Natyam ad

సూర్యాపేట కాలేజీ ఘటనలో ఆరుగురిపై వేటు

నల్గొండ ముచ్చట్లు:
 
సూర్యాపేట ప్రభుత్వ మెడికల్ కాలేజీ హాస్టల్‌లో జరిగిన ర్యాగింగ్ ఘటనపై రాష్ట్ర ప్రభుత్వం తీవ్ర ఆగ్రహం వ్యక్తం చేసింది. జూనియర్ విద్యార్థిని వేధింపులకు గురిచేసిన ఆరుగురు సీనియర్ విద్యార్థులను డీఎంఈ రమేశ్‌రెడ్డి సస్పెండ్ చేస్తూ ఆదేశాలు జారీచేశారు. హైదరాబాద్‌లోని మైలార్‌దేవులపల్లికి చెందిన సాయికుమార్ సూర్యాపేట మెడికల్ కాలేజ్‌లో చదువుతూ కళాశాలకు చెందిన హాస్టల్‌లో ఉంటున్నాడు. ఈ క్రమంలో ఈనెల 1న 2019-20 బ్యాచ్‌కు చెందిన ఆరుగురు విద్యార్థులు జె.మహేందర్, జి.శశాంక్, పి.శ్రవణ్, ఏ.రంజిత్ సాయి, కె.హరీష్, బి.సుజిత్‌ నూతన సంవత్సర వేడుకలు జరుపుకుంటూ మద్యం సేవించారుఅనంతరం సాయికుమార్‌ను తమ గదికి పిలిచి అసభ్యంగా ప్రవర్తించారు. బయోడేటా చెప్పాలని, దుస్తులు విప్పించి ఇబ్బందులకు గురిచేస్తూ సెల్‌ఫోన్‌లో చిత్రీకరించారు. అనంతరం ట్రిమ్మర్‌తో అతడికి గుండు గీసేందుకు ప్రయత్నించారు. సీనియర్ల నుంచి తప్పించుకున్న సాయికుమార్ తన తండ్రికి ఫోన్ చేసి విషయం తెలియజేశారు. ఆయన వెంటనే డయల్ 100కి ఫోన్ చేయడంతో సూర్యాపేట పోలీసులు హుటాహుటిన హాస్టల్‌కు చేరుకుని విద్యార్థిని రక్షించారు. ఈ ఘటనపై తీవ్రంగా స్పందించిన వైద్య,ఆరోగ్య శాఖ మంత్రి హరీశ్‌రావు విచారణకు ఆదేశించారు.దీనిపై విచారణ చేపట్టిన డీఎంఈ రమేశ్‌ రెడ్డి ర్యాగింగ్ జరిగినట్లు నిర్ధారించారు. దీంతో సీరియస్‌గా తీసుకున్న ప్రభుత్వం ఆరుగురు సీనియర్లను ఏడాదిపాటు సస్పెండ్ చేయడంతో పాటు హాస్టల్‌ నుంచి శాశ్వతంగా పంపించేస్తున్నట్లు ఆదేశాలు జారీచేసింది. ఇప్పటికే పోలీసులు ఆరుగురిపై కేసు నమోదు చేసి దర్యాప్తు చేపట్టారు.
పేదల వర్గాల ఆశజ్యోతి జగన్‌మోహన్‌రెడ్డి -ఎంపిపి భాస్కర్‌రెడ్డి
Tags: Six hunted in Suryapeta College incident

Leave A Reply

Your email address will not be published.