గాంధీలో రోబో సేవలు

Date:15/07/2020

హైద్రాబాద్ ముచ్చట్లు:

రోనా బాధితులకు సేవలందిస్తున్న గాంధీ హాస్పిటల్‌లో పరిశుభ్రత కోసం ఓ ఆధునిక పరికరం వచ్చి చేరింది. మొబైల్‌ ర్యాపిడ్‌ వైరస్‌ డిస్‌ఇన్‌ఫెక్షన్‌ రోబోను వితరణగా ఓ సంస్థ అందించింది. దీని విలువ సుమారు రూ.12లక్షలు కావడం విశేషం. హైదరాబాద్‌కు చెందిన రీవాక్స్ ఫార్మా సంస్థ దీన్ని విరాళంగా అందించింది. ఈ పరికరం పేరు యూవీరోవా బీఆర్‌. ఈ రోబోను తెలంగాణ మంత్రి కేటీఆర్‌కు రీవాక్స్ ఫార్మా సంస్థ ప్రతినిధులు అందించారు. ఈ సందర్భంగా రీవాక్స్‌ ఫార్మా కంపెనీ ప్రతినిధులను మంత్రి కేటీఆర్‌ అభినందించారు.యూవీరోనా బీఆర్‌ రోబో ఎలాంటి రసాయనాలు వాడకుండానే క్రిములను నాశనం చేస్తుంది. దీన్ని ఐసీయూ పడకలు ఉన్న ప్రాంతంలో ఉంచుతారు. ఒక కరోనా పేషంట్ డిశ్చార్జి అయి వెళ్లిపోగానే ఆ బెడ్ సహా చుట్టుపక్కల ప్రాంతాన్ని కేవలం ఐదు నిమిషాల్లోనే రోబో డిస్‌ఇన్‌ఫెక్షన్‌ చేస్తుంది. మళ్లీ కొత్త పేషంట్ వచ్చే ముందు కూడా ఆ బెడ్‌ను శుభ్రం చేస్తుంది. కేవలం ఒక బటన్ నొక్కడం ద్వారా రోబో తన పనిని ప్రారంభిస్తుంది.నేల, టేబుళ్లు, చికిత్స చేసే ప్రదేశాలు, ఐసీయూ గదులు, పడకలు, వైద్యులు వేసుకొనే దుస్తులు, పీపీఈ కిట్లు, మాస్కులు, వేచి ఉండే ప్రాంతాలను ఈ రోబో నిమిషాల్లో డిసిన్‌ఫెక్ట్ చేయగలదని సంస్థ ప్రతినిధులు వెల్లడించారు.‘‘ఈ రోబో విద్యుత్‌ ఆధారంగా స్వయంచొదకంగా పని చేస్తుంది. బయటి నుంచి ఎలాంటి ద్రవాలు కానీ, రసాయనాలు అవసరం లేదు. ఇది శుభ్రం చేసేటప్పుడు వాసనలు, శబ్దాలు, యంత్రం నుంచి వచ్చే వ్యర్థాలు వంటివేమీ ఉండవు. ఇది పూర్తిగా సేఫ్.’’ అని ఈ సందర్భంగా సంస్థ ప్రతినిధులు వెల్లడించారు.

 

హెచ్‌ఎండిఏ లే ఔట్ల అనుమతుల్లో కొత్త మార్గదర్శకాలు

Tags:Robot services in Gandhi

Leave a Reply

Your email address will not be published. Required fields are marked *