Natyam ad

కొండెక్కిన బంగారం ధరలు

ముంబై  ముచ్చట్లు:


బంగారం, వెండి ధరలు పెరుగుతూనే ఉన్నాయి. అంతర్జాతీయంగా తీవ్ర అనిశ్చిత పరిస్థితుల నేపథ్యంలో అక్కడ గోల్డ్ రికార్డు స్థాయిలో ట్రేడవుతోంది. కొద్దిరోజుల కిందట పండగ సీజన్‌లో బంగారం, వెండి ధరలు భారీగా తగ్గి ఆకర్షణీయంగా మారిన విషయం తెలిసిందే. కానీ ఆ తర్వాత నుంచి మొదలైంది ర్యాలీ. పెరుగుకుంటూ పెరుగుకుంటూ రికార్డు స్థాయికి చేరాయి. అందనంత ఎత్తులో కొండెక్కి కూర్చున్నాయి. అమెరికాలో పరిస్థితులు ప్రధానంగా బంగారం, వెండి ధరలపై ప్రభావం చూపుతున్నాయి. ప్రస్తుతం అంతర్జాతీయంగా చూస్తే స్పాట్ గోల్డ్ ధర ఔన్సుకు 1772 డాలర్ల వద్ద కొనసాగుతోంది. ఇక స్పాట్ సిల్వర్ రేటు ఔన్సుకు 21.43 డాలర్ల వద్ద కొనసాగుతోంది. ఇవి 2-3 రోజుల కిందట వరుసగా 1800, 22 డాలర్లకు చేరువలో ట్రేడవడం గమనార్హం. ఇప్పుడే మళ్లీ కాస్త వెనక్కి మళ్లుతున్నాయి. ఇక రూపాయి మారకం గురించి చెప్పాల్సి వస్తే అవే ఒడుదొడుకులు కొనసాగుతున్నాయి. ప్రస్తుతం డాలర్‌తో పోలిస్తే రూపాయి మారకం విలువ రూ.81.52 వద్ద ఉంది. అంతకుముందు రూపాయి రూ.83 లెవెల్స్ పైన ట్రేడయి.. మళ్లీ రూ.80 దిగువకు కూడా చేరింది. ఇక రూపాయి పతనం ఆగిందనుకుంటున్న తరుణంలో మెల్లమెల్లగా పడిపోతూనే ఉంది.దీంతో అంతర్జాతీయంగా బంగారం, వెండి రేట్లు పెరుగుతుంటే..

 

 

 

దేశీయంగానూ అదే ప్రభావం కనిపిస్తుంది. కాస్త హెచ్చుతగ్గులు కనిపిస్తున్నాయి. వారం రోజుల్లో గోల్డ్ రేటు ఏకంగా రూ.2000 మేర పెరగడం గమనార్హం. ప్రస్తుతం 22 క్యారెట్లకు చెందిన తులం బంగారం ధర హైదరాబాద్‌ మార్కెట్లో రూ.200 పెరిగింది. దీంతో రూ.47 వేల 800 నుంచి ధర రూ.48 వేలకు చేరింది. ఇక అదే 24 క్యారెట్లకు చెందిన స్వచ్ఛమైన తులం గోల్డ్ రేటు రూ. 210 పెరిగి.. రూ.52 వేల 360కి చేరింది.వెండి విషయానికి వస్తే భారీగా పెరుగుతోంది. వారం -10 రోజుల నుంచి పెరుగుతూనే ఉన్నాయి. ఏకంగా ఈ సమయంలో రూ.2600కుపైనే పెరిగింది. నవంబర్ 7న కిలో వెండి రేటు రూ.66 వేల 300 వద్ద ఉండగా. ఇప్పుడది రూ.68 వేల 500కు చేరింది. హైదరాబాద్‌లో కిలో వెండి ధర స్థిరంగా కొనసాగుతోంది. ప్రస్తుతం రేటు ఇక్కడ రూ.68 వేల 500 వద్ద ఉంది. అయితే బంగారం, వెండి ధరలు ఆయా ప్రాంతాల పరిస్థితులను బట్టి, స్థానిక పన్ను రేట్లను బట్టి మారుతుంటాయి. ప్రస్తుతం పెళ్లిళ్ల సీజన్ నడుస్తున్న నేపథ్యంలో గోల్డ్, సిల్వర్ వంటి ఆభరణాలకు మరింత డిమాండ్ ఉంటుంది. దీంతో రేట్లు మరింత పెరిగే అవకాశాలు పుష్కలంగా ఉన్నాయి. కాబట్టి అందుబాటు, సరసమైన ధరల్లో లభించినప్పుడు కొనుగోలు చేయడం మంచిది.

 

Post Midle

Tags: Rising gold prices

Post Midle

Leave A Reply

Your email address will not be published.