Sega protests against Assad

 అసద్ కు నిరసన సెగ

Date:23/11/2020

హైదరాబాద్ ముచ్చట్లు:

ఎంఐఎం చీఫ్, హైదరాబాద్‌ ఎంపీ అసదుద్దీన్ ఒవైసీకి సైతం గ్రేటర్‌లో నిరసన సెగ తాకింది. జీహెచ్ఎంసీ ఎన్నికల వేళ పర్యటిస్తున్న ఆయనకు రాష్ట్ర ప్రభుత్వం ప్రకటించిన వరద సహాయం తమకు అందలేదని ఒవైసీని మహిళలు నిలదీశారు. గ్రేటర్ హైదరాబాద్‌ మున్సిపల్ కార్పొరేషన్‌ (జీహెచ్‌ఎంసీ) ఎన్నికల్లో ఎంఐఎం అభ్యర్థుల తరపున విస్తృతంగా ప్రచారం చేస్తున్నారు ఒవైసీ. ఈ సందర్భంగా జాంబాగ్ డివిజన్‌లో ఎంఐఎం అభ్యర్థి రవీందర్‌కు మద్దతుగా ప్రచారం నిర్వహించారు.అయితే, తాము కష్టకాలంలో ఉన్నప్పుడు పట్టించుకోకుండా.. ఎన్నికల సమయంలో ఎలా ఓట్లు అడుగుతారని ఓవైసీని స్థానిక మహిళలు నిలదీశారు. దీంతో.. వారికి సమాధానం ఇవ్వకుండానే వెనుదిరిగి వెళ్లిపోయారు ఎంఐఎం చీఫ్. కాగా, హైదరాబాద్‌ను భారీ వర్షాలు, వరదలు అతలాకుతలం చేశాయి. ముఖ్యంగా పాతబస్తీలో అనేక కాలనీల ప్రజలు నానా ఇబ్బందులు పడ్డారు. ప్రకృతి విలయంతో అనేకమంది నిరాశ్రయులయ్యారు. ప్రభుత్వం ప్రకటించిన రూ.10 వేలు కూడా అందరికీ అందకపోవడంతో తీవ్ర ఆగ్రహం వ్యక్తం చేస్తున్నారు. ఇప్పటికే అనేకమంది నాయకుల్ని వరదసాయంపై ప్రజలు నిలదీసిన సంగతి తెలిసిందే.

కమలం గూటికి రాములమ్మ

 

Tags:Sega protests against Assad

Leave a Reply

Your email address will not be published. Required fields are marked *