఆమె కోరుతున్నారు.

పుంగనూరులో పనిచేస్తున్న మాదవరాజుకు తహశీల్ధార్‌గా పదోన్నతి

Tags: Presidency first again

Leave a Reply

Your email address will not be published. Required fields are marked *