Ramulamma to Kamalam Gooty

కమలం గూటికి రాములమ్మ

Date:23/11/2020

హైద్రాబాద్ ముచ్చట్లు:

గ్రేటర్ మున్సిపల్ ఎన్నికల వేళ తెలంగాణ రాజకీయాలు రసవత్తరంగా మారుతున్నాయి. ప్రతిపక్ష , అధికార పార్టీల్లోకి జోరుగా వలసలు సాగుతున్నాయి. ఇప్పటికీ అధికార పార్టీ, ఇతర పార్టీల నుంచి బీజేపీలోకి జోరుగా వలసలు జరుగుతున్నాయి. తాజాగా కాంగ్రెస్ నేత విజయశాంతి బీజేపీలోకి వెళ్తున్నారని విశ్వసనీయ వర్గాల సమాచారం. గతకొంత కాలంగా పార్టీకి దూరంగా ఉంటున్న సీనియర్‌ నేత, మాజీ ఎంపీ విజయశాంతి బీజేపీలో చేరనున్నారు. కాంగ్రెస్‌ పార్టీకి రాజీనామా చేసిన రాములమ్మ మంగళవారం కాషాయ తీర్థం పుచ్చుకోనున్నారు.ఢిల్లీలోని బీజేపీ కేంద్ర కార్యాలయంలో ఆ పార్టీ జాతీయ అధ్యక్షుడు జేడీ నడ్డా సమక్షంలో బీజేపీలో చేరనున్నారు. ఢిల్లీలో పలువురు పార్టీ, కేంద్ర పెద్దలతో భేటీ కానున్నారు. ఈ మేరకు బీజేపీ వర్గాల ద్వారా సోమవారం సమచారం అందింది. అంతేకాకుండా జీహెచ్‌ఎంసీ ఎన్నికల్లో బీజేపీ అభ్యర్థుల తరుఫున విజయశాంతి ప్రచారం చేయనున్నారు. దీంతో జీహెచ్‌ఎంసీ ఎన్నికల వేళ కాంగ్రెస్‌ పార్టీకి ఎదురుదెబ్బ తగిలినట్లైంది. గతకొంత కాలంగా పార్టీకి దూరంగా ఉంటున్న సీనియర్‌ నేత, మాజీ ఎంపీ అయిన విజయశాంతి బీజేపీలో చేరనున్నారు.ఇప్పటికే దుబ్బాక ఎన్నికల వేళ కేంద్ర సహాయ మంత్రి కిషన్ రెడ్డి విజయశాంతిని కలిసి చర్చలు జరిపారు. అటు తెలంగాణ బీజేపీ అధ్యక్షుడు బండి సంజయ్ కూడా విజయశాంతిపై ప్రశంసలు కురిపించారు. 2014లో మెదక్‌ ఎంపీగా పోటీచేసి ఓటమి చవిచూశారు. ఆ ఎన్నికల్లో కాంగ్రెస్-టీడీపీ పొత్తును విజయశాంతి తీవ్రంగా వ్యతిరేకించారు. ఆ ఎన్నికల్లో పార్టీ పరాజయంతో ఆమె పూర్తిగా పార్టీకి, ప్రచారాలకు, మీటింగులకు దూరంగానే ఉంటున్నారు. తాజాగా దుబ్బాక, జీహెచ్ఎంసీ ఎన్నికలతో మరోసారి విజయశాంతి తెరపైకి వచ్చారు. కేసీఆర్ ప్రభుత్వంపై ఎప్పటికప్పుడు విమర్శలు గుప్పిస్తూనే ఉన్నారు.కమలం గూటికి రాములమ్మ

గ్రేటర్ కు గులాబీ వరాల హామీలు

Tags:Ramulamma to Kamalam Gooty

Leave a Reply

Your email address will not be published. Required fields are marked *