Rakhi protest on capitals

రాజధానులపై రాఖీ ప్రొటెస్ట్

Date:3/08/2020

విజయవాడ ముచ్చట్లు:

ఏపీలో మూడు రాజధానులకు వ్యతిరేకంగా నిరసనలు కొనసాగుతున్నాయి. సోమవారం అమరావతి పరిరక్షణ సమితి మహిళా జేఏసీ ఆధ్వర్యంలో ‘రాఖీ ప్రొటెస్ట్’ నిర్వహించారు. మూడు రాజధానుల నిర్ణయాన్ని వ్యతిరేకిస్తూ మహిళా జేఏసీ వినూత్నంగా నిరసన తెలిపింది. జేఏసీ మహిళా నేతలు ప్రధాని మోదీ, సీఎం వైఎస్ జగన్ ఫొటోలకు రాఖీలు కట్టారు. ఒక అన్నగా, తమ్ముడిగా ఆదుకోవాల్సిన వారే.. మాట తప్పి మహిళలతో కన్నీరు పెట్టించారన్నారు జేఏసీ నేతలు. రాఖీ పండుగ రోజున ‌సోదరీమణుల ఆవేదన అర్ధం‌ చేసుకోవాలన్నారు. అమరావతినే ఏకైక రాజధానిగా కొనసాగించాలని మోదీ, జగన్‌ని కోరారు.రాష్ట్రంలో రాజధాని అంశాన్ని ప్రభుత్వం రాజకీయం కోసం వాడుకుంటుందని జేఏసీ మండపడింది. కేంద్ర, రాష్ట్ర ప్రభుత్వాలు కుట్రలు చేస్తూ ప్రజలను మోసం‌ చేశాయని.. రాష్ట్ర ప్రభుత్వం రాజ్యాంగ విరుద్దంగా తీసుకున్న నిర్ణయాలను కేంద్రం ప్రోత్సహిస్తుందన్నారు. అక్క, చెల్లి అన్న సీఎం జగన్.. ఇప్పుడు వారినే మోసం‌ చేశారని.. తాము సీఎంను కలిసి విజ్ఞప్తి చేసే పరిస్థితి లేదన్నారు. అపాయింట్మెంట్ ఇవ్వరు కాబట్టే.. ఇక్కడ ఇలా రాఖీలు కట్టి మా ఆవేదనను అర్ధం చేసుకోవాలన్నారు.

 

కన్నీరు రాష్ట్రానికి, దేశానికి మంచిది కాదన్నారు.సీఎం జగన్ తన స్వార్ధం కోసమే మూడు రాజధానుల నిర్ణయం తీసుకున్నారని నేతలు మండిపడ్డారు. ప్రాంతాల మధ్య చిచ్చు పెట్టి.. అన్నదమ్ములు కొట్టుకోవాలని చూస్తున్నారన్నారు. ఒక్క రాజధానికే దిక్కు లేకుంటే‌‌‌ మూడు రాజధానులను ఎలా అభివృద్ధి చేస్తారని ప్రశ్నించారు. ప్రధాని హోదాలో మోడీ వచ్చి శంకుస్థాపన చేసిన అమరావతి ని చంపేయడం న్యాయమ అన్నారు. బీజేపీ కూడా ద్వంద్వ విధానాలు‌ వీడి రైతుల పక్షాన ఉండాలి అన్నారు. రైతులను జగన్ నేరుగా పొడిస్తే.. బిజెపి వెన్నుపోటు పొడుస్తుందన్నారు. పవన్ కళ్యాణ్ రాజధాని రైతులకు అండగా ఉంటామని ప్రకటించడం హర్షణీయమని.. ఆయన కూడా తమతో కలిసి ప్రత్యక్ష ఉద్యమం లో పాల్గొనాలని కోరుతున్నాము అన్నారు.

 

 ఫూట్ పాట్ వ్యాపారస్థులకు చేయూత

 

Tags:Rakhi protest on capitals

Leave a Reply

Your email address will not be published. Required fields are marked *