Natyam ad

తిరుమల శ్రీ‌వారి కైంక‌ర్యంలో త‌రించిన సుగంధద్రవ్యాలు, ఎండుఫ‌లాలు

-స్న‌ప‌నంలో ఆక‌ర్ష‌ణీయంగా కుంకుమపువ్వు, పిస్తా-బాదం మాల‌లు, కిరీటాలు

-రంగనాయకుల మండపాన్ని అలంక‌రించిన తిరుపూర్ దాత‌లు, హైదరాబాద్ అలంకార‌ నిపుణులు

 

తిరుమల ముచ్చట్లు:

స్న‌ప‌న తిరుమంజ‌నంలో శ్రీ‌మ‌ల‌య‌ప్ప‌స్వామివారిని స్పృశించే అవ‌కాశం జపాన్ ఆపిల్స్, మస్కట్ గ్రేప్స్, కొరియన్ పియర్స్, థాయ్ మామిడి, అమెరికన్ చెర్రీస్ తర్వాత ప్ర‌స్తుతం కుంకుమపువ్వు, పిస్తా-బాదం మాల‌ల‌కు ద‌క్కింది. సోమవారం నాడు ఆలయంలోని రంగనాయకుల మండపంలో మధ్యాహ్నం ఒంటి గంట నుండి మూడు గంటల వరకు వేద మంత్రోచ్ఛారణ మధ్య స్న‌ప‌న తిరుమంజ‌నం శాస్త్రోక్తంగా జరిగింది. శ్రీదేవి, భూదేవి సమేతంగా శ్రీ మలయప్పస్వామివారి ఉత్సవమూర్తులను ప్రత్యేక వేదికపై ఆశీనుల‌ను చేసి వివిధ ర‌కాల సుగంధ ద్రవ్యాలతో విశేషంగా అభిషేకం చేశారు. రంగురంగుల ఆర్కిడ్ పుష్పాలు, తామ‌ర‌ల‌తో వేదిక‌ను సుంద‌రంగా తీర్చిదిద్దారు.

 

 

 

ఈ సంవత్సరం ప్రత్యేక ఆకర్షణగా మొదటిసారిగా కుంకుమపువ్వు దారాలతో మాల‌లు, కిరీటాలు సిద్ధం చేశారు. ఒక కిలో కుంకుమపువ్వు ధ‌ర దాదాపు రూ.2 లక్షలు కాగా, ఒక మాల‌ను త‌యారు చేయ‌డానికి దాదాపు 3 కిలోలు ఉపయోగించారు. తమిళనాడులోని తిరుపూర్‌కు చెందిన దాతలు  రాజేంద్రన్,   షణ్ముగ సుందరం,   బాల సుబ్రహ్మణ్యం అందించిన విరాళంతో హైద‌రాబాద్‌కు చెందిన అంబికా ఫ్లోరా సంస్థ ఈ మాల‌లు త‌యారు చేసింది. అంబికా సంస్థ అధిపతి   శ్రీనివాస్‌ ఆధ్వర్యంలో దాదాపు 60 మంది నిపుణులు రాత్రింబవళ్లు కష్టపడి సుగంధ ద్రవ్యాలు, ఎండుఫ‌లాల‌తో ఈ మాల‌లు తయారు చేశారు.అదేవిధంగా, అత్తిపండ్లు, నేరేడు పండ్లు, పిస్తా-బాదం-యాలకులు, జొన్నలు మొదలైన వాటితో మాల‌లు, కిరీటాలు త‌యారుచేశారు. స్న‌ప‌నంలో ఏడు రకాల మాల‌లు, కిరీటాలు, చివ‌రిగా తులసి మాలలు అలంకరించారు.

 

Tags: Spices and dried fruits in Tirumala Srivari Kainkaryam

Leave A Reply

Your email address will not be published.