Raphael in a few more hours

 మరి కొన్నిగంటల్లో రాఫెల్

Date:28/07/2020

న్యూఢిల్లీ ముచ్చట్లు

భారత సైన్యానికి సరికొత్త అస్త్రంగా భావిస్తున్న రాఫెల్ యుద్ధ విమానాలు ఫ్రాన్స్ నుంచి మరికొన్ని గంటల్లో భారత్ కు రానున్నాయి. సోమవారం 5 రాఫెల్ యుద్ధ విమానాలు టేకాఫ్ తీసుకున్నాయి. ఫ్రాన్స్‌లోని ఇస్‌ట్రెస్ ఎయిర్‌బేస్ నుంచి ఆ విమానాలు టేకాఫ్ తీసుకున్నాయి. అంత‌కుముందు ఆ విమానాశ్రయంలో భార‌త పైల‌ట్లకు.. రాఫెల్ విమానాల‌ను అప్పగించే కార్యక్రమం జ‌రిగింది. ఫ్రాన్స్ నుంచి ఈ యుద్ధ విమానాలు నేరుగా భారత్‌కు వస్తున్నాయి. భార‌తీయ వాయుసేన‌కు చెందిన పైల‌ట్లు ఆ యుద్ధ విమానాల‌ను న‌డుపుతున్నారు. అయితే.. విమానం లోపల కాక్‌పీట్ పరిమాణం చిన్నదిగా ఉండటంతో 10 గంటల పాటు అందులో కూర్చోవడం పైలట్‌కు ఇబ్బందికరం. అందువల్ల సోమవారం ఉదయం ఫ్రాన్స్‌లో బ‌య‌లుదేరిన ఈ యుద్ధ విమానాలు.. సాయంత్రానికి యూఏఈలోని అల్ ద‌ఫ్రా ఎయిర్‌బేస్‌లో బ్రేక్ కోసం ఆగాయి. అక్కడ నుంచి తిరిగి టేకాఫ్ తీసుకొని బుధ‌వారం అంబాలా ఎయిర్‌ఫోర్స్ బేస్‌కు చేరుకుంటాయి.ఫ్రాన్స్ నుంచి అంబాలాకు సుమారు 7364 కిలోమీట‌ర్లు ఈ యుద్ధ విమానాలు ప్రయాణిస్తాయి. రాఫెల్ యుద్ధ విమానాలను నడిపే పైలట్లకు ఫ్రాన్స్‌లోనే శిక్షణ ఇస్తున్నారు.

 

తొలి బ్యాచ్‌లో ఏడుగురు పైలట్లు శిక్షణ పూర్తి చేసుకోగా.. రెండో బ్యాచ్ లాక్‌డౌన్ తర్వాత అక్కడికి వెళ్లింది.సుదూర ప్రాంతాల నుంచి క్షిపణులను, శత్రు విమానాలను నాశనం చేసే సామర్థ్యం వీటి సొంతం. సామర్థ్యం విషయంలో పాక్, చైనా రెండింటిపై భారత్‌ పైచేయి సాధించనుంది. మరోవైపు.. ఎస్‌-400 గగనతల రక్షణ వ్యవస్థను కూడా వీలైనంత తొందరగా భారత్‌కు రప్పించేందుకు ప్రభుత్వం రష్యాపై ఒత్తిడి తీసుకొస్తోంది.ఫ్రాన్స్‌తో మొత్తం 36 యుద్ధ విమానాల‌కు ఒప్పందం కుదిరింది. చైనాతో ఘర్షణల నేపథ్యంలో భారత కోరిక మేరకు తొలుత నిర్ణయించిన తేదీ కంటే ముందుగానే రాఫెల్ యుద్ధ విమానాలను ఫ్రాన్స్ పంపిస్తోంది.రాఫెల్ యుద్ధ విమానాలను నడిపేందుకు ఇండియన్ ఎయిర్‌ ఫోర్స్‌కు చెందిన మొత్తం 12 మంది పైల‌ట్లు ఫ్రాన్స్‌లోనే శిక్షణ తీసుకున్నారు.

 

 సింధూజ..విషాదాంతం

Tags:Raphael in a few more hours

Leave a Reply

Your email address will not be published. Required fields are marked *