బెంగాల్ లో రిక్రూట్ మెంట్ స్కామ్

కోల్ కత్తా ముచ్చట్లు:

పశ్చిమ బెంగాల్ స్కూల్ సర్వీస్ కమిషన్ , ప్రైమరీ ఎడ్యుకేషన్ బోర్డ్‌లో జరిగిన రిక్రూట్‌మెంట్ స్కామ్‌కు  సంబంధించిన కేసులో భాగంగా ఎన్‌ఫోర్స్‌‌మెంట్ డైరక్టరేట్ వివిధ అధికారులు, రాజకీయ ప్రతినిధుల ఇళ్లలో తనిఖీలు నిర్వహిస్తోంది. సిట్టింగ్ మంత్రి పార్థ ఛటర్జీ నివాసంలో కూడా సోదాలు జరుగుతున్నాయి. అలాగే విద్యాశాఖ మంత్రి పరేష్ సి అధికారి, TMC ఎమ్మెల్యే మాణిక్ భట్టాచార్య, పార్థ ఛటర్జీ సన్నిహితురాలు అర్పితా ముఖర్జీ, ఇంకా మాజీ మంత్రులు, విధ్యాశాఖకు చెందిన ఇతర అధికారుల ఇళ్లలో కూడా సోదాలు సాగుతున్నాయి.ఈ సెర్చింగ్‌లో పార్థ ఛటర్జీకి అత్యంత సన్నిహితురాలైన అర్పితా ముఖర్జీ ఇంట్లో సుమారు రూ.20 కోట్ల రూపాయలను ఈడీ స్వాధీనం చేసుకుంది. ఈ నగదును బ్యాంకు అధికారుల సాయంతో సెర్చ్ టీమ్ సభ్యులు యంత్రాల సాయంతో లెక్కింపును చేపడుతున్నారు. అలాగే అర్పితా ముఖర్జీ నివాసంలో మొత్తం 20కి పైగా మొబైల్ ఫోన్‌లు కూడా స్వాధీనం చేసుకున్నాయని,

 

 

వాటి ప్రయోజనం, ఉపయోగం గురించి నిర్ధారణ జరుగుతోందని ఏజెన్సీ తెలిపింది. ఎస్‌ఎస్‌సీ స్కామ్‌లో పొందిన అక్రమ సంపాదనగా అనుమానిస్తున్నట్టు ప్రకటనలో వెల్లడించింది.అలాగే ఈ కుంభకోణంతో సంబంధం ఉన్న వ్యక్తులు, అధికారులు, రాజకీయ ప్రముఖులకు చెందిన వివిధ ప్రాంగణాల్లో కొన్ని కీలకమైన డాక్యుమెంట్లను, రికార్డులు, అనుమానంగా ఉన్న కంపెనీల వివరాలను, ఎలక్ట్రానిక్ పరికరాలు, విదేశీ కరెన్సీని, బంగారాన్ని కూడా ఈడీ అధికారులు స్వాధీనం చేసుకున్నారు. కొన్ని నెలల క్రితం గ్రూప్ సీ, డీ సిబ్బంది, తొమ్మిది, పన్నెండు తరగతుల అసిస్టెంట్ టీచర్లు, ప్రైమరీ టీచర్ల రిక్రూట్‌మెంట్ స్కామ్‌పై విచారణ జరపాలని కలకత్తా హైకోర్టు సీబీఐని ఆదేశించింది. అలాగే ప్రాథమిక పాఠశాలలో బోధనేతర సిబ్బంది, ఉపాధ్యాయ సిబ్బంది, ఉపాధ్యాయుల అక్రమ నియామకానికి సంబంధించిన కేసులో, ED మనీలాండరింగ్ నిరోధక చట్టం, 2002 కింద కేసులను దర్యాప్తు చేస్తోంది.

 

Tags: Recruitment scam in Bengal

Leave A Reply

Your email address will not be published.