ఢిల్లీలోనూ నిరసనలు

Protests in Delhi too

Protests in Delhi too

Date:30/11/2019

న్యూఢిల్లీ ముచ్చట్లు:

హైదరాబాద్ శివారు శంషాబాద్ సమీపంలో వెటర్నరీ డాక్టర్‌పై అత్యాచారం, హత్య ఘటనపై యావత్ భారతావని భగ్గుమంటోంది. తెలుగు రాష్ట్రాలు మాత్రమే కాదు.. దేశ రాజధాని ఢిల్లీలో కూడా నిరసనలు వ్యక్తమయ్యాయి. ప్రజా, మహిళా, స్వచ్ఛంద సంస్థలు ఆందోళనలు నిర్వహించాయి. నిందితుల్ని కఠినంగా శిక్షించాలని.. వెంటనే ఉరిశిక్ష వేయాలంటూ డిమాండ్‌ చేశారు.ఢిల్లీ పార్లమెంట్‌ స్ట్రీట్‌లో యువత భారీ ఆందోళన చేసింది. అక్కడ రోడ్డుపై బైఠాయించి నిరసన వ్యక్తం చేశారు.. నిందితుల్ని కఠినంగా శిక్షించాలని ప్లకార్డులతో నినాదాలు చేశారు. దేశవ్యాప్తంగా ఇలాంటి ఘటనలు మళ్లీ జరగకుండా చర్యలు తీసుకోవాలని డిమాండ్‌ చేశారు. ఓ యువతి రోడ్డు పక్కన బైఠాయించి ధర్నాకు దిగగా.. ఆమెను పోలీసులు అరెస్ట్ చేశారు. స్టేషన్‌కు తీసుకెళ్లి కొద్దిసేపటి తర్వాత వదిలేశారు.ఇటు జాతీయ మహిళా కమిషన్ సభ్యులు బాధితురాలి ఇంటికి వెళ్లారు. కుటుంబ సభ్యులను పరామర్శించి, హత్యకు సంబంధించిన వివరాలను అడిగి తెలుసుకున్నారు. అనంతరం పోలీసులతో కూడా సమావేశం అయ్యారు. ఈ ఘటనపై మహిళా కమిషన్ సభ్యులు నివేదికను సిద్ధం చేయనున్నారు. ఈ ఘటనపై శుక్రవారమే జాతీయ మహిళా కమిషన్ స్పందించింది.ఇదిలా ఉంటే ఈ కేసులో నిందితులు ఉన్న షాద్‌నగర్ పోలీస్ స్టేషన్ దగ్గర ప్రజా, మహిళా సంఘాలు.. విద్యార్థులు, స్థానికులు భారీగా తరలివచ్చారు. నిందితులకు ఉరిశిక్ష వేయాలంటూ షాద్‌నగర్‌ పోలీస్ స్టేషన్‌ ఎదుట ప్రజా సంఘాలు ఆందోళనకు దిగాయి. ఆ రాక్షసులను మాకు అప్పగించండి అంటూ నిరసనకారులు పోలీస్ స్టేషన్‌‌లోకి దూసుకెళ్లే ప్రయత్నం చేశారు. పోలీసులు వారిని అడ్డుకున్నారు. దీంతో అక్కడ తీవ్ర ఉద్రిక్త పరిస్థితులు నెలకొన్నాయి. నిరసనకారులపై పోలీసులు లాఠీఛార్జ్ చేశారు. పోలీస్ స్టేషన్ గేట్లకు తాళాలు వేశారు.

 

ఉరి తీయాల్సిందే.. సర్వత్రా ఇదే డిమాండ్!

 

Tags:Protests in Delhi too

Leave a Reply

Your email address will not be published. Required fields are marked *