Natyam ad

రామ్ లేనిదే భీమ్ లేడు: ఎన్టీఆర్

ఆంజనేయులు న్యూస్: రామ్ చరణ్  లేనిదే ‘ఆర్ఆర్ఆర్ సినిమా లేదని, అల్లూరి సీతారామరాజు పాత్రకు సంపూర్ణ న్యాయం చేశారని ఎన్టీఆర్ అన్నారు. ఈ ఇద్దరు కలిసిన నటించిన పాన్ ఇండియా చిత్రం ‘రౌద్రం రణం రుధిరం’ (RRR). ఇటీవల విడుదలైన ఈ చిత్రానికి విశేష ప్రేక్షకాదరణ లభిస్తోంది. చరణ్ నటించిన అల్లూరి సీతారామరాజు, ఎన్టీఆర్ పోషించిన కొమురం భీమ్ పాత్రలపై ప్రశంసల వర్షం కురుస్తోంది. అన్ని కేంద్రాల్లోనూ విజయకేతనం ఎగరేసిన ఈ చిత్రం సరికొత్త రికార్డులు సృష్టిస్తోంది. ఈ నేపథ్యంలో చిత్ర బందానికి, సినిమాను ఆదరించిన వారందరికీ ఓ లేఖ ద్వారా ఎన్టీఆర్ కృతజ్ఞతలు తెలిపారు. “ఆర్ఆర్ఆర్పై మీరు చూపిస్తోన్న ప్రేమకు ధన్యవాదాలు. ఈ చిత్రం నా కెరీర్ లాండ్మార్క్ గా నిలిచింది. పాత్రలో ఒదిగిపోయేలా స్ఫూర్తినిచ్చిన జక్కన్నకు (దర్శకుడు రాజమౌళి) థ్యాంక్స్. జక్కన్నా.. నాలోని నటుడిని బయటకు తీసుకొచ్చి, పాత్రకు తగ్గట్టు నన్ను నీరులా మార్చావు. చరణ్.. నువ్వులేనిదే ‘ఆర్ఆర్ఆర్’ను ఊహించుకోలేను. నువ్వులేనిదే ఈ సినిమానే లేదు.. నా పాత్ర కొమురం భీమ్ కూడా అంత అద్భుతంగా వచ్చేది కాదేమో! అల్లూరి సీతారామరాజు పాత్రకు నవ్వు తప్ప ఇంకెవ్వరూ న్యాయం చేయలేరు” అని ఎన్టీఆర్ అన్నారు..

Leave A Reply

Your email address will not be published.