Natyam ad

ప్రైవేట్ ట్రావెల్స్ దందా

విజయవాడ  ముచ్చట్లు:


ఏపీలో దసరాకు సొంత ఊళ్లకు వెళదామని ప్లాన్ చేసుకున్నవాళ్లకు ప్రైవేట్ ట్రావెల్స్ ట్విస్ట్ ఇచ్చాయి. ఈ ఏడాది కూడా టికెట్ల రేట్లు అమాంతం పెంచేశాయి. టిక్కెట్ల ధరలు భారీగా పెంచేందుకు సిద్ధమయ్యాయి. అక్టోబరు 5న దసరా కావడంతో ప్రయాణికులు సొంత ఊరికి వెళ్లేందుకు ప్లాన్ చేసుకుంటున్నారు. ఇప్పటికే స్కూళ్లు, విద్యా సంస్థలకు సెలవులు ఇవ్వడంతో కొంతమంది ఊళ్లకు వెళ్లిపోయారు. కొంతమంది ఈ నెలాఖరు, వచ్చే నెల ఒకటి, రెండు తేదీల్లో ప్రయాణాలు ప్లాన్ చేసుకుంటున్నారు. ఈ నాలుగైదు రోజులు ఛార్జీలను భారీగా పెంచేశారు.ఏసీ స్లీపర్‌, ఏసీ సీటర్‌, నాన్‌ ఏసీ స్లీపర్‌, నాన్‌ ఏసీ సీటర్‌లో ధరలు పెరిగాయి. రూట్‌ను బట్టి, డిమాండ్ ఉన్న మార్గాల్లో రేట్లు అమాంతం పెంచారు. విజయవాడ-విశాఖ రూట్ గమనిస్తే మామూలుగా ఆర్టీసీ ఏసీ సర్వీసుల్లో రూ.750పైన ఉంది. అమరావతిలో రూ.800, సూపర్ లగర్జరీ రూ.650లు ఛార్జీలు. కొన్ని ప్రైవేటు ట్రావెల్స్‌ మాత్రం ఏసీ టికెట్ ధరను రూ. వెయ్యి నుంచి రూ.1200 వరకు వసూలు చేస్తున్నాయి. అదే స్లీపర్‌ అయితే రూ.1,200-రూ.1,500 వరకు పెంచారు. నాన్‌ ఏసీ స్లీపర్‌ రూ.1,200. కొన్ని ట్రావెల్స్‌ ఏసీ సర్వీసుల్లో టిక్కెట్‌ ధరను ఏకంగా రూ.2,000-2,500 వరకూ వసూలు చేస్తున్నాయనే విమర్శలు ఉన్నాయివిజయవాడకు బెంగళూరు, చెన్నై నుంచి వచ్చే ఏసీ సర్వీసుల్లో టిక్కెట్‌ ధరలను రూ.2వేల వరకు పెంచారు. హైదరాబాద్‌ నుంచి ఏపీకి వచ్చే బస్సుల్లో కూడా ఈ దందా కొనసాగుతోంది. అంతేకాదు ఈ ధరలు ఇంకా భారీగా పెరుగుతాయని చెబుతున్నారు. చివరిలో డిమాండ్‌ను బట్టి వసూలు చేస్తారనే చర్చ జరుగుతోంది. మరోవైపు ఆర్టీసీ ప్రయాణికుల రద్దీని బట్టి స్పెషల్ సర్వీసుల్ని ఏర్పాటు చేసింది.. సాధారణ ఛార్జీలే వసూలు చేస్తోంది. కానీ ప్రైవేట్ ట్రావెల్స్ మాత్రం టికెట్ల ధరలను అమాంతం పెంచారు.

 

Tags: Private Travels Danda

Post Midle
Post Midle