ఏడు రోజులు కాదు 765 రోజులు

విజయవాడ ముచ్చట్లు:

 

వైసీపీ ఎంపీ రఘురామకృష్ణరాజు జగన్ సర్కారుపై లేఖాస్త్రాలు సంధిస్తున్నారు. ఏపీలో సీపీఎస్‌ విధానం రద్దు చేస్తామంటూ ఎన్నికల్లో ఇచ్చిన హామీని వెంటనే నిలబెట్టుకోవాలంటూ సీఎం జగన్‌ను కోరారు. ఎన్నికల ముందు ఇచ్చిన హామీ మేరకు వృద్ధాప్య పింఛన్‌ను రూ.2,750కు పెంచాలని గురువారమే ముఖ్యమంత్రి వైఎస్ జగన్‌కు ఎంపీ రఘురామ రాసిన సంగతి తెలిసిందే. తాజాగా సీపీఎస్‌ హామీని నిలబెట్టుకోవాలంటూ మరో లేఖ రాయడం రాష్ట్ర రాజకీయాల్లో హాట్‌టాపిక్‌గా మారింది.ఎన్నికల ముందు మీరు చేసిన పాదయాత్రలో సీపీఎస్‌ విధానం రద్దుచేస్తామని హామీ ఇచ్చారు. అధికారంలోకి వచ్చిన ఏడు రోజుల్లోనే హామీని నిలబెట్టుకుంటానని చెప్పారు. అయితే మీరు అధికారంలోకి వచ్చి 765 రోజులు దాటినా హామీ నెరవేర్చలేదు’ అని రఘురామ తన లేఖలో ప్రస్తావించారు. సీపీఎస్‌ విధానం రద్దు హామీతోనే ఎన్నికల సమయంలో వైసీసీకి ఉద్యోగుల నుంచి మద్దతు లభించిందన్నారు. సీఎం జగన్‌ సీపీఎస్‌ విధానం రద్దు హామీని వెంటనే నిలబెట్టుకోవాలని ఎంపీ రఘురామ తన లేఖలో కోరారు.

పుంగనూరులో కరోనా రోగులకు సేవలు అందించాలి-ఎంపి రెడ్డెప్ప

Tags: Seven days not 765 days

Leave a Reply

Your email address will not be published. Required fields are marked *